Jôsue 8:20 - Sră Goh 2018

²⁰ Ală cau Ahi wơlke sền gŏ ñhŭ bơh ƀòn guh hơ trồ; mơya bol khai ò rgơi dô hơ đah do hala đah ne, tài bơh cau Israel neh dô đah ƀlàng ngềt ngơt tơrwơl lơh ală cau ting jat bol khai.

Jôsue 8:20 Mawu Ofanana

Sơnròp Gơlik Gơs 19:28

Khai tơnggòr sền đah Sôdôm mơ Gômôrơ, mơ làm lơgar tòm ƀlàng, gen khai gŏ ñhŭ bơh tòm tiah hơ̆ guh hơđang, kung be ñhŭ ồs bơh tòm bơnhă dờng.

Sră Jop 11:20

Mơya gar mat cau iơh bơsak dê rơp gơlik roh gơcoh, bol khai ò gơs gùng lơi nàng dô pleh; Bơta kơp kòñ bol khai dê kung be cau lồi nhơm.”

Đơs Crih 76:5

Ală cau khin cha gơkòl kơñau phan neh tòmpìt geh; Bol khai bic lơhă ngan; jơh ală cau jak tòmlơh ò rgơi pò dô đah tê bol khai dê.

Esai 34:10

Ngai mơ mang rơp ò tŭ lơi chơt, ñhŭ gơ par guh gam sùm sùm. Gơ rơp kong sang lòi ngềt ngơt bơh rài do tus hơ rài ne, ò gơs cau lơi rơp lòt gan gơ tai.

Jôsue 8:19

Tòm tŭ khai yơr tê khai dê gen mpồl ơm kơp òm guh mhar bơh di tiah bol khai ơm kơp mơ brồ tus hơđap. Bol khai mut tòm ƀòn, tòmpìt ai gơ mơ chu gơ mơ ồs mo.

Jôsue 8:21

Tòm tŭ Jôsue mơ jơh cau Israel gŏ ală cau kơp òm neh tòmpìt ai ƀòn mơ gŏ ñhŭ guh bơh ƀòn, gen bol khai rê wơl lơh cau Ahi.

Yal Tơlik 18:9

Ală cau bơtau hơđang ù, la cau neh tìs glài rềs àr bơrnàn mơ lơh gơlềng gơlàng bal mơ khai, dơ̆ bol khai gŏ ñhŭ ồs sa khai gen bol khai rơp ñìm rac mơ pơt wòl tài bơh khai.

Yal Tơlik 19:3

Bol khai đơs dô dơ̆ tai lah: “Haleluya! Ñhŭ ồs khai dê gơguh hơđang jơl sùm sùm ò lồi.”

Ală Kwang Cahrña 20:38

Tŭ do bơta gơs dô nùs bal digùl cau Israel mơ ală cau ơm kơp òm, hơ̆ la tòm tŭ bol khai tơlik dô puk ñhŭ guh boh di ƀòn dờng,

Ală Kwang Cahrña 20:40

Mơya tòm tŭ jrong ñhŭ sơntòm guh bơh di ƀòn, cau Benjamin wèt sền bơh ngkòi bol khai, mơ gŏ jơh dô ƀòn gơs ñhŭ ồs guh hơ trồ.

Ală Kwang Cahrña 20:41

Gen cau Israel tơrwơl lơh bol khai mơ cau Benjamin nrơt nrơl bơh bol khai gŏ bơta tơnroh neh tus rềp hơđang bol khai rau.