Jôsue 7:12 - Sră Goh 2018

¹² Gen tàng làng bol Israel ò rgơi ntào tòmdră di đap cau sò tơm bol khai dê. Bol khai wèt ngkòi di đap ală cau sò tơm bol khai dê, tài bơh bol khai neh gơlik gơs phan pal phi ơn nàng tơnroh să tòm bol khai dê. Añ rơp ò ơm bal mơ bol mê tai, dilah bol mê ò tơnroh phan pal phi ơn hơ̆ bơh digùl bol mê.

Jôsue 7:12 Mawu Ofanana

Đơs Crih 44:10

Yàng lơh bol hi in ruc wơl di đap cau tòmlơh mơ bol hi, mơ cau sò tơm di bol hi dòñ ai phan hi dê.

Đơs Crih 60:10

Ơ Yàng Tom Trồ, Kơnràñ ò di sang lòi bol hi ò ơ? Ơ Yàng Tom Trồ, Kơnràñ ò tai lòt bal mơ ală mpồl ling bol hi dê nàng tòmlơh.

Jơnau Pơnđik 28:1

Cau iơh ntoat dô bulah ò gơs cau ting jat; mơya cau song ring pràn kơldang be dô nơm klìu triă.

Esai 59:2

Mơya ală bơta tồi glài iơh bơsak bol mê dê neh cah digùl bol mê mơ Yàng Tom Trồ bol mê dê; mơ tồi glài bol mê dê neh cang kìng mat Kơnràñ bơh di bol mê, tian gơs Kơnràñ ò iat.

Jeremi 23:33

“Dilah làng bol do, cau gơnoar hwơr hala cau gơnoar ơn phan duh khoai, lùp mê lah: ‘Ơnòng kơnjơ̆ Yàng Jehôwa dê la ñchi?’ Ho tĕ lah: ‘Ơnòng kơnjơ̆ hơ̆ la bol mê,’ Yàng Jehôwa đơs: ‘Añ rơp sang lòi bol mê.’

Jeremi 6:8

Ơ Jerusalem, dòp tĕ bơta bơto tơnggit, hala Añ rơp sang lòi ai tòm ngkòr ngkàc, Mơ lơh ai in gơlik gơs tiah rhàng srau, dô bă tiah ò gơs cau ơm.”

Sră Ôse 9:12

Bulah bol khai ròng siam kòn sau, Añ rơp tơnroh bol khai, jơl tus ò gam gơs dô nă lơi. Bòl glar ngan bol khai in tòm tŭ Añ lik bơh bol khai!

Habakuk 1:13

Mat Yàng sàng goh ngan tian gơs ò rgơi sền di bơta iơh bơsak, Kơnràñ ò rgơi sền di bơta lơh tìs; Ñchi bơh tài Kơnràñ ơm mŏ mŏ taih? Ñchi bơh tài Kơnràñ ơm mŏ mŏ tòm tŭ cau iơh bơsak sa loan ală cau song ring rlau mơ bol khai taih?

Khà Làng Bol 14:39

Tòm tŭ Môise yal wơl bơh bơta hơ̆ jơh ală cau Israel in git, bol khai ñìm rac ròc dờng ngan.

Khà Làng Bol 14:42

Bañ guh hơ tiah hơ̆, tài bơh Yàng Jehôwa ò ơm bal mơ bol mê. Bol mê rơp kong ală cau sò tơm di bol mê lơh alah,

Khà Làng Bol 14:43

bơh ală cau Amalek mơ cau Kanaan rơp tòmdră mơ bol mê tềng hơ̆. Tài bơh bol mê neh wơlke bơh di Yàng Jehôwa, Kơnràñ rơp ò ơm bal mơ bol mê mơ bol mê rơp kong sreh tơnchơt.”

Khà Làng Bol 14:45

Gen cau Amalek mơ cau Kanaan ơm tòm tiah kơh mơnơm mù brồ lơh bol khai mơ pha rlau mơ bol khai tus di Horma.

Yal Wơl 7:26

Bañ cèng brê dô nơm phan cù kìr tus tòm hìu bol mê dê, rngòt bol mê rơp kong ơn is nàng tơnroh kung be gơ. Cù kìr mơ sang lòi tĕ gơ bơh gơ neh kòl ơn is nàng tơnroh.

Jôsue 6:18

Mơya đah mơ bol mê, ơm ngài tĕ bơh di ală phan pal tơnroh do, dilah hàm kòñ mơ bol mê ai ală phan ơn is nàng tơnroh hơ̆, gen bol mê rơp lơh sàl Israel dê pal kong bơta tơnroh mơ cèng bơta bòl glar hơđang gơ.

Ală Kwang Cahrña 16:20

Gen cau ùr hơ̆ hòi lah: “Ơ Samsôn, cau Philistin brồ kup mê!” Samsôn kah rngal mơ đơs lah: “Añ rơp lik lòt be lài, mơ rtơs să khai lòt khat gơboh.” Mơya khai ò git la Yàng Jehôwa neh sang lòi khai.

Ală Kwang Cahrña 2:14

Behơ̆, bơta gơjrañ Yàng Jehôwa dê neh gơhào khuh tòmdră mơ Israel, Kơnràñ lòi bol khai gơkòl phà kơñau tòm tê ală cau phà kơñau bol khai, mơ tac bol khai tòm gơnoar ală cau sò tơm ai phan mơna bol khai dê. Kơnràñ tac bol khai tòm gơnoar ală cau sò tơm ơm gùt dar bol khai; gen tàng bol khai ò rgơi ntào jai tòmdră mơ ală cau sò tơm bol khai dê.

Ală Kwang Cahrña 2:4

Tòm tŭ cau gơnrơh Yàng Jehôwa dê neh sir đơs ală jơnau hơ̆ mơ jơh cau Israel gen làng bol nggà ñìm dờng,

I Samuel 14:38

Gen tàng Sol đơs lah: “Tus tĕ tềng do, jơh tơl nă bol mê la cau at bồ mpồl ling, mơ bol he sơwì tĕ nàng git tồi glài lơi neh tìs tòm ngai do.