Jôsue 7:11 - Sră Goh 2018

¹¹ Israel neh tìs glài; bol khai neh lơh tìs mơ bơta ho bal Añ jê mơ Añ neh sồr bol khai pal prap. Bol khai neh ai phan pal phi ơn; bol khai neh kơñau, neh lơh bơta blac pơrlồm mơ neh ơn ală phan hơ̆ bal mơ ală phan tòm bol khai dê.

Jôsue 7:11 Mawu Ofanana

II Ală Bơtau 18:12

tài bơh bol khai ò dòn bơr Jehôwa Yàng Tom Trồ bol khai dê, sang lòi bơta ho pơgon Kơnràñ dê, bol khai ò bài iat mơ ò lơh jat ală bơta mơ Môise, dĭ gơna Yàng Jehôwa neh nting sồr.

II Ală Bơtau 5:24

Tŭ neh tus ƀòn dờng kơ̆ cê, Gehaji ai ală ƀào bơh tê bàr nă bol hơ̆, mơ ơn tòm dơlam hìu mơ lòi bol khai rê.

Esai 24:5

Plai ù kòl lơh ƀơ̆ ƀơl, bơh di ală làng bol ơm tòm gơ; bơh bol khai tìs glài mơ bơta boh lam, tìs glài mơ bơta sồr lam, gơltac sang bơta ho bal gam sùm sùm.

Jeremi 31:32

Bơta ho bal do rơp ò jat bơta ho bal mơ Añ neh ho mơ ồng pàng bol khai dê tòm ngai Añ at tê tề lam bol khai lik bơh lơgar Ejiptơ, hơ̆ la bơta ho bal mơ bol khai neh sang lòi, bulah Añ la bau klau bol khai dê,” Yàng Jehôwa đơs behơ̆.

Sră Ôse 6:7

Mơya be Adam, bol khai tìs glài ò lơh jat bơta ho bal; bol khai ò dòn song mơ Añ.

Lebi 5:15

“Tòm tŭ gơs dô nă cau gơtup tìs tòm bơta sồr lam Yàng Jehôwa dê gơwèt hơ ală phan goh, gen tài bơh bơta lơh glài khai dê khai pal cèng tus hơ Yàng Jehôwa dô nơm belàt dam bơh di mpồl belàt khai dê, ò tềl sồt mơ kas màng di pal mơ khà priă lơh nền jat be sieklơ Tiah Sàng Goh dê. Hơ̆ la dô nơm phan ơn tơwài glài gơtup tìs.

Habakuk 2:6

Jơh ală bol khai ò di ai jơnau dơñŏ tơnhial mơ lah pơrhơng khai, đơs lah: “Bòl glar ngan cau in pơjum tơrgòm ală phan kơñau, mơ lơh khai in pas gơs kơnòm di bơta ai bơklơn! Bơta do pal gơs tòm nđò jŏ tai taih?

Sacari 5:4

Yàng Jehôwa Gơnap Gơnoar Dờng Làm Jơh đơs lah: “Añ rơp sồr sră lòt mơ gơ rơp mut tòm hìu cau ntung kơñau, mơ tòm hìu cau ai sơnđan Añ mơ srat să blac. Gơ rơp ơm tòm hìu hơ̆ mơ tơnroh hìu hơ̆, jơh ală chi mơ lŭ gơ dê.”

Mathiơ 22:21

Bol khai ho lah: “Sesa dê.” Gen Kơnràñ đơs mơ bol khai lah: “Behơ̆ tơm wơl tĕ Sesa in phan lơi Sesa dê, mơ tơm wơl tĕ Yàng Tom Trồ in phan lơi Yàng Tom Trồ dê.”

Broă 5:9

Pier đơs mơ khai lah: “Ñchi bơh tài bol ai dô nùs bal nàng lòng Hwềng Goh Yàng dê behơ̆ taih? Ne, jơng cau lòt tơp bau klau ai neh rê tus di bơr mpồng, bol khai rơp cèng ai sơl.”

Yal Wơl 17:2

Dilah dô nă cau klau hala dô nă cau ùr ơm kis digùl bol mê tòm dô nơm ƀòn dờng mơ Yàng Jehôwa neh ai bol mê in gơkòl kup bơh neh lơh dô bơta iơh bơsak di đap Jehôwa Yàng Tom Trồ lơh tìs mơ bơta ho bal Kơnràñ dê,

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Jôsue 23:16

Dilah bol mê lơh tìs mơ bơta ho bal Jehôwa Yàng Tom Trồ bol mê dê mơ Kơnràñ neh ai jơnau gơnoar sồr bol mê in, mơ lòt duh broă ală yàng ndai mơ cùn khoai di đap bol gơ, gen bơta gơjrañ dờng Yàng Jehôwa dê rơp gơhào khuh di bol mê, mơ bol mê rơp gơkòl tơnroh mhar bơh di lơgar niam mơnĕ mơ Kơnràñ neh ai bol mê in.”

Jôsue 7:1

Mơya làng bol Israel neh tìs glài ò dòn song gơwèt mơ ală phan kòl tơnroh; Akan kòn klau Karmi, sau Japdi, se Jerah, gơrê bal mơ jơi bơtiàn Juda, neh ai dô êt phan tơnroh hơ̆; mơ bơta gơjrañ Yàng Jehôwa dê gơhào tòmdră mơ làng bol Israel.

Jôsue 7:10

Yàng Jehôwa đơs mơ Jôsue lah: “Ñă tĕ, ñchi mê lơh blup mat di ù behơ̆ taih?

Ală Kwang Cahrña 2:20

Tài bơh hơ̆ tàng Yàng Jehôwa gơjrañ ngan di Israel mơ đơs lah: “Tài bơh làng bol do neh tìs mơ bơta ho bal mơ Añ neh lơh mơ ală ồng pàng bol khai dê, mơ ò iat jơnau Añ;

I Samuel 14:38

Gen tàng Sol đơs lah: “Tus tĕ tềng do, jơh tơl nă bol mê la cau at bồ mpồl ling, mơ bol he sơwì tĕ nàng git tồi glài lơi neh tìs tòm ngai do.