Jôsue 8:8 - Sră Goh 2018

⁸ Mơ tòm tŭ bol mê neh ai geh ƀòn rau, gen bol mê pal chu gơ. Lơh tĕ jat be jơnau Yàng Jehôwa neh sồr. Sền tĕ, añ neh ai jơnau sồr bol mê.”

Jôsue 8:8 Mawu Ofanana

II Samuel 13:28

Gen Apsalôm ai jơnau sồr ală cau duh broă khai dê lah: “Iat tĕ do! Tòm tŭ nùs Amnôn dê hòn chò bơh ñô tơrnòm, mơ tŭ añ sồr bol mê: ‘Tơnchơt tĕ Amnôn,’ gen tơnchơt tĕ khai. Bañ rngòt! Ò di să tòm añ neh ai bol mê in jơnau sồr do ò ơ? Lơh tĕ pràn kơldang mơ khin cha.”

Yal Wơl 20:16

Bulah behơ̆, tòm ală ƀòn dờng gơrê bal mơ ală làng bol mơ Jehôwa Yàng Tom Trồ bol mê dê ai bol mê in lơh gơs sre brê gen bañ lòi kis dô nơm phan lơi tă nhơm.

Jôsue 1:16

Bol khai ho Jôsue lah: “Bol hi rơp lơh jơh ală bơta lơi ồng sồr bol hi lơh, mơ lòt tiah lơi ồng sồr bol hi lòt.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Jôsue 6:24

Gen bol khai chu jơh ƀòn dờng bal mơ jơh ală phan tòm hơ̆; mìng priă, màh mơ ală phan ngui lơh mơ kòng mơ lòs gen bol khai ơn tòm đam jàr hìu Yàng Jehôwa dê.

Jôsue 8:13

Bol khai rơndap ală cau ling nàng tòmlơh, mpồl lơh sàl đah đang ƀòn dê mơ mpồl sền gàr kơp òm bơh ngkòi đah mattơngai mut ƀòn dê. Mơya mang hơ̆ Jôsue ơm tòm thòng.

Jôsue 8:2

Mê rơp lơh di Ahi mơ bơtau gơ dê kung be mê neh lơh di Jerikô mơ bơtau gơ dê; mìng bơh ală phan phà kup bal mơ phan poan jơng gơ dê bol mê rơp ai be phan phà kup să tòm bol mê in. Ơn dô mpồl kơp òm tòmdră bơh ngkòi ƀòn dờng.”

Jôsue 8:22

Ală cau neh kơp òm kung lik bơh ƀòn mơ lơh cau Ahi sơl; bol khai kòl gơrwàng gùt dar, cau Israel tơnchơt bol khai jơl tus di tŭ ò gam dô nă cau lơi kis hala dô nă cau lơi dô klàs.

Jôsue 8:28

Behơ̆ Jôsue neh chu ƀòn Ahi, mơ neh lơh gơ in gơlik dô gơnru tơrlah tơrlơm gam sùm sùm, be gơ gơs tus di ngai do.

Jôsue 8:7

bol mê pal guh bơh di tiah bol mê ơm kơp òm mơ tòmpìt ai ƀòn; bơh Jehôwa Yàng Tom Trồ bol mê dê rơp jào gơtòm tê bol mê.

Jôsue 8:9

Gen Jôsue sồr bol khai lik lòt; bol khai lòt tus di tiah ơm kơp òm mơ bol khai ơm kơp digùl Betel mơ Ahi, đah mattơngai mut Ahi dê; ai Jôsue ơm mang hơ̆ digùl làng bol tòm sàl.

Ală Kwang Cahrña 4:6

Debôra sồr jà Barak kòn klau Abinôam bơh Kades tòm Neptali, mơ đơs mơ khai lah: “Yàng Jehôwa la Yàng Tom Trồ Israel dê ai jơnau sồr mê lah: ‘Lòt tĕ, cèng bal mơ mê jơt rbô nă cau klau bơh jơi bơtiàn Neptali mơ bơh jơi bơtiàn Jebulun, mơ lam bol khai tus di mơnơm Thabôr.