Kôlôse 2:13 - Sră Goh 2018

¹³ Ai oh mi, tòm tŭ neh chơt bơh bơta tìs glài oh mi dê mơ bơh bơta ò siat gơltau poac să oh mi dê, gen Kơnràñ neh lơh oh mi in kis bal mơ Bơtau Krist, bơh Kơnràñ neh toh jơh ală bơta tìs glài bol he dê.

Kôlôse 2:13 Mawu Ofanana

Đơs Crih 119:50

Jơnau ho pơgon Yàng dê ai añ in kis, Hơ̆ la jơnau pơndòm pơniang añ tòm tŭ gơlòng bòl glar.

Đơs Crih 32:1

Lơngai cau lơi in geh toh bơta tìs glài he dê, Mơ tồi glài cau lơi geh jơm ndơp.

Đơs Crih 71:20

Kơnràñ neh ai añ in gŏ oă ngan bơta bòl glar jê sồt, Kơnràñ kung rơp lơh añ in geh kis wơl, Mơ cèng añ guh bơh di tiah cìr jrô ù dê.

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Luka 15:24

Bơh kòn añ do neh chơt mơ kis wơl, neh roh mơ geh bàn wơl.’ Chòp bol khai sơntòm sa chò hòp.

Luka 15:32

Mơya di pal ngan sa chò hòp mơ hòn chò, bơh oh mê do neh chơt mơ kis wơl, neh roh mơ geh bàn wơl.’”

Luka 9:60

Mơya Kơnràñ đơs lah: “Lòi tĕ cau chơt tơp cau chơt bol khai dê; ai mê lòt tĕ bơto yal bơh lơgar Yàng Tom Trồ.”

Jang 5:21

Bơh Bèp lơh ală cau chơt in kis wơl be lơi, gen Kòn kung ai bơta kis cau lơi in, jat be Kòn kòñ behơ̆ sơl.

Jang 6:63

Hơ̆ la hwềng ai bơta kis, poac să ò kwơ dô êt lơi. Ală jơnau Añ neh đơs mơ bol mê hơ̆ la hwềng mơ bơta kis.

Rôma 4:17

be Sră Goh neh cih lah: “Añ neh bơtào mê lơh gơs bèp oă làng bol dê,” di đap Yàng Tom Trồ la Bơtau khai neh dòn, hơ̆ la Bơtau ai bơta kis cau chơt in, mơ hòi ală bơta ò gơs be neh gơs rau.

Rôma 6:13

kung bañ ơn să jan he tồi glài in, nàng lơh gơs phan ngui bơta iơh bơsak dê, mơya ơn tĕ să tòm oh mi Yàng Tom Trồ in, kung be ală cau neh chơt mơ kis wơl mơ ơn să jan he Yàng Tom Trồ in, nàng lơh gơs phan ngui bơta song ring dê.

Rôma 8:11

Dilah Yàng Hwềng Goh bơh Bơtau neh lơh Yàng Jesu in kis wơl bơh bơta chơt ơm tòm oh mi, gen Bơtau neh lơh Yàng Krist Jesu in kis wơl bơh bơta chơt kung rơp kơnòm di Yàng Hwềng Goh Kơnràñ dê ơm tòm oh mi nàng lơh să jan òs chơt oh mi dê geh kis sơl.

I Kôrintô 15:36

Ơ cau tùl gơla ne, phan lơi mê sih, dilah ò chơt lài gen kung ò kis wơl sơl.

I Kôrintô 15:45

Bơh Sră Goh cih lah: “Cau sơnròp la Adam neh gơlik gơs jơi geh bơta kis; Adam lồi dut gơlik gơs hwềng ai gòi bơta kis.”

II Kôrintô 3:6

Kơnràñ kung neh ai bol hi in gơs tơl bơta chài rgơi nàng lơh gơs cau duh broă bơta ho bal pa, ò di bơta ho bal mơ sră, mơya bơta ho bal mơ Yàng Hwềng; bơh sră lơh gơs chơt, ai Yàng Hwềng lơh gơs kis.

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

Ephesô 2:1

Oh mi neh chơt tòm bơta tìs glài mơ tồi glài oh mi dê,

Ephesô 2:11

Behơ̆, kah wơl tĕ lah lài òr jat poac să oh mi la cau làng bol bơdìh, gơtìp cau kong siat gơltau tòm poac să bơh tê cau lơh, bol khai sơnđan oh mi la cau ò kong siat gơltau;

Ephesô 5:14

Gen tàng neh đơs lah: “Ơ cau lơhă bic ne, kah tĕ, Guh tĕ bơh digùl ală cau chơt, Gen Bơtau Krist rơp sòl pơnđàng hơđang mê.”

Kôlôse 2:12

Bơh oh mi neh kơnòm di ƀaptem mơ geh tơp bal mơ Kơnràñ, kung bơh hơ̆ neh geh kis wơl bal mơ Kơnràñ bơh bơta dòn di broă lơh gơnap gơnoar Yàng Tom Trồ dê, la Bơtau neh lơh Kơnràñ in kis wơl bơh bơta chơt.

I Timôthe 5:6

Mơya cau ùr bơnrau lơi kòñ kơnhơl gơlềng gơlàng, gen bulah kis mơya kung be chơt.

I Timôthe 6:13

Di đap Yàng Tom Trồ la Bơtau ai bơta kis jơh ală phan in mơ di đap Yàng Jesu Krist la Bơtau neh lơh cơng bơh bơta yal tơlik niam di đap Bônsơ Pilat, añ bơto mê kràñ cê,

Hebrơ 6:1

Behơ̆, bol he pal lòi ing ală bơta ƀă liă tòm gùng duh khoai Bơtau Krist dê, mơ ntoat tus hơ bơta wil tơl, bañ bơtào wơl ală mơnàng tai, be bơta gơjrañ sang glài, bơh ală broă chơt, bơta dòn di Yàng Tom Trồ,

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.

Jakơ 2:17

Bơta dòn kung behơ̆ sơl: Dilah bơta dòn ò gơs broă lơh gen gơ chơt is gơ dê.

Jakơ 2:20

Ơ cau tùl gơla ne, mê kòñ git lah bơta dòn ò gơs broă lơh la ò kwơ sơl?

Jakơ 2:26

Poac să ò gơs nhơm tă gen chơt, bơta dòn ò gơs broă lơh kung chơt behơ̆ sơl.

I Jang 2:12

Ơ ală kòn añ jê, añ cih ală kòn in tài bơh tồi glài ală kòn dê neh geh toh kơnòm di sơnđan Yàng Jesu Krist.