Jôsue 6:18 - Sră Goh 2018

¹⁸ Mơya đah mơ bol mê, ơm ngài tĕ bơh di ală phan pal tơnroh do, dilah hàm kòñ mơ bol mê ai ală phan ơn is nàng tơnroh hơ̆, gen bol mê rơp lơh sàl Israel dê pal kong bơta tơnroh mơ cèng bơta bòl glar hơđang gơ.

Jôsue 6:18 Mawu Ofanana

II Samuel 21:1

Tŭ hơ̆ gơs dô bơta jơgloh rung tòm pe sơnam tòm rài Dabit dê, bơh nam do tus nam ne; mơ Dabit hòi lùp Yàng Jehôwa. Yàng Jehôwa đơs lah: “Hơ̆ la bơh glài lơh gơtuh mhàm Sol mơ hìu nhă khai dê, tài bơh khai neh tơnchơt cau Gabaôn.”

Cau Bơto 9:18

Bơta jak chài niam rlau mơ ală phan tòmlơh; mơya dô nơm bơta tìs nrah tơnroh oă bơta niam.

Jôna 1:12

Khai ho wơl lah: “Kup tĕ añ mơ sơrbì tòm dàlềng gen gơ rơp ơm ring ngềt. Añ git la tài bơh añ gen tàng càl rbut dờng do neh tus hơđang ală bi.”

Rôma 12:9

Nùs kòñ gơboh pal song ngan. Cù kìr tĕ di bơta iơh bơsak, mơ đềt mềr tĕ di bơta lơbơn niam.

II Kôrintô 6:17

Gen tàng Yàng đơs lah: “Ală bol mê lik tĕ bơh digùl bol khai, Cah is tĕ mơ bol khai, Bañ ƀư di phan lơi ngkòr ngkàc, Gen Añ rơp wă rò ală bol mê;

Ephesô 5:11

Bañ gơs bơta gơtòmklac bal tòm broă ò kwơ bơta klam jơngo dê, chan lah pơrhơng bol khai la niam rlau,

Yal Wơl 13:17

Ò gơs dô nơm phan lơi tòm ală phan neh gơkòl sang lòi tơnroh geh jòi bàn tòm tê bol mê dê tồ Yàng Jehôwa rơp tòmgơl bơta gơjrañ dờng Kơnràñ dê mơ Kơnràñ rơp yal tơlik bơta nđàc bol mê in, gơs nùs kòñ nđàc di bol mê mơ lơh khà làng bol bol mê dê geh gơbơtơl oă tòm toh jat be Kơnràñ neh ho pơgon mơ ală ồng pàng bol mê dê,

Yal Wơl 23:10

Dilah dô nă cau tòm bol mê gơlik ò goh tài bơh mpau trồ mang mơ gơlik să, gen khai pal lik đah bơdìh sàl mơ ơm tềng hơ̆.

Yal Wơl 7:26

Bañ cèng brê dô nơm phan cù kìr tus tòm hìu bol mê dê, rngòt bol mê rơp kong ơn is nàng tơnroh kung be gơ. Cù kìr mơ sang lòi tĕ gơ bơh gơ neh kòl ơn is nàng tơnroh.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.

Jôsue 7:1

Mơya làng bol Israel neh tìs glài ò dòn song gơwèt mơ ală phan kòl tơnroh; Akan kòn klau Karmi, sau Japdi, se Jerah, gơrê bal mơ jơi bơtiàn Juda, neh ai dô êt phan tơnroh hơ̆; mơ bơta gơjrañ Yàng Jehôwa dê gơhào tòmdră mơ làng bol Israel.

Jôsue 7:13

Guh tĕ, lơh sàng goh làng bol in, mơ đơs mơ bol khai lah: ‘Bol mê lơh tĕ să tòm he sàng goh tòm ngai hìng, bơh do la jơnau Jehôwa Yàng Tom Trồ Israel dê đơs lah: “Ơ Israel, ală phan pal tơnroh gam ơm digùl bol mê: bol mê ò rgơi tòmdră jai mơ ală cau sò tơm bol mê dê jơl tus di tŭ bol mê neh tă sang ală phan pal tơnroh hơ̆ bơh digùl bol mê.”

Jôsue 7:15

Cau lơi kòl sơnio neh gơs ală phan pal tơnroh gen rơp kong chu tòm ồs bal mơ jơh ală phan gơrê bal mơ khai, tài bơh khai neh lơh tìs mơ bơta ho bal Yàng Jehôwa dê, mơ neh lơh dô bơta tràl sơrbil tòm Israel.’”

Jôsue 7:25

Jôsue đơs lah: “Ñchi bơh tài mê cèng bơta bòl glar hơđang bol hi taih? Yàng Jehôwa rơp cèng bơta bòl glar hơđang mê tòm ngai do.” Gen jơh Israel cơm lŭ tơnchơt khai, mơ chu bol khai tòm ồs, sơrbì lŭ hơđang bol khai.

I Jang 5:21

Ơ ală kòn, kơrmap gàr tĕ să he bơh rùp ràk.

I Samuel 15:9

Mơya Sol mơ mpồl ling lòi Agak in kis, bal mơ ală phan niam rlau jơh tòm mpồl belàt, kơnrồ, kơnrồ lơmă, belàt kòn, mơ jơh ală phan lơi niam. Bol khai ò bài tơnroh jơh ală phan hơ̆, mìng tơnroh jơh ală phan ò dờng màng mơ òsô.