Jôsue 7:21 - Sră Goh 2018

²¹ Tòm tŭ añ gŏ tòm phan phà kup gơs dô nơm ào jrùh hàng mơnĕ bơh Sinar, bàr rhiang sieklơ priă, mơ dô pơnai màh kơnjơ̆ pram jơt sieklơ, añ neh hàm kòñ ală phan hơ̆ mơ neh ai gơ. Tŭ do ală phan hơ̆ neh pồn tòm ù tòm dơlam sàl añ jê, bal mơ priă ơm hơđơm.”

Jôsue 7:21 Mawu Ofanana

Sơnròp Gơlik Gơs 10:10

Sơnròp lơgar bơtau khai dê gơs Babel, Erek, Akat mơ Kalne tòm lơgar Sinear.

Sơnròp Gơlik Gơs 3:6

Cau ùr rmê plai chi hơ̆ dê sa bơkah, mơ tai niam mat mơ màng nàng lơh khai in gơs jak chài, gen khai pic sa mơ tong bau klau khai in ơm rềp mơ khai; bau klau kung sa sơl.

Sơnròp Gơlik Gơs 34:27

Bơh bol hơ̆ neh lơh tơnroh pơnro niam oh ơruh bol khai dê; behơ̆, ală kòn klau Jakôp lòt tus jă hơđang ală cau chơt mơ phà kơñau ƀòn hơ̆.

Sơnròp Gơlik Gơs 6:2

ală kòn klau Yàng Tom Trồ dê gŏ kòn ùr kòn mơnus dê la hàng mơnĕ gen bau mơ cau lơi di nùs bol khai.

II Samuel 11:2

Gơlik gơs tòm dô mho ne, tòm tŭ Dabit guh bơh cơnòng bic khai dê mơ lòt yơng hơđang rkàng gơlang bơtau, mơ khai gŏ dô nă cau ùr ơm um; cau ùr hơ̆ hàng mơnĕ ngan.

II Ală Bơtau 7:8

Tŭ ală cau dun ne tus di gah sàl, gen mut tòm dô nơm sàl, sa mơ ñô; cèng jơh màh, priă, mơ ồi ào mơ pồn gơ. Gen bol khai rê wơl, mut tòm dô nơm sàl ndai, cèng jơh ală phan mơna tòm hơ̆, mơ cèng pồn gơ sơl.

Sră Jop 31:1

“Añ neh lơh dô bơta ho bal mơ gar mat añ, mbe añ rgơi sền rmê di cau ơruh taih?

Đơs Crih 119:37

Dan pơrlac mat añ klàs sền phan roh lơm; Dan ai añ in geh kis tòm ală gùng dà Kơnràñ dê.

Lik Ejiptơ 20:17

Bol mê bañ hàm hà hìu cau ơm rềp mơ bol mê. Bol mê bañ hàm kòñ bau ùr cau ơm rềp mơ bol mê, hala cau klau duh broă, cau ùr duh broă khai dê, kơnrồ, alàng, hala phan lơi gơrê bal mơ cau ơm rềp di bol mê.”

Jơnau Pơnđik 1:19

Hơ̆ la bơta lồi dut kòp nă cau hàm kòñ oă phan mơna; Cồng nha hơ̆ tă bơta kis ală cau dòp geh gơ.

Jơnau Pơnđik 23:31

Bañ sền rmê di ơlak tơrnòm tòm tŭ gơ pơrhê, tòm tŭ gơcrà tòm khòc mơ hòr lik dô bă ƀuơn soh ngan.

Jơnau Pơnđik 28:22

Cau gơs nùs sềt pơniă, mhar gơlik pas gơs, mơ ò git lah bơta roh gơcoh ngan rơp tus.

Jơnau Pơnđik 4:23

Prap gàr tĕ nùs kòn dê dô bă kơrhia rlau jơh, Bơh ală croh dà bơta kis gơlik bơh di gơ.

Esai 28:15

Tài bơh bol mê neh đơs lah: “Bol hi neh bơt bơtào dô bơta ho bal mơ bơta chơt, mơ gơs dô nùs bal mơ lơgar làng ƀồc. Tòm tŭ bơta rung rài tơnroh lòt gan mhar, gơ rơp ò tus di bol hi, bơh bol hi ngui bơta đơs blac lơh gơs tiah kìng crŭ, mơ ai bơta ma blac lơh gơs tiah pồn să.”

Esai 29:15

Bòl glar cau lơi pồn dô bơta rơndap jrô ndơp ir di Yàng Jehôwa, la cau lơh broă khai dê tòm tiah klam jơngo mơ kơlôi lah: “Ñcau gŏ bol hi taih? Ñcau rơp git taih?”

Habakuk 2:9

Bòl glar ngan cau lơi in bơt hìu khai dê kơnòm di cồng nha iơh bơsak, lơh rsòn khai dê hơđang tiah jơnhoa, tồ geh klàs bơh di ală bơta tơnroh tus.

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

Luka 12:2

Ò gơs bơta lơi pồn ndơp mơ ò gơ pò tơlik, ò gơs bơta lơi ndơp ndơr mơ ò rgơi git.

Ephesô 5:3

Digùl oh mi bañ đơs bơh bơta rềs àr bơrnàn, mơ jơh ală bơta ngkòr ngkàc, hala bơta hàm hà; behơ̆ gen sồng di pal la ală cau sàng goh.

Ephesô 5:5

Bơh oh mi git loh làng bơta do: Cau rềs àr bơrnàn, cau ngkòr ngkàc, cau hàm hà la cau duh rùp ràk, bol khai ò gơs sre brê lơi tòm lơgar Bơtau Krist mơ Yàng Tom Trồ dê.

Yal Wơl 7:25

Ală rùp duh khoai ală yàng bol khai dê, bol mê pal chu jơh tòm ồs. Bañ hàm hà priă mơ màh di bol gơ, mơ bañ ai gơ să tòm bol mê in, rngòt bol mê rơp gơkòl yar dă gơ dê, bơh gơ la cù kìr di đap Jehôwa Yàng Tom Trồ bol mê dê.

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

Hebrơ 13:5

Bañ gơs nùs hàm hà jền priă; hừh nùs tĕ tòm bơta he neh gơs, bơh să tòm Yàng neh đơs lah: “Añ ò gơs tŭ lơi sang mê, kung ò gơs tŭ lơi lòi mê.”

Jakơ 1:15

Chòp bơta hàm kòñ is gơ kung be bun gen deh tồi glài; dơ̆ tồi glài neh tơl dờng, gen tơnggơs bơta chơt.

Jôsue 7:20

Mơ Akan ho lah: “Ngan, añ la cau neh tìs glài mơ Jehôwa Yàng Tom Trồ Israel dê, mơ do la bơta añ neh lơh:

Jôsue 7:22

Behơ̆ Jôsue sồr cau lòt mơ bol khai ntoat tus hơ sàl, gŏ ală phan hơ̆ pồn tòm sàl khai dê bal mơ priă ơm hơđơm.

II Pier 2:15

Bol khai neh sang gùng song mơ lòt tìs nrah, jat gùng Balaam kòn klau Beô dê, la cau hàm kòñ jền tơngai bơh broă iơh bơsak,