Kôlôse 1:18 - Sră Goh 2018

¹⁸ Kơnràñ kung la bồ să jan dê, hơ̆ la bồ Hìu Jum Goh. Kơnràñ la tòm ryas, la cau sơnròp kis wơl bơh bơta chơt, tồ tòm jơh ală bơta Kơnràñ la bồ.

Kôlôse 1:18 Mawu Ofanana

Đơs Crih 89:27

Mơ Añ rơp lơh khai in gơlik gơs kòn tơnhoa Añ jê, Gơlik gơs bơtau hơđang rlau jơh mơ ală cau bơtau tòm plai ù.

Đơs Chò 5:10

Cau kòñ gơboh añ bò mơ dum, khà dùl tòm jơt rbô nă cau.

Esai 52:13

Do, cau duh broă Añ rơp la cau pas gơs; Khai rơp geh yò tơngguh, mơ geh jòng ro hơđang rlau jơh.

Mathiơ 23:8

Mơya bol mê bañ lòi cau sơnđan bol mê la Rabi, bơh bol mê gơs mìng dô Bơtau la Cau Bơto, ai jơh ală bol mê la oh mi.

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Jang 1:1

Bơh sơnròp gơs Bơtau Jơnau, Bơtau Jơnau ơm mơ Yàng Tom Trồ, mơ Bơtau Jơnau la Yàng Tom Trồ.

Jang 1:16

Bơh tòm bơta lìu làc Kơnràñ dê, jơh ală bol he neh dòp geh bơta nđàc bơtơl hơđang bơta nđàc.

Jang 1:27

Bơtau hơ̆ tus tơnơ̆ añ, añ ò pal hồ che khŏ Kơnràñ.”

Broă 26:23

hơ̆ la Bơtau Krist pal kong jê sồt, mơ la cau sơnròp ngan kis wơl bơh bơta chơt nàng bơto yal bơta àng, bơta dong klàs cau Juda mơ cau làng bol bơdìh in sơl.”

Rôma 8:29

Bơh ală cau Kơnràñ neh git lài, gen Kơnràñ kung neh lơh nền lài nàng bol khai in gơlik gơs be rùp să Kòn Kơnràñ dê, tồ Kòn hơ̆ lơh gơs kòn tơnhoa ơm digùl oă oh mi;

I Kôrintô 11:3

Bulah behơ̆ añ kòñ ală oh mi git lah: Bơtau Krist la bồ kòp nă cau klau dê, mơ cau klau la bồ cau ùr dê, mơ Yàng Tom Trồ la bồ Bơtau Krist dê.

I Kôrintô 12:27

Mơ tai, oh mi la să jan Bơtau Krist dê, mơ kòp nă cau la dô pơnah is.

I Kôrintô 15:25

Bơh Kơnràñ pal at bồ jơl tus di tŭ Yàng Tom Trồ “ơn jơh ală cau sò tơm hơđơm mpàng jơng Kơnràñ dê.”

Ephesô 1:10

nàng lơh gơlik gơs di di tŭ tŭ tơngai geh wil tơl, hơ̆ la nàng pơjum bal jơh ală bơta tòm Bơtau Krist, bulah bơta hơđang trồ hala bơta tòm ù.

Ephesô 5:23

Bơh bau klau la bồ bau ùr dê, kung be Bơtau Krist la bồ Hìu Jum Goh dê, Hìu Jum Goh la să jan Bơtau Krist, mơ Kơnràñ kung la Yàng Dong Klàs Hìu Jum Goh dê.

Kôlôse 1:24

Tŭ do añ hòn chò bơh bơta añ kong jê sồt bòl glar bơh oh mi, mơ bơh să jan Bơtau Krist dê la Hìu Jum Goh, añ ơn poac să añ nàng kong pơnah gam siơ̆u tòm bơta bòl glar Kơnràñ dê.

Kôlôse 2:19

ò sơmbat kơ̆ di Bồ. Kơnòm di Bồ hơ̆ jơh să jan geh ròng siam mơ gơtòmklĕ bal bơh ală tiah tơrbŏ mơ ală ară, mơ geh dờng jat bơta lơh nền Yàng Tom Trồ dê.

I Jang 1:1

Jơnau bol hi cih oh mi in la jơnau bơta kis la bơta neh gơs bơh sơnròp, la bơta bol hi neh kơno, mat bol hi neh gŏ, bơta bol hi neh sền, mơ tê bol hi neh ƀư, bơh Jơnau bơta kis,

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 1:8

Yàng la Yàng Tom Trồ, Bơtau Gam Gơs, Neh Gơs mơ Rơp Tus, la Bơtau Gơnoar Dờng Làm Jơh đơs lah: “Añ la Alpha mơ Ômega.”

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 21:6

Kơnràñ đơs tai mơ añ lah: “Sir rau. Añ la Alpha mơ Ômega, Bơtau sơnròp mơ lồi dut. Cau lơi tơhìr, gen Añ rơp ai dà hùc be phan pà gòi bơh croh dà bơta kis.

Yal Tơlik 22:13

Añ la Alpha mơ Ômega, Bơtau bồ dà mơ lồi tơnơ̆, Bơtau sơnròp mơ lồi dut.”

Yal Tơlik 3:14

“Cih tĕ cau gơnrơh Hìu Jum Goh Laodise in lah: Do la ală jơnau đơs Bơtau Amen dê, la Bơtau lơh cơng dòn song mơ song ngan, la tòm ryas bơta crơng gơs Yàng Tom Trồ dê: