Kôlôse 1:5 - Sră Goh 2018

⁵ tài bơh bơta gơn kơnòm prap lòi oh mi in hơđang trồ, la bơta lài òr oh mi neh kơno bơh jơnau song Jơnau Niam dê.

Kôlôse 1:5 Mawu Ofanana

Đơs Crih 31:19

Nùs niam Yàng dê la dờng ngan ò git lơh, La nùs niam mơ Yàng neh prap lòi ală cau in duh rngòt di Yàng, Mơ Kơnràñ bơtào kơ̆ ală cau in kìng crŭ să he tòm Yàng, di đap mat jơh tơl nă cau.

Luka 12:33

Tac tĕ phan bol mê nàng pà gòi; rcang tĕ he in kơldung priă ò klar siar, phan màng ò roh hơđang trồ, la tiah cau kơñau ò rgơi tus rềp, mŏ tu ò lơh ồm lề.

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

Broă 13:26

Ơ oh mi la kòn sau jơi bơtiàn Abraham dê, mơ ală cau làng bol bơdìh duh rngòt di Yàng Tom Trồ, hơ̆ la jơnau bơta dong klàs do geh bơto yal bol he in rau.

Broă 23:6

Dơ̆ Pol đal git tòm Mpồl Kwang Tơrña gơs dô êt nă la cau Saduse, dô êt nă tai la cau Pharisi, gen hòi driau lah: “Ơ oh mi, añ la cau Pharisi, la kòn cau Pharisi dê. Hơ̆ la tài bơh bơta gơn kơnòm bơh bơta kis wơl ală cau chơt dê tàng añ kong cahrña do.”

Broă 24:15

Añ gơs bơta gơn kơnòm di Yàng Tom Trồ kung be bol khai gơs sơl, hơ̆ la rơp gơs bơta kis wơl cau song ring mơ cau ò song ring dê.

Rôma 10:8

Mơya mbe jơnau hơ̆ đơs taih? “Jơnau do ơm rềp mơ bol mê, Ơm di bơr mơ tòm nùs bol mê.” Hơ̆ la jơnau bơta dòn mơ bol he bơto yal.

I Kôrintô 13:13

Tŭ do gam pe bơta do: Bơta dòn, bơta gơn kơnòm, mơ bơta kòñ gơboh; mơya bơta dờng màng rlau jơh la bơta kòñ gơboh.

I Kôrintô 15:19

Dilah bol he gơs bơta gơn kơnòm tòm Bơtau Krist mìng tòm rài kis do, gen bol he la cau pal nđàc sơngit rlau jơh mơ ală cau tòm dunnia.

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

II Kôrintô 6:7

jơnau đơs song ngan, gơnap gơnoar Yàng Tom Trồ dê, bol hi at ală phan tòmlơh bơta song ring dê tòm tê đah ma mơ đah kiau;

Galati 2:14

Mơya dơ̆ añ gŏ bol khai ò lòt song jat jơnau song Jơnau Niam dê, gen añ đơs mơ Sepha di đap jơh ală cau lah: “Dilah bi la cau Juda mơ lơh lòt be cau làng bol bơdìh, mơ ò lơh lòt be cau Juda, gen mbe bi bơklơn cau làng bol bơdìh pal lơh lòt be cau Juda taih?”

Galati 2:5

Bol hi ò bài alah di bol khai dô êt lơi, dô êt kung ò sơl, tồ jơnau song Jơnau Niam dê geh ơm kơ̆ wền tòm oh mi.

Galati 5:5

Đah bol he bơh bơta dòn mơ kơnòm di Yàng Hwềng dong, tàng bol he kòp bơta song ring he gơn kơnòm.

Ephesô 1:13

Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

Ephesô 4:21

ngan oh mi neh kơno bơh Kơnràñ mơ geh bơto tòm Kơnràñ, jat be jơnau song tòm Yàng Jesu.

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

I Tesalônika 2:13

Tài bơh hơ̆ bol hi kung ưnngài Yàng Tom Trồ ò dơh, bơh oh mi dòp jơnau Yàng Tom Trồ dê mơ bol hi neh bơto yal, gen ò di dòp be jơnau kòn mơnus dê, mơya be jơnau Yàng Tom Trồ dê; jơnau hơ̆ ngan la jơnau Yàng Tom Trồ dê, mơ ơm lơh broă tòm oh mi la cau dòn jat.

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

I Timôthe 1:15

Yàng Krist Jesu neh tus tòm dunnia nàng dong klàs cau glài, hơ̆ la jơnau nền cê ngan pal dòn dòp wil tơl; tòm ală cau glài hơ̆ añ la cau glài kơnjơ̆ rlau jơh.

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

Sră Pơyoa Pol Dê Pơyoa Tit In 1:2

tòm bơta gơn kơnòm bơh bơta kis gam sùm sùm. Hơ̆ la bơta kis mơ Yàng Tom Trồ, la Bơtau ò tŭ lơi đơs blac, neh ho pơgon bơh lài mơ tŭ òhềt gơs trồ tiah,

Hebrơ 7:19

(bơh bơta boh lam ò lơh wil tơl broă lơi ò), gen cèng tơmut dô bơta gơn kơnòm niam rlau, mơ kơnòm di bơta hơ̆ bol he lòt tus rềp hơ Yàng Tom Trồ.

I Pier 2:2

Kòñ gơboh tĕ di dà toh sàng goh đah hwềng, be ală kòn dềt pa deh, tồ oh mi in kơnòm di bơta hơ̆ nàng gơlik gơs dờng mơ geh dong klàs,

I Pier 3:15

Mơya duh rngòt tĕ di Bơtau Krist la sàng goh mơ bơtào Kơnràñ lơh gơs Yàng tòm nùs oh mi dê. Pal sùm sùm rcang sir nàng ho wơl mơ cau lơi lùp bơh bơta gơn kơnòm tòm oh mi, mơ lơh bơta hơ̆ dô bă niam lơnhơn mơ duh rngòt.

II Pier 1:12

Behơ̆ tàng añ gơs nùs kòñ tơngkah sùm ală bơta hơ̆ oh mi in, bulah oh mi neh git loh mơ ơm kơ̆ cê tòm jơnau song mơ oh mi neh gơs.

I Jang 3:3

Cau lơi gơs bơta gơn kơnòm hơ̆ tòm Kơnràñ, gen kơrmap gàr să he sàng goh, kung be Kơnràñ la sàng goh.