Kôlôse 2:8 - Sră Goh 2018

⁸ Kơrhia tĕ, rngòt gơs cau lơi ai bơta jak chài dunnia dê mơ jơnau pơrlồm roh lơm, jat jơnau òs yau kòn mơnus dê, jat bơta ƀă liă dunnia dê, ò di jat Bơtau Krist.

Kôlôse 2:8 Mawu Ofanana

Đơs Chò 2:15

Kup tĕ bol he in ală kòn pì, ală kòn pì dềt phà tơnlề suơn ño; bơh suơn ño bol he dê gơlik bơkào.”

Jeremi 29:8

Yàng Jehôwa Gơnap Gơnoar, Yàng Tom Trồ Israel dê, đơs be do: “Bañ lòi ală cau gơnoar hwơr ma blac ơm digùl bol mê mơ ală cau sền dà pơrlồm bol mê; kung bañ iat ală bơta yal blac bơh mpau bol khai neh gŏ.

Mathiơ 10:17

Kơrhia tĕ dê cau, bơh bol khai rơp bơtào bol mê di đap Mpồl Kwang Tơrña, mơ pù lơh bol mê tòm ală hìu jum.

Mathiơ 16:6

Yàng Jesu đơs mơ bol khai lah: “Kơrhia tĕ mơ kơrmap gàr să he bơh kañ cau Pharisi mơ cau Saduse dê.”

Mathiơ 7:15

“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 17:32

Dơ̆ kơno đơs bơh bơta kis wơl cau chơt dê, gen cau ƀà dơñŏ tơnhial, cau ƀà tai đơs lah: “Bol he kòñ iat ồng đơs jơnau do dô dơ̆ tai.”

Rôma 16:17

Ơ oh mi, añ bơto tơngkah oh mi kơrhia tĕ di ală cau tơnggơs mpồl is mơ lơh kai gơtup tìs, tòmdră di gùng duh khoai mơ oh mi neh bơtê. Pleh ngài tĕ dê bol khai.

I Kôrintô 10:12

Behơ̆, cau lơi kơlôi he ntào kơ̆, gen kơrhia tĕ rngòt gơplơ̆.

I Kôrintô 8:9

Bulah behơ̆, kơrhia tĕ, rngòt bơta khat gơboh oh mi dê gơlik gơs dô nơm kai lơh cau lơbơn bơta dòn in gơdùh tòm tồi glài.

II Kôrintô 10:5

Bal mơ jơh ală bơta geh yò tơngguh sòdră mơ bơta dòp git Yàng Tom Trồ, mơ kup jơh ală bơta kơlôi sơnơng nàng dòn bơr Bơtau Krist.

Galati 1:14

añ ntoat tơngguh tòm gùng duh khoai cau Juda dê rlau jơh mơ ală cau dô rơh dô rài bal mơ añ: Añ la cau ngac ngar rlau jơh bơh jơnau òs yau ồng pàng añ jê.

Galati 4:3

Bol he kung behơ̆ sơl: Tòm tŭ gam dềt gen neh lơh gơs dĭ bơta ƀă liă dunnia dê.

Galati 4:9

Mơya tŭ do oh mi neh git Yàng Tom Trồ, hala pal đơs lah geh Yàng Tom Trồ git oh mi, gen mbe oh mi rê wơl hơ bơta ƀă liă lơbơn lơño ò kwơ hơ̆? Mơ ñchi bơh tài kòñ lơh dĭ gơ in tai taih?

Galati 5:15

Mơya dilah oh mi kap loan gơp he, gen kơrhia tĕ, rngòt oh mi tòm tơnroh bal mơ gơp.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Ephesô 4:20

Mơya oh mi neh bơtê jat Bơtau Krist gen ò di behơ̆,

Ephesô 5:6

Bañ lòi cau lơi ai jơnau roh lơm mơ pơrlồm oh mi, tài bơh ală bơta hơ̆ mơ bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

Yal Wơl 6:12

gen bol mê kơrhia tĕ nàng ò lòi hŭi Yàng Jehôwa la Bơtau neh tă tơlik bol mê bơh di Ejiptơ, bơh di lơgar ơm dĭ.

Philip 3:2

Kơrhia tĕ di ală so, kơrhia tĕ di ală cau lơh broă iơh bơsak, kơrhia tĕ di bơta siat gơltau ma blac.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

Kôlôse 2:20

Dilah oh mi neh chơt bal mơ Bơtau Krist gơwèt mơ ală bơta ƀa liă dunnia dê, gen mbe lơh oh mi kis kung be gam gơrê bal mơ dunnia taih? Ñchi bơh tài oh mi dòn duh ală bơta òs mòng jat ală bơta sồr lam mơ ală bơta bơto sồr jơi kòn mơnus dê taih? Kung be:

Kôlôse 2:22

hơ̆ la gơwèt mơ ală phan dilah ngui gen gơ rơp roh rui lơm.

Kôlôse 2:23

Ală bơta hơ̆ gơlơh be jak chài tòm bơta duh khoai jat nùs is, bơta pơndêt să, bơta bơklơn să jan, mơya ngan ò gơs kwơ dô êt lơi nàng tòmdră mơ bơta hàm kòñ poac să dê.

I Timôthe 6:20

Ơ Timôthe, kơrmap gàr tĕ bơta neh jào mê in, pleh tĕ di ală jơnau gơlềng gơlàng ƀơ̆ ƀơl jat dunnia, mơ ală bơta sòdră bơta git jak dê, la bơta git jak mìng gơs sơnđan gòi.

II Timôthe 3:13

Mơya ală cau iơh bơsak mơ cau ma blac gen sơlo gơlik iơh tai, pơrlồm cau ndai mơ bol khai kung kòl cau ndai pơrlồm sơl.

Hebrơ 13:9

Bañ lòi ală bơta bơto sồr krơi ndai cèng pơrdô oh mi. Hơ̆ la niam tồ dòp geh nùs kơ̆ wền kơnòm di bơta nđàc Yàng Tom Trồ dê, ò di kơnòm di bơta sồr lam bơh phan sa, la bơta ò kwơ ală cau in jat bơta hơ̆.

Hebrơ 3:12

Ơ ală oh mi, kơrhia tĕ, rngòt gơs cau lơi tòm oh mi gơs nùs iơh bơsak mơ ò dòn, mơ sang lòi Yàng Tom Trồ gam kis sùm.

I Pier 1:18

Bơh oh mi git lah ò di bơh phan òs roh rui be priă hala màh mơ oh mi neh geh tơwài lik klàs bơh bơta lơh lòt ò kwơ mơ ồng pàng lòi wơl he in ò,

II Pier 3:17

Behơ̆, ơ ală cau kòñ gơboh, bơh oh mi neh git lài ală bơta hơ̆, gen pal kơrhia tĕ, rngòt oh mi kòl hwài tơlik bal mơ bơta tìs nrah ală cau iơh bơsak hơ̆ dê, mơ lơh roh bơta kơ̆ cê is oh mi dê.

II Jang 1:8

Oh mi pal kơrmap gàr tĕ să he, tồ ò roh tơngai broă bol he dê, mơya rơp dòp geh phan ƀàn wil tơl.