Jôsue 9:9 - Sră Goh 2018

⁹ Bol hơ̆ ho lah: “Ală cau duh broă ồng dê neh tus bơh dô nơm lơgar ngài ngan, tài bơh bol hi neh kơno sơnđan Jehôwa Yàng Tom Trồ ồng dê. Bol hi neh kơno cau yal bơh Kơnràñ, mơ jơh ală bơta Kơnràñ neh lơh tòm lơgar Ejiptơ,

Jôsue 9:9 Mawu Ofanana

I Ală Bơtau 8:41

Kung behơ̆ sơl, tòm tŭ gơs dô nă cau lơgar bơdìh, la cau ò gơrê bal mơ cau Israel Yàng dê, tus bơh lơgar ngài tài bơh sơnđan Yàng dê;

Nehemi 9:5

Gen ală cau Lebi la Jesua, Katmiel, Bani, Hasapneiah, Serebiah, Hôdiah, Sebaniah, mơ Pethahiah đơs lah: “Ntào tĕ, jòng ro Jehôwa Yàng Tom Trồ bol mê dê, la bơtau gam sùm kòp rài. Pal jòng ro sơnđan gơklŏ Kơnràñ dê, sơnđan hơ̆ geh yò tơngguh jơnhoa rlau mơ jơh ală bơta lơngai, mơ jòng ro.”

Đơs Crih 148:13

Lòi bol khai jòng ro sơnđan Yàng Jehôwa, Bơh mìng sơnđan Kơnràñ dê geh yò tơngguh hơđang; Bơta gơklŏ Kơnràñ dê jơnhoa rlau mơ plai ù mơ ală tap trồ.

Đơs Crih 72:19

Pal jòng ro sơnđan gơklŏ Kơnràñ dê jơl tus sùm sùm! Dan bơta gơklŏ Kơnràñ dê bềng lìu làm jơh plai ù! Amen, Amen!

Đơs Crih 78:12

Tòm lơgar Ejiptơ mơ tòm ƀlàng Joan, Kơnràñ lơh ală bơta krơi di đap ồng pàng bol khai dê.

Đơs Crih 83:18

Dan lòi bol khai in git lah mìng dô nă Yàng, La Bơtau Hơđang Rlau Jơh tòm plai ù, Sơnđan Kơnràñ la Yàng Jehôwa.

Lik Ejiptơ 15:14

Ală làng bol rơp kơno mơ rơm să; Bơta rngòt rngơt brồ tơm làng bol Philistin.

Lik Ejiptơ 9:16

Mơya tơnggume Añ lòi mê in gam kis, hơ̆ la nàng sơnio mê in gŏ gơnap gơnoar Añ jê, mơ bơh hơ̆ sơnđan Añ geh pơnro làm jơh plai ù.

Esai 55:5

“Sền ne, bol mê rơp hòi ală lơgar mơ bol mê ò git, mơ ală lơgar ò git bol mê rơp ntoat tus hơ bol mê, tài bơh Jehôwa Yàng Tom Trồ bol mê dê la Bơtau Sàng Goh Israel dê, bơh Kơnràñ neh lơh bol mê in geh gơklŏ.”

Esai 66:19

Añ rơp ơn dô nơm tềl digùl bol khai, mơ Añ rơp sồr dô êt cau tòm mpồl ală cau gam kis lòt tus tòm ală lơgar, hơ̆ la tus hơ Tarsi, Libi, mơ Lidi la làng bol jak pañ sơna, tus hơ Tubal mơ Grek, mơ tus hơ ală bồt pơlào ơm ngài, la tiah òhềt kơno jơnau jòng ro bơh Añ, mơ kung òhềt gŏ bơta gơklŏ Añ jê. Bol khai rơp yal tơlik bơta gơklŏ Añ jê tòm ală lơgar.

Khà Làng Bol 14:15

Dilah Kơnràñ tơnchơt jơh làng bol do tòm dô dơ̆ lĕ, jơh ală làng bol neh kơno jơnau yal do bơh Kơnràñ gen rơp đơs lah:

Khà Làng Bol 20:14

Môise sồr ală cau kong sồr lòt bơh di Kades tus hơ bơtau Edôm mơ đơs lah: “Israel oh bơtau dê đơs be do: Bơtau git jơh ală bơta bòl glar kalke neh gơtơntus hơđang bol hi.

Broă 8:7

tài bơh gơs ală hwềng cà ƀơ̆ driau dờng lik bơh di oă cau gơ neh lơh; oă cau gơlte bal mơ cau pă geh sơmbòi.

Yal Wơl 20:11

Dilah bol khai dòp jơnau mơ pò ală mpồng ƀòn dờng bol khai dê gen jơh làng bol tòm ƀòn dờng hơ̆ pal kong duh broă mơ lơh dĭ bol mê in.

Yal Wơl 20:15

Hơ̆ la bơta mơ bol mê pal lơh jat gơwèt mơ jơh ală ƀòn dờng ơm ngài bơh di bol mê mơ ò gơrê bal mơ ală làng bol ơm tềng do.

Jôsue 9:10

mơ jơh ală bơta Kơnràñ neh lơh di bàr nă cau bơtau Amôrit ơm đah mattơngai lik hiòng Jordan dê, hơ̆ la Sihôn bơtau Hesbôn mơ Ok bơtau Basan at bồ tòm Astarôt.

Jôsue 9:16

Mơya pe ngai tơnơ̆ mơ tŭ neh lơh bơta tòmho bal mơ bol khai, cau Israel kơno lah bol hơ̆ la cau lơgar ơm rềp mơ bol khai.

Jôsue 9:17

Behơ̆ cau Israel ñă lòt gùng tòm pe ngai mơ tus hơ ală ƀòn dờng bol hơ̆ dê la Gabaôn, Kephirah, Beerôt mơ Kiriat Jearim,

Jôsue 9:24

Bol khai đơs mơ Jôsue lah: “Ală cau duh broă ồng dê neh kơno loh làng mbe Jehôwa Yàng Tom Trồ ồng dê neh ai jơnau gơnoar sồr Môise in la cau duh broă Kơnràñ dê, nàng ai ồng in jơh lơgar do mơ tơnroh jơh ală làng bol tòm lơgar bơh di đap ồng. Behơ̆ bol hi rngòt roh bơta kis bol hi dê tòm tê ồng, gen tàng bol hi neh lơh bơta hơ̆.