Jôsue 7:15 - Sră Goh 2018

¹⁵ Cau lơi kòl sơnio neh gơs ală phan pal tơnroh gen rơp kong chu tòm ồs bal mơ jơh ală phan gơrê bal mơ khai, tài bơh khai neh lơh tìs mơ bơta ho bal Yàng Jehôwa dê, mơ neh lơh dô bơta tràl sơrbil tòm Israel.’”

Jôsue 7:15 Mawu Ofanana

Sơnròp Gơlik Gơs 34:7

Ală kòn klau Jakôp rê bơh tòm ƀlàng. Dơ̆ bol khai neh kơno bơh broă hơ̆ gen jê nùs mơ gơjrañ ngan, bơh broă iơh rmơh Sicem neh lơh cau Israel in, bic mơ kòn ơruh Jakôp dê la broă ò di lơh.

II Samuel 13:13

Đah mơ añ, ntềng đah añ rgơi cèng bơta ƀàssìl añ jê taih? Mơ gơwèt mơ bi, bi rơp gơlik gơs kung be dô nă tòm mpồl ală cau ală alai iơh rmơh tòm Israel. Dan bi đơs mơ bơtau; bơtau rơp ò bơkơ̆u añ bau mơ bi.”

Jôsue 7:11

Israel neh tìs glài; bol khai neh lơh tìs mơ bơta ho bal Añ jê mơ Añ neh sồr bol khai pal prap. Bol khai neh ai phan pal phi ơn; bol khai neh kơñau, neh lơh bơta blac pơrlồm mơ neh ơn ală phan hơ̆ bal mơ ală phan tòm bol khai dê.

Jôsue 7:16

Behơ̆ Jôsue guh gòñ bơh drim, khai sồr kòp jơi bơtiàn Israel lòt tus hơđap, mơ jơi bơtiàn Juda kòl sơnio.

Ală Kwang Cahrña 20:10

Tòm jơh ală jơi bơtiàn Israel dê, bol he rơp tă jơt nă cau klau tòm dô rhiang nă, dô rhiang nă cau klau tòm dô rbô nă, mơ dô rbô nă cau klau tòm dô tơlak nă, nàng cèng phan ngui sa mpồl ling tòmlơh in. La ală cau lik lòt nàng sal tê di Gibea tòm Benjamin, bơh ală bơta ƀàssìl ƀàsso mơ bol khai neh lơh tòm Israel.”

Ală Kwang Cahrña 20:5

Tòm mang hơ̆, ală cau kwang Gibea dê tus tòmdră mơ añ mơ gơrwàng hìu. Bol khai kòñ tơnchơt añ, mơ bol khai neh bic bơklơn bau cồng añ jơl chơt.

Ală Kwang Cahrña 20:6

Añ neh at ƀồc bau cồng añ mơ koh oă pơnah, mơ pơyoa tus hơ kòp kơnhwàl tòm sre brê Israel dê dô pơnah; tài bơh bol khai neh tìs glài dờng mơ lơh bơta tràl sơrbil do tòm Israel.

I Samuel 26:21

Gen Sol đơs lah: “Añ neh lơh tìs. Ơ Dabit kòn añ, rê wơl tĕ. Añ rơp ò lơh iơh di mê tai, tài bơh bơta kis añ jê geh sền dờng màng di đap mê tòm ngai do; añ neh lơh dô bơta bơrngơl gơla, mơ añ neh lơh dô bơta tìs dờng ngan.”