Jôsue 7:9 - Sră Goh 2018

⁹ Làng bol Kanaan mơ jơh ală làng bol ơm tòm lơgar rơp kơno bơh ală bơta hơ̆, mơ bol khai rơp gơrwàng bol hi mơ tơnroh sơnđan bol hi bơh di ù; gen ñchi Kơnràñ rơp lơh mơ sơnđan dờng Kơnràñ dê taih?”

Jôsue 7:9 Mawu Ofanana

Đơs Crih 115:1

Ơ Yàng Jehôwa, ò di gơrê mơ bol hi, mơya bơta gơklŏ gơrê mơ sơnđan Kơnràñ dê. Bơh bơta kòñ gơboh kơ̆ dơn mơ bơta dòn song Kơnràñ dê, Pal gơrê mơ sơnđan Kơnràñ.

Đơs Crih 48:10

Ơ Yàng Tom Trồ, sơnđan Kơnràñ be bơta jòng ro Kơnràñ dê, jơl tus di tiah lồi dut plai ù dê. Tê ma Kơnràñ dê at bồ dô bă pha lin rlau.

Đơs Crih 79:9

Ơ Yàng Tom Trồ la Bơtau dong klàs bol hi, dan dong kòl bol hi, Bơh bơta gơklŏ sơnđan Yàng dê; dan dong klàs, mơ dan toh glài bol hi in, tài bơh sơnđan Kơnràñ.

Đơs Crih 83:4

Bol khai đơs lah: “Tus tĕ tơnroh bol khai bơh di ală làng bol, Tồ sơnđan Israel ò gam geh cau kah tai.”

Đơs Crih 83:5

Ngan, bol khai bơyai bal dô nùs, Bol khai bơtào bơta ho bal sòdră di Yàng:

Lik Ejiptơ 32:12

Ñchi bơh tài cau Ejiptơ rgơi đơs lah: ‘Hơ̆ la tài bơh nùs iơh mơ Kơnràñ neh cèng bol khai lik nàng tơnchơt bol khai tòm ală mơnơm, mơ nàng tơnroh jơh bol khai bơh di hơđang plai ù’? Dan Yàng pơrlac wơl bơh di bơta gơjrañ dờng Kơnràñ dê, dan nđàc sơngit mơ bañ đùh bơta rung rài hơđang làng bol Kơnràñ dê.

Ejekiel 20:9

Mơya tài bơh sơnđan Añ mơ Añ neh lơh broă tồ ò kòl sền òsơp di đap mat ală làng bol mơ bol khai neh ơm digùl hơ̆, di đap ală làng bol hơ̆ Añ neh yal tơlik să tòm Añ cau Israel in bơh añ neh cèng bol khai lik klàs bơh di lơgar Ejiptơ.

Jôel 2:17

Ală cau gơnoar ơn phan duh khoai, la ală cau duh broă di đap Yàng Jehôwa, ñìm rac digùl mpồng hìu duh khoai mơ cơnòng duh khoai, mơ đơs lah: “Ơ Yàng Jehôwa, dan pơlai tĕ làng bol Kơnràñ dê, dan bañ lòi sre brê Kơnràñ dê kong cau sền òsơp, mơ kong ală lơgar ndai dơñŏ tơnhial. Ñchi bơh tài bol khai rgơi đơs digùl ală làng bol lah: ‘Ntềng đah Yàng Tom Trồ bol khai dê taih?’”

Mice 7:10

Gen cau sò tơm di añ rơp gŏ, mơ rơp kong bơta ƀàssìl jơm gòm khai la cau neh đơs mơ añ lah: “Ntềng đah Jehôwa Yàng Tom Trồ mê dê taih?” Mat añ rơp gŏ bơta gơplơ̆ khai dê; tŭ do khai rơp kong jă trơm hơđơm mpàng jơng kung be bŏ tòm ală gùng lòt.

Khà Làng Bol 14:13

Mơya Môise đơs mơ Yàng Jehôwa lah: “Ală cau Ejiptơ rơp kơno bơh bơta hơ̆. Kơnràñ neh ngui gơnap gơnoar Kơnràñ dê mơ cèng làng bol do lik lòt bơh di bol khai.

Jang 12:28

Ơ Bèp, dan lơh tĕ gơklŏ sơnđan Bèp.” Tŭ hơ̆ gơs jơnau bơh đang trồ đơs lah: “Añ neh lơh gơklŏ sơnđan rau, mơ Añ rơp lơh gơklŏ tai.”

Yal Wơl 9:28

Dilah ò behơ̆, lơgar mơ bơh tềng hơ̆ Kơnràñ neh tă cèng bol hi rơp đơs lah: “Tài bơh Yàng Jehôwa ò rgơi cèng bol khai mut tòm lơgar Kơnràñ neh ho ai bol khai in, mơ tài bơh Kơnràñ gơjrañ kơuềng di bol khai gen Kơnràñ neh cèng bol khai nàng tơnchơt bol khai tòm ƀlàng ngềt ngơt.”

Jôsue 7:10

Yàng Jehôwa đơs mơ Jôsue lah: “Ñă tĕ, ñchi mê lơh blup mat di ù behơ̆ taih?

Jôsue 7:8

Ơ Yàng Jehôwa, ñchi añ rgơi đơs tòm tŭ cau Israel neh wèt ngkòi bol khai di đap cau sò tơm bol khai dê taih?

I Samuel 12:22

Bơh sơnđan dờng ryŭ Yàng Jehôwa dê gen Kơnràñ rơp ò sang lòi làng bol Kơnràñ dê, tài bơh Kơnràñ neh niam nùs dòp rò bol mê lơh gơs làng bol Kơnràñ dê.