Kôlôse 2:3 - Sră Goh 2018

³ Kơnràñ la kai mpồng nàng pò jơh ală bơta dờng màng neh pồn ndơp bơh bơta jak chài mơ bơta git jak Yàng Tom Trồ dê.

Kôlôse 2:3 Mawu Ofanana

I Ală Bơtau 3:28

Tòm tŭ jơh ală cau Israel kơno bơta cahrña bơtau dê, gen bol khai duh rngòt ngan di bơtau, tài bơh bol khai dòp git cau bơtau gơs bơta jak chài Yàng Tom Trồ dê nàng lơh jat bơta song ring.

Sră Jop 28:21

Gơ ơm pồn ndơp bơh ală mat jơh ală jơi gơs bơta kis, Mơ pồn bơh di ală jơi sềm tòm pah gòi.

Jơnau Pơnđik 2:4

Dilah kòn jòi gơ kung be jòi priă, Mơ jòi jat gơ kung be jòi jat phan màng pồn ndơp,

Esai 11:2

Hwềng Yàng Jehôwa dê rơp ơm hơđang Kơnràñ, hơ̆ la Hwềng jak chài mơ git jak, Hwềng jak bơyai mơ gơnoar pràn, Hwềng git wă mơ duh rngòt di Yàng Jehôwa.

Esai 40:14

Yàng Jehôwa neh lùp ñcau nàng lơh Kơnràñ geh àng loh, mơ bơto Kơnràñ in gùng bơta song ring dê taih? Ñcau neh bơto Kơnràñ in git jak, hala sơnio Kơnràñ in gùng bơta git wă taih?

Mathiơ 10:26

“Behơ̆ bañ rngòt di bol khai, bơh ò gơs bơta lơi pồn ndơp mơ ò gơ pò tơlik, ò gơs bơta lơi ndơp ndơr mơ ò gơ ràng tơlik.

Luka 11:49

Gen tàng bơta jak chài Yàng Tom Trồ dê kung neh đơs lah: ‘Añ rơp sồr ală cau gơnoar hwơr mơ ală cau gơnoar bơto dờng lòt tus hơ bol khai; bol khai rơp tơnchơt cau do, kup kơryan cau ne.’

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!

I Kôrintô 1:24

mơya gơwèt hơ ală cau geh hòi sac, cau Juda hala cau Grek, gen Bơtau Krist la gơnap gơnoar Yàng Tom Trồ dê mơ la bơta jak chài Yàng Tom Trồ dê.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

Ephesô 1:8

Mơ Kơnràñ neh tuh lìu làc hơđang bol he, hơ̆ la bơta jak chài mơ bơta àng loh wil tơl.

Kôlôse 1:19

Bơh Yàng Tom Trồ neh niam nùs ai jơh ală bơta bềng tơl Kơnràñ dê ơm tòm Yàng Jesu,

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

Kôlôse 1:9

Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

Kôlôse 3:3

Bơh oh mi neh chơt, bơta kis oh mi dê neh pồn bal mơ Bơtau Krist tòm Yàng Tom Trồ.

II Pier 1:5

Tài bơh hơ̆ oh mi pal jơh nùs bơtơl bơta kơ̆ dơn hơđang bơta dòn, bơtơl bơta git jak hơđang bơta kơ̆ dơn,

Yal Tơlik 2:17

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh: ‘Cau lơi geh pha lin rlau, Añ rơp ai khai in mana gam pồn ndơp, mơ Añ rơp ai khai in dô nơm pơnai lŭ bò, hơđang lŭ hơ̆ gơs cih dô nơm sơnđan pa, rlau mơ cau dòp gơ gen ò gơs cau lơi git.’”