Jôsue 7:7 - Sră Goh 2018

⁷ Gen Jôsue đơs lah: “Ơ Jehôwa Yàng Tom Trồ, ñchi bơh tài Kơnràñ neh cèng jơh làng bol do tiă hiòng Jordan nàng jào bol hi tòm tê làng bol Amôr tơnroh bol hi taih? Digơlan niam rlau bol hi neh lơh nền ơm wơl đah ne hiòng Jordan!

Jôsue 7:7 Mawu Ofanana

II Ală Bơtau 3:10

Gen bơtau Israel đơs lah: “Ơ hơh! Yàng Jehôwa neh hòi pe nă cau bơtau do tus nàng jào bol he tòm tê Môap.”

Đơs Crih 116:11

Tòm tŭ añ rngòt rngơt añ đơs lah: “Jơh tơl nă cau la blac pơrlồm lơm.”

Lik Ejiptơ 16:3

Cau Israel đơs mơ bol khai lah: “Digơlan niam rlau la bol hi neh chơt bơh tê Yàng Jehôwa tòm Ejiptơ. Tềng hơ̆ bol hi nggui rềp di ală glah poac mơ sa jơh ală phan sa mơ bol hi kòñ sa, mơya bàr nă ồng neh cèng bol hi lik lòt mơ mut tòm ƀlàng ngềt ngơt do nàng lòi jơh dô mpồl jơnum do chơt jơgloh.”

Lik Ejiptơ 17:3

Mơya tềng hơ̆ làng bol tơhìr dà ngan, mơ bol khai yoam tòmdră di Môise. Bol khai đơs lah: “Ñchi bơh tài ồng neh cèng bol hi lik bơh Ejiptơ nàng bol hi mơ kòn bol hi dê bal mơ ală mpồl phan poan jơng pal kong chơt tơhìr be do taih?”

Khà Làng Bol 14:16

‘Yàng Jehôwa ò rgơi cèng làng bol do tus tòm lơgar mơ Kơnràñ neh srat să ho ai bol khai in; behơ̆ Kơnràñ neh tơnchơt bol khai tòm ƀlàng bràs.’

Khà Làng Bol 14:3

Ñchi bơh tài Yàng Jehôwa cèng bol hi tus hơ lơgar do nàng lòi bol hi gơpừ chơt bơh đào tiah? Ală bau ùr mơ ală kòn sau bol hi dê rơp kong kup cèng kung be phan cau tòmpìt geh. Ò di niam rlau bol hi in la rê wơl hơ Ejiptơ ò ơ?”

Mathiơ 17:17

Yàng Jesu ho lah: “Ơ jơi bơtiàn ò dòn mơ kơldang bồ ne, Añ kong ơt mơ bol mê jơl tus di tŭ lơi taih? Cèng tĕ kòn hơ̆ tus tềng do Añ in.”

Mathiơ 17:20

Kơnràñ ho lah: “Tài bơh bol mê gơs dô êt bơta dòn. Bơh di ngan Añ đơs mơ bol mê, dilah bol mê gơs bơta dòn be dô nơm gar sơbê, gen rơp đơs mơ mơnơm do lah: ‘Ñă lòt tĕ bơh tềng do tus hơ ne,’ gen gơ lòt; mơ ò gơs bơta lơi la bol mê ò rgơi lơh.” [

Hebrơ 12:5

mơ oh mi neh hŭi jơnau bơto tơngkah kung be bơto tơngkah kòn lah: “Ơ kòn, bañ sền òsơp di bơta lơh glài tơmàl Yàng dê, Mơ bañ gơplơ̆ nùs tòm tŭ Kơnràñ lah pơrhơng;

Jôsue 7:6

Gen Jôsue crè ào khai mơ tơmbic să blup mat tòm ù di đap Đài Yàng Jehôwa dê jơl tus mho; khai bal mơ ală cau kwang kra Israel dê; mơ bol khai rsìh thul hơđang bồ bol khai dê.

Jôsue 7:8

Ơ Yàng Jehôwa, ñchi añ rgơi đơs tòm tŭ cau Israel neh wèt ngkòi bol khai di đap cau sò tơm bol khai dê taih?

Ală Kwang Cahrña 20:23

Bol khai guh ñìm di đap Yàng Jehôwa jơl tus di mho mơ hòi lùp Yàng Jehôwa lah: “Bol hi pal guh tòmlơh tai mơ cau Benjamin la oh mi bol hi dê sơl?” Yàng Jehôwa ho lah: “Guh tĕ tòmlơh mơ bol khai.”

I Samuel 4:3

Tòm tŭ cau ling tòmlơh rê wơl hơ sàl, gen ală cau kwang kra Israel dê lùp lah: “Ñchi bơh tài Yàng Jehôwa neh lòi bol he kong alah tòm ngai do di đap cau Philistin taih? Bol he lòt lă cèng Đài Bơta Ho Bal Yàng Jehôwa dê bơh Silô, tồ Kơnràñ lòt bal mơ bol he mơ dong klàs bol he bơh bơta pràn ală cau sò tơm bol he dê.”