Kôlôse 2:14 - Sră Goh 2018

¹⁴ Kơnràñ jùt sang jơnau tòmho cih tòm ală bơta sồr lam, gơlơh nền glài tòmsò mơ bol he; Kơnràñ kung tă gơ mơ pơng gơ di chi pơng.

Kôlôse 2:14 Mawu Ofanana

Nehemi 4:5

Dan bañ jơm bơta iơh bơsak bol khai dê, dan bañ lòi glài bol khai dê jùt bơh di đap mat Yàng; bơh khai neh đơs jơnau bơtat bơtròh di đap mat ală cau bơt bơtào.

Este 3:12

Gen ală cau cih sră bơtau dê pơjum bal tòm ngai jơt pe kơnhai dùl, mơ dô gơnoar sồr, jat be gơnoar Haman dê, neh geh cih tus hơ bơtau oh mơ kwang dờng at bồ hơđang ală kơnhwàl dê mơ tus hơ ală cau kwang at bồ jơh làng bol, tus hơ kòp kơnhwàl jơnau đơs kòp làng bol dê. Ală sră hơ̆ geh cih tòm sơnđan să tòm bơtau Ahasuerus dê mơ geh tap ƀang kì bơtau dê.

Este 8:8

Tŭ do ai tĕ sơnđan bơtau mơ ala mat cau Juda, cih tĕ dô jơnau gơnoar sồr ndai mơ bol ai kơlôi la niam rlau jơh, lồc behơ̆ tap ƀang kì gơ mơ sơmbiat bơtau dê, bơh dô pang sră yal gơnoar sồr neh cih ai sơnđan bơtau mơ ƀang kì sơmbiat bơtau dê gen ò rgơi tơnroh ò.”

Đơs Crih 51:1

Ơ Yàng Tom Trồ, dan kòñ nđàc di añ jat nùs kòñ gơboh kơ̆ dơn Kơnràñ dê; Dan jùt jơh ală bơta tìs glài añ jê, jat bơta kòñ nđàc dờng ơnàng Yàng dê.

Đơs Crih 51:9

Dan Yàng pleh mat bơh di ală tồi glài añ jê, Mơ jùt jơh ală bơta iơh bơsak añ jê.

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Esai 57:14

Mơ rơp gơs jơnau đơs lah: “Bơt tĕ, bơt tĕ, wàs tĕ gùng lòt! Tă sang tĕ ală phan kơryan gùng lòt làng bol Añ jê.”

Khà Làng Bol 5:23

Cau gơnoar ơn phan duh khoai pal cih ală jơnau srat sơntơm tòm dô nơm sră pồt lồc behơ̆ rào ală jơnau hơ̆ tòm dà bơtang.

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Kôlôse 2:20

Dilah oh mi neh chơt bal mơ Bơtau Krist gơwèt mơ ală bơta ƀa liă dunnia dê, gen mbe lơh oh mi kis kung be gam gơrê bal mơ dunnia taih? Ñchi bơh tài oh mi dòn duh ală bơta òs mòng jat ală bơta sồr lam mơ ală bơta bơto sồr jơi kòn mơnus dê taih? Kung be:

II Tesalônika 2:7

Bơh cau iơh bơsak ndơp ndơr neh lơh broă rau; mơya tŭ do mìng gam dô Bơtau kơryan lơm, tus di tŭ Bơtau hơ̆ geh tă tơlik.

Hebrơ 7:18

Behơ̆ gen, tài bơh bơta boh lam lài òr ò tơl pràn mơ ò kwơ gen neh sang lòi,

Hebrơ 8:13

Bơh neh sơnđan bơta ho bal do la pa, gen Yàng Tom Trồ neh lơh bơta ho bal sơnròp gơlik gơs yau. Mơ bơta lơi la yau, klar, gen gơ rơp roh thit mo.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.