Kôlôse 1:6 - Sră Goh 2018

⁶ Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

Kôlôse 1:6 Mawu Ofanana

Đơs Crih 110:3

Làng bol mê dê rơp ơn să bơh nùs kòñ bol khai dê, Tòm ngai mê lam mpồl ling mê dê hơđang ală mơnơm sàng goh. Ală cau pơnu mê dê rơp tus hơ mê kung be dà tŭ tòm àng drim.

Đơs Crih 98:3

Kơnràñ neh kah wơl bơta kòñ gơboh kơ̆ dơn mơ bơta dòn song Kơnràñ dê gơwèt mơ hìu Israel. Làm jơh plai ù neh gŏ bơta pha lin rlau Yàng Tom Trồ bol he dê.

Mathiơ 24:14

Jơnau Niam bơh lơgar Yàng Tom Trồ rơp geh bơto yal làm jơh dunnia, tồ lơh cơng jơh ală làng bol in; tŭ hơ̆ bơta lồi dut rơp tus.”

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Jơnau Niam Jat Mak 16:15

Kơnràñ đơs mơ bol khai lah: “Lòt tĕ làm jơh dunnia, bơto yal Jơnau Niam jơh ală làng bol in.

Jơnau Niam Jat Mak 4:8

Gar ƀà tai rung di ù niam, gen gơhòn, gơlik dờng mơ gơlik plai; gơnar ƀà pe jơt, gơnar ƀà prau jơt, gơnar ƀà dô rhiang.”

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Jang 17:19

Añ bơh bol khai mơ ơn is să Añ jê nàng bol khai in gơlik gơs sàng goh tòm jơnau song.

Jang 4:23

Mơya jơ rơp tus mơ tŭ do neh tus rau, tŭ ală cau duh khoai song ngan rơp ai hwềng nùs mơ jơnau song nàng duh khoai Bèp, bơh Bèp jòi ală cau behơ̆ nàng duh khoai Kơnràñ.

Broă 11:18

Dơ̆ bol khai kơno jơnau hơ̆, gen ơm mŏ mŏ, lồc behơ̆ jòng ro Yàng Tom Trồ lah: “Behơ̆, Yàng Tom Trồ kung neh ai bơta gơjrañ sang glài làng bol bơdìh in tồ bol khai geh bơta kis.”

Broă 12:24

Tŭ hơ̆, jơnau Yàng Tom Trồ kư̆ pò ơnàng mơ gơbơtơl tai sơlo ngai sơlo bơtào tơngguh.

Broă 16:14

Gơs dô nă cau ùr iat jơnau bol hi, sơnđan la Lidi, ƀòn tòm la Thiatirơ, la cau tac bài dà gur, mơ duh khoai Yàng Tom Trồ. Yàng pò nùs mò in wèt tồr iat jơnau Pol đơs.

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Rôma 1:13

Ơ oh mi, añ kòñ oh mi git lah oă dơ̆ añ kòñ lòt còp oh mi, nàng dòp cồng nha tòm oh mi kung be tòm làng bol bơdìh ndai sơl, mơya jơl tus di tŭ do añ gam kòl kơryan.

Rôma 15:19

bơh gơnap gơnoar tềl is mơ ală bơta krơi dê, bơh gơnap gơnoar Yàng Hwềng Goh dê; añ neh bơto yal Jơnau Niam Bơtau Krist dê làm bă tiah bơh Jerusalem mơ tòm ală ƀòn gùt dar jơl tus hơ Iliri.

Rôma 15:28

Behơ̆ tòm tŭ añ neh lơh sir broă hơ̆ rau, mơ jào phan hơ̆ bol khai in, gen añ rơp dah hơ oh mi nàng lòt hơ lơgar «Tây Ban Nha».

Rôma 16:26

mơya, ngai do jơnau song hơ̆ neh geh ràng tơlik bơh ală sră cau gơnoar hwơr, mơ bơh jơnau sồr Yàng Tom Trồ gam sùm sùm dê, tồ jơh ală làng bol in git, nàng cèng bol khai lòt tus hơ bơta dòn mơ bơta dòn bơr.

II Kôrintô 10:14

Bơh bol hi ò sơrlèt rlau mơ gơnoar bol hi dê, be bol hi òhềt tus hơ oh mi, mơya ngan bol hi neh cèng Jơnau Niam Bơtau Krist dê tus hơ oh mi sơnròp ngan.

II Kôrintô 6:1

Bơh bol hi lơh broă bal mơ Yàng Tom Trồ, gen dan oh mi bañ dòp leng bơta nđàc Yàng Tom Trồ dê dô bă ò kwơ.

Ephesô 3:2

ngan oh mi neh kơno bơh gơnoar broă bơta nđàc Yàng Tom Trồ dê neh jào añ in nàng duh broă oh mi,

Ephesô 4:21

ngan oh mi neh kơno bơh Kơnràñ mơ geh bơto tòm Kơnràñ, jat be jơnau song tòm Yàng Jesu.

Ephesô 4:23

kơnòm di Yàng Hwềng tòmgơl pa tòm dơngoh kơlôi mơ hwềng nùs oh mi dê,

Ephesô 5:9

(bơh plai bơta àng dê ơm tòm jơh ală bơta lơbơn niam, song ring, mơ song ngan),

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Philip 4:17

Hơ̆ ò di la añ kòñ gơs phan ai gòi, mơya añ kòñ gŏ cồng nha gơbơtơl oh mi in tòm ală phan ai gòi.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

I Tesalônika 1:5

bơh Jơnau Niam bol hi dê neh bơto yal oh mi in, ò di mìng bơh jơnau đơs lơm, mơya kung bơh gơnap gơnoar, bơh Yàng Hwềng Goh mơ bơh oă bơta dòn nền cê wil tơl sơl, kung be oh mi git bol hi ơm digùl oh mi la mbe lơi; bơta hơ̆ la niam oh mi in.

I Tesalônika 2:13

Tài bơh hơ̆ bol hi kung ưnngài Yàng Tom Trồ ò dơh, bơh oh mi dòp jơnau Yàng Tom Trồ dê mơ bol hi neh bơto yal, gen ò di dòp be jơnau kòn mơnus dê, mơya be jơnau Yàng Tom Trồ dê; jơnau hơ̆ ngan la jơnau Yàng Tom Trồ dê, mơ ơm lơh broă tòm oh mi la cau dòn jat.

II Tesalônika 2:13

Ơ oh mi kòñ gơboh Yàng dê, bol hi pal bơh oh mi mơ ưnngài Yàng Tom Trồ sùm sùm tài bơh Yàng Tom Trồ neh sac rwah oh mi, bơh sơnròp nàng oh mi geh dong klàs tòm bơta gơlik gơs sàng goh bơh Yàng Hwềng mơ bơh bơta dòn jơnau song.

I Pier 5:12

Kơnòm di Silwan, la cau añ sền kung be dô nă oh mi dòn song, añ cih dô êt jơnau do nàng bơto tơngkah oh mi mơ lơh cơng lah do la bơta nđàc song ngan Yàng Tom Trồ dê; oh mi pal ơm kơ̆ tòm bơta nđàc hơ̆.