Jôsue 7:5 - Sră Goh 2018

⁵ Cau Ahi tơnchơt pơgap pe jơt prau nă cau tòm bol khai, mơ ting jat bol khai bơh đah bơdìh mpồng ƀòn jơl tus hơ Sebarim, mơ tơnchơt bol khai tòm tŭ mù kơh. Gen nùs làng bol lề lac kung be dà.

Jôsue 7:5 Mawu Ofanana

Đơs Crih 22:14

Añ gơkòl tuh tơlik be dà, jơh ală ntìng añ jê gơrung bơh tiah tơrbŏ; Plai nùs añ jê be jrềng, Gơlề hòr tòm să añ.

Đơs Crih 58:7

Lòi bol khai kong roh thit be dà hòr, Lòi bol khai be ñhơt ro cau jă hơđang.

Esai 13:7

Tài bơh bơta hơ̆, jơh ală tê rơp gơlik lơbơn lơño, kòp nơm nùs kòn mơnus dê rơp lề lac.

Ejekiel 21:7

Mơ tòm tŭ bol khai đơs mơ mê lah: ‘Ñchi bơh tài mê rac ròc taih?’ Gen mê rơp ho lah: ‘Hơ̆ la tài bơh neh kơno jơnau yal. Kòp nơm nùs rơp lề lac, kòp nơm tê rơp lơbơn lơño, kòp nơm hwềng soàn rơp bòl glar òsô, kòp nơm gơltang rơp gơlik be dà. Ne, gơ rơp tus, mơ rơp gơlik gơs di ngan,’ Jehôwa Yàng Tom Trồ đơs behơ̆!”

Lebi 26:36

Ai đah pơnah ală cau sò tơm bol mê gam kis, Añ rơp lơh nùs bol khai in rngòt rngơt tòm lơgar ală cau sò tơm di bol khai, tian gơs ntas càl khồm nha chi kung lơh bol khai in ntoat dô. Bol khai rơp ntoat kung be ntoat dô bơh di đào ting jat, mơ bol khai rơp gơpừ bulah ò gơs cau ting jat bol khai.

Nahum 2:10

Gơ neh kong phà tơnroh, sang lòi ngềt ngơt, tơrlah tơrling! Ală plai nùs bòl glar mơ ală gơltang gơ ơrơm, jơh ală but wañ lơnggơh, jơh ală muh mat gơlik pàl.

Yal Wơl 1:44

Ală cau Amôrit ơm tòm ală mơnơm hơ̆ lik lòt tòmlơh mơ bol mê; bol khai ting jat bol mê kung be dô mpồl lơwe mơ lơh alah bol mê tòm gùng bơh di Seir jơl tus hơ Horma.

Jôsue 2:11

Dơ̆ bol hi kơno ală bơta hơ̆ gen nùs bol hi gơlề lac jơh, ò gơs cau lơi digùl bol hi gam khin cha tai di đap ală ồng, ngan behơ̆, Jehôwa Yàng Tom Trồ ală ồng dê la Yàng Tom Trồ ơm hơđang trồ ne mơ tòm ù do.

Jôsue 2:9

mơ đơs lah: “Añ git lah Yàng Jehôwa neh ai ală ồng in lơgar do, bơta rngòt ală ồng neh dùh hơđang bol hi, tian gơs jơh ală cau tòm lơgar do rngòt gơdô nùs di đap ală ồng.

Jôsue 5:1

Tòm tŭ jơh ală bơtau làng bol Amôr ơm đah mattơngai mut hiòng Jordan dê, bal mơ jơh ală bơtau cau Kanaan ơm rò gah dàlềng, kơno bơh bơta Yàng Jehôwa neh lơh rañ rsơh dà hiòng Jordan di đap làng bol Israel jơl tus di tŭ bol khai neh tiă hiòng, gen ală cau bơtau hơ̆ gơdô nùs jơh, mơ hwềng nùs tòm bol khai ò gam tai, tài bơh làng bol Israel.