Jôsue 9:20 - Sră Goh 2018

²⁰ Do la bơta bol he rơp lơh gơwèt mơ bol hơ̆: bol he rơp lòi bol khai in kis nàng bơta gơjrañ dờng hơ̆ ò tuh hơđang bol he, tài bơh bol he ò prap gàr jơnau srat să ho nền mơ bol khai.”

Jôsue 9:20 Mawu Ofanana

II Yal Yau 36:13

Khai kung tòmdră mơ bơtau Nebukatnessar la bơtau neh sồr khai srat să ho nền tòm sơnđan Yàng Tom Trồ dê. Khai kơldang bồ mơ kơldang nùs ò bài rê wơl hơ Yàng Jehôwa la Yàng Tom Trồ Israel dê.

Jơnau Pơnđik 20:25

Đơs dô bă sơrbac sơrbang lah: “Phan do la phan goh!” Mơ tơnơ̆ mơ tŭ neh ho pơgon rau, gen kơlôi sơnơng wơl, hơ̆ ngan la dô nơm dă cau in.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Rôma 1:31

bơrngơl gơla, ò lơh jat jơnau ho bal, ò gơs nùs kòñ gơboh bal be òs, ò gơs nùs kòñ nđàc.

I Timôthe 1:10

cau rềs àr bơrnàn, cau dri tơlàr cau klau mơ cau klau, cau kơñau kòn mơnus, cau đơs blac, cau srat blac in, hala bơta lơi ndai tìs mơ bơta bơto sồr song ngan,

Jôsue 9:19

mơya ală cau kwang at bồ đơs mơ mpồl làng bol lah: “Bol hi neh ai sơnđan Jehôwa Yàng Tom Trồ Israel dê mơ srat să ho nền mơ làng bol hơ̆ mơ tŭ do bol he ò rgơi ƀư di bol khai.

Jôsue 9:21

Ală cau kwang at bồ đơs pơnjat tai lah: “Lòi bol khai in kis, mơya bol khai pal koh lòng ơnòng dà jơh mpồl jơnum Israel in.” Behơ̆, jơnau srat să tòmho ală cau kwang at bồ dê neh geh prap gàr.