Jôsue 6:9 - Sră Goh 2018

⁹ Ală cau ling at phan tòmlơh lòt hơđap ală cau gơnoar ơn phan duh khoai uh kơlwòk, ai ală cau ling sền gàr đah ngkòi lòt jat tơnơ̆ Đài, tòm tŭ kơlwòk gen kư̆ pơnjat uh sùm.

Jôsue 6:9 Mawu Ofanana

Esai 58:8

Gen bơta àng bol mê dê rơp pơnđàng sòl kung be rìng àng drim, mơ ală tềl sồt bol mê dê rơp geh sơmbòi mhar; gen cau dong tò bol mê dê rơp lòt di đap bol mê, mơ bơta gơklŏ Yàng Jehôwa dê rơp ê gàr đah ngkòi bol mê.

Khà Làng Bol 10:25

Lồi dut, ală sàl mpồl Dan dê lik lòt hơđơm bồng bi bol khai dê, lơh gơs cau kơp gàr đah ngkòi jơh ală mpồl in. Ahiejer kòn klau Ammisadai la cau lam bồ.

Jôsue 6:10

Jôsue neh ai jơnau gơnoar sồr làng bol lah: “Bol mê bañ driau dờng, bañ lòi cau kơno sap đơs bol mê dê, kung bañ đơs dô jơnau lơi jơl tus di ngai añ sồr bol mê driau, gen tŭ hơ̆ bol mê rơp driau.”

Jôsue 6:13

Poh nă cau gơnoar ơn phan duh khoai at poh nơm kơlwòk ngke belàt dam lòt lài mơ Đài Yàng Jehôwa dê, lòt ndang uh kơlwòk ndang. Ală cau ling at phan tòmlơh lòt lài mơ bol khai, mơ ală cau ling sền gàr bơh ngkòi lòt jat tơnơ̆ Đài Yàng Jehôwa dê tòm tŭ ală kơlwòk kư̆ uh sùm.

Jôsue 6:8

Tòm tŭ Jôsue neh đơs mơ làng bol rau, gen poh nă cau gơnoar ơn phan duh khoai at poh nơm kơlwòk ngke belàt dam lòt hơđap uh kơlwòk ndang, mơ Đài Bơta Ho Bal Yàng Jehôwa dê jat bơh tơnơ̆.