Jôsue 7:13 - Sră Goh 2018

¹³ Guh tĕ, lơh sàng goh làng bol in, mơ đơs mơ bol khai lah: ‘Bol mê lơh tĕ să tòm he sàng goh tòm ngai hìng, bơh do la jơnau Jehôwa Yàng Tom Trồ Israel dê đơs lah: “Ơ Israel, ală phan pal tơnroh gam ơm digùl bol mê: bol mê ò rgơi tòmdră jai mơ ală cau sò tơm bol mê dê jơl tus di tŭ bol mê neh tă sang ală phan pal tơnroh hơ̆ bơh digùl bol mê.”

Jôsue 7:13 Mawu Ofanana

Sơnròp Gơlik Gơs 34:27

Bơh bol hơ̆ neh lơh tơnroh pơnro niam oh ơruh bol khai dê; behơ̆, ală kòn klau Jakôp lòt tus jă hơđang ală cau chơt mơ phà kơñau ƀòn hơ̆.

II Yal Yau 28:10

Mơ tŭ do bol mê kòñ kup ală cau klau mơ cau ùr Juda mơ Jerusalem lơh be dĭ bol mê dê. Mơya ñchi bol mê neh tìs glài tòmdră mơ Jehôwa Yàng Tom Trồ bol mê dê taih?

Mathiơ 7:5

Ơ cau ma blac, lài ngan tă tĕ ròc dra bơh di mat mê, gen sồng gŏ loh làng nàng tă thul bơh di mat oh mi mê dê.

Yal Wơl 13:6

Dilah oh mi tòm bol mê dê, hala kòn klau kòn ùr bol mê dê, hala bau ùr mê kòñ gơboh, hala cau bơyô đềt mềr rlau jơh bol mê dê ơniai òm bol mê mơ đơs lah: “Bol he lòt tĕ duh khoai ală yàng ndai,” la ală yàng mơ bol mê mơ ală ồng pàng bol mê dê kung ò git,

Jôsue 3:5

Gen Jôsue đơs mơ làng bol lah: “Lơh tĕ să tòm bol mê in sàng goh, bơh ngai hìng Yàng Jehôwa rơp lơh ală bơta crih crài digùl bol mê.”

Jôsue 6:18

Mơya đah mơ bol mê, ơm ngài tĕ bơh di ală phan pal tơnroh do, dilah hàm kòñ mơ bol mê ai ală phan ơn is nàng tơnroh hơ̆, gen bol mê rơp lơh sàl Israel dê pal kong bơta tơnroh mơ cèng bơta bòl glar hơđang gơ.

Jôsue 7:11

Israel neh tìs glài; bol khai neh lơh tìs mơ bơta ho bal Añ jê mơ Añ neh sồr bol khai pal prap. Bol khai neh ai phan pal phi ơn; bol khai neh kơñau, neh lơh bơta blac pơrlồm mơ neh ơn ală phan hơ̆ bal mơ ală phan tòm bol khai dê.