Kôlôse 1:10 - Sră Goh 2018

¹⁰ tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 1:10 Mawu Ofanana

Jơnau Pơnđik 16:7

Tŭ gùng dà cau lơi dê niam nùs Yàng Jehôwa, gen Kơnràñ kung lơh ală cau sò tơm khai dê ơm gơtòmsòr bal mơ khai.

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Daniel 12:4

Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”

Mice 4:5

Bơh jơh ală làng bol rơp lòt, kòp nă tòm sơnđan ală yàng bol khai dê; Mơya bol he rơp cơnđòa lòt tòm sơnđan Yàng Jehôwa la Yàng Tom Trồ bol he dê jơl sùm sùm ò lồi.

Habakuk 2:14

Mơya ù tiah rơp geh bềng lìu bơh bơta git wă bơta gơklŏ Yàng Jehôwa dê, kung be ală dà bềng lìu dàlềng behơ̆ sơl.

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Jang 15:8

Bèp Añ geh gơklŏ, hơ̆ la tài bơh bol mê gơlik oă plai, mơ bol mê rơp lơh gơs cau bơtê Añ jê.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Rôma 1:13

Ơ oh mi, añ kòñ oh mi git lah oă dơ̆ añ kòñ lòt còp oh mi, nàng dòp cồng nha tòm oh mi kung be tòm làng bol bơdìh ndai sơl, mơya jơl tus di tŭ do añ gam kòl kơryan.

Rôma 4:12

mơ kung lơh gơs bèp ală cau kong siat gơltau dê, hơ̆ la ală cau ò di mìng kong siat gơltau lơm ò, mơya kung kis jat krơh bơta dòn Abraham la ồng pàng bol he dê neh gơs lài mơ tŭ òhềt kong siat gơltau.

Rôma 6:4

Behơ̆, bol he neh kong tơp bal mơ Kơnràñ bơh bơta ƀaptem tòm bơta chơt Kơnràñ dê, tồ Bơtau Krist in kơnòm di bơta gơklŏ Yàng Bèp dê mơ geh kis wơl bơh bơta chơt be lơi, gen bol he kung lơh lòt tòm rài kis pa behơ̆ sơl.

II Kôrintô 2:14

Mơya ưnngài Yàng Tom Trồ, Kơnràñ lam bồ bol hi dô bă pha lin tòm Bơtau Krist sùm sùm, mơ bơh bol hi Kơnràñ rsìh ƀô bơlhu bơh bơta dòp git Kơnràñ làm bă tiah.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

II Kôrintô 5:9

Gen tàng, bulah bol he gam ơm hala lik klàs, kung jơh nùs lơh broă tồ niam nùs Kơnràñ.

II Kôrintô 9:8

Yàng Tom Trồ gơs gơnoar ai jơh ală bơta lơngai lơngò tơngkah tơngkañ hơđang oh mi, tồ oh mi in geh tơl ală bơta pal càng, mơ gam gơs tơngkah tơngkañ nàng lơh jơh ală broă niam.

Ephesô 1:17

Mơ dan Yàng Tom Trồ Yàng Jesu Krist bol he dê, la Bèp gơklŏ, ai oh mi in hwềng nùs jak chài mơ bơta yal tơlik nàng dòp git Kơnràñ.

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

Ephesô 4:13

jơl tus di tŭ jơh tơl nă bol he tus dê bơta dô bă bal bơta dòn dê, mơ bơta git jak bơh Kòn Yàng Tom Trồ, mơ gơlik gơs cau dờng, geh sơnoa be rùp să jat bơta bềng tơl Bơtau Krist dê,

Ephesô 5:10

mơ sền sơwì tĕ bơta lơi niam nùs Yàng.

Ephesô 5:15

Behơ̆ kơrhia tĕ bơh bơta lơh lòt oh mi dê, bañ lơh be cau ò jak chài, mơya lơh be cau jak chài.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

Kôlôse 2:19

ò sơmbat kơ̆ di Bồ. Kơnòm di Bồ hơ̆ jơh să jan geh ròng siam mơ gơtòmklĕ bal bơh ală tiah tơrbŏ mơ ală ară, mơ geh dờng jat bơta lơh nền Yàng Tom Trồ dê.

Kôlôse 2:6

Behơ̆ oh mi neh dòp Krist Jesu la Yàng, gen lơh lòt tĕ tòm Kơnràñ behơ̆ sơl.

Kôlôse 3:20

Ơ cau la kòn, tòm jơh ală bơta dòn duh tĕ mè bèp he, bơh bơta hơ̆ niam nùs Yàng.

Kôlôse 4:5

Lơh lòt tĕ dô bă jak chài gơwèt mơ cau bơdìh, mơ pơlai tĕ tŭ tơngai.

I Tesalônika 2:12

Bol hi bơto pơndòm, pơndòm pơniang, mơ lơh cơng oh mi in, tồ oh mi in lơh lòt dô bă di pal ngan mơ Yàng Tom Trồ, la Bơtau hòi oh mi tus hơ lơgar mơ bơta gơklŏ Kơnràñ dê.

I Tesalônika 4:1

Lồi tơnơ̆, ơ oh mi, be oh mi neh bơtê bơh bol hi pal lơh lòt be lơi tồ niam nùs Yàng Tom Trồ, ngan be oh mi lơh lòt tŭ do, gen bol hi ơm tòm Yàng Jesu mơ dan bơto tơngkah oh mi kư̆ lơh behơ̆ sơlo ngai sơlo rlau tai.

II Timôthe 2:4

Ò gơs dô nă cau lơi ơm ling mơ gam gơkòl broă rài do, lơh behơ̆ tồ niam nùs cau tòm hòi khai.

Sră Pơyoa Pol Dê Pơyoa Tit In 3:1

Tơngkah tĕ ală cau dòn jat Yàng pal dòn duh ală cau kwang mơ cau gơnoar at bồ, pal dòn bơr, rcang sir nàng lơh jơh ală broă niam,

Sră Pơyoa Pol Dê Pơyoa Tit In 3:14

Ală cau bal mơ bol he kung pal bơtê lơh ală broă niam, nàng dong kòl tòm tŭ pal càng, tồ bañ kis dô rài kis ò gơlik cồng nha.

Hebrơ 11:5

Bơh bơta dòn Enôk geh cèng guh hơđang trồ ò gan bơta chơt; cau ò gam gŏ khai tai, bơh Yàng Tom Trồ neh cèng khai guh hơđang. Bơh lài mơ tŭ hơ̆ khai neh geh lơh cơng la niam nùs Yàng Tom Trồ.

Hebrơ 13:16

Bañ sang lòi bơta lơh niam mơ tòmpà phan he gơs, bơh hơ̆ la kung be phan ơn duh khoai niam nùs Yàng Tom Trồ.

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

II Pier 1:8

Bơh dilah ală bơta hơ̆ gơs tơl tòm oh mi mơ tơngkah tơngkañ, gen rơp dong oh mi gơs kwơ mơ gơlik cồng nha tòm bơta dòp git Yàng Jesu Krist bol he dê.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.

I Jang 3:22

mơ bol he dan bơta lơi gen dòp geh bơta hơ̆ bơh di Kơnràñ, tài bơh bol he prap gàr ală bơta sồr lam Kơnràñ dê mơ lơh ală bơta niam nùs Kơnràñ.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

III Jang 1:6

Bol khai neh lơh cơng bơh bơta kòñ gơboh bi dê di đap Hìu Jum Goh. Kơp kòñ bi dong kòl dô bă di pal mơ broă Yàng Tom Trồ dê tòm bơta lòt gùng bol khai dê, hơ̆ la niam ngan.