Jôsue 5:1 - Sră Goh 2018

¹ Tòm tŭ jơh ală bơtau làng bol Amôr ơm đah mattơngai mut hiòng Jordan dê, bal mơ jơh ală bơtau cau Kanaan ơm rò gah dàlềng, kơno bơh bơta Yàng Jehôwa neh lơh rañ rsơh dà hiòng Jordan di đap làng bol Israel jơl tus di tŭ bol khai neh tiă hiòng, gen ală cau bơtau hơ̆ gơdô nùs jơh, mơ hwềng nùs tòm bol khai ò gam tai, tài bơh làng bol Israel.

Jôsue 5:1 Mawu Ofanana

Sơnròp Gơlik Gơs 12:6

Abram lòt gan lơgar do, tus hơ tòm cha Môre dê, tòm Sicem. Tòm tŭ hơ̆, cau Kanaan ơm tòm lơgar.

Sơnròp Gơlik Gơs 48:22

Añ ai mê in rlau mơ ală oh mi mê dê, dô pơnah añ neh ai bơh di tê cau Amôrit bơh đào mơ àtak.”

II Samuel 21:2

Behơ̆ cau bơtau sồr hòi cau Gabaôn tus mơ tòmbơhbơr mơ bol khai. (Tŭ hơ̆ cau Gabaôn ò di la dô pơnah tòm làng bol Israel, mơya bol khai la cau Amôr gam kis; bulah làng bol Israel neh srat să ho nền ò tơnroh bol khai, mơya Sol neh kòñ pơs tơlik bol khai, bơh nùs ngac ngar khai dê bơh làng bol Israel mơ Juda).

I Ală Bơtau 10:5

Ală phan sa bơkah di cơnòng sa bơtau dê, ală tiah nggui ală cau kwang bơtau dê, hìu ơm ală dĭ gơna, bơta rơndap broă ală cau duh broă bơtau dê, ală phan soh bol khai dê, ală cau kwang yò tơrnòm, mơ ală phan ơn chu mơ bơtau ơn pơdơng tòm hìu duh khoai Yàng Jehôwa dê, gen mò gơ dô jơh hwềng nùs.

Ejra 9:1

Tơnơ̆ mơ tŭ ală broă hơ̆ neh sir rau, ală cau kwang at bồ lòt tus hơ añ mơ đơs lah: “Làng bol Israel, ală cau gơnoar ơn phan duh khoai, mơ ală cau Lebi, ò cah is să bol khai bơh di ală làng bol ơm tòm lơgar bal mơ bơta ngkòr ngkàc làng bol hơ̆ dê, bơh di làng bol Kanaan, làng bol Hetit, làng bol Pheres, làng bol Jebusit, làng bol Ammôn, làng bol Môap, làng bol Ejiptơ mơ làng bol Amôr.

Đơs Crih 135:11

Hơ̆ la Sihôn, bơtau làng bol Amôrit dê, Ôk bơtau Bassan dê, Mơ jơh ală cau bơtau at bồ lơgar Kanaan dê.

Lik Ejiptơ 23:28

Añ rơp sồr òng kơnrơng lòt lài mơ mê nàng ting bơtrơh cau Hebit, cau Kanaan, cau Hetit dô pleh bơh di gùng mê dê.

Esai 41:5

Ală bồt pơlào neh gŏ bơta hơ̆ mơ rngòt rngơt, ală tiah lồi dut plai ù gơlơnggơr, bol khai tus rềp mơ tus;

Ejekiel 16:3

mơ đơs tĕ lah: ‘Jehôwa Yàng Tom Trồ đơs mơ Jerusalem be do: “Tòm ryas ai dê mơ tiah ai geh deh la tòm lơgar cau Kanaan; bèp ai la dô nă cau Amôrit, mè ai la dô nă cau Hetit.

Ejekiel 21:7

Mơ tòm tŭ bol khai đơs mơ mê lah: ‘Ñchi bơh tài mê rac ròc taih?’ Gen mê rơp ho lah: ‘Hơ̆ la tài bơh neh kơno jơnau yal. Kòp nơm nùs rơp lề lac, kòp nơm tê rơp lơbơn lơño, kòp nơm hwềng soàn rơp bòl glar òsô, kòp nơm gơltang rơp gơlik be dà. Ne, gơ rơp tus, mơ rơp gơlik gơs di ngan,’ Jehôwa Yàng Tom Trồ đơs behơ̆!”

Daniel 5:6

Cau bơtau rngòt pàl jơh muh mat, rơm să ngan, bàr nơm gơltang gơtòmcik bal.

Amôs 2:9

Añ neh tơnroh cau Amôrit di đap bol khai, bulah khai jơnhoa be ală chi nho rề, mơ pràn kơldang be ală tòm cha. Añ neh tơnroh ală plai khai dê hơđang mơ ală ryas hơđơm khai dê.

Khà Làng Bol 13:29

Ală cau Amalek ơm đah đơm; ală cau Hetit, cau Jebusit mơ cau Amôr ơm tòm tiah kơh mơnơm; ală cau Kanaan ơm rềp dàlềng mơ rò gah Jordan.”

Jôsue 17:12

Mơya ală cau Manase ò rgơi tòmpìt ai ală ƀòn dờng hơ̆; tài bơh làng bol Kanaan lơh nền kư̆ ơm tòm ù tiah hơ̆.

Jôsue 17:18

mơya ù tiah mơnơm kung rơp la bal mơ bol mê tai sơl; bulah gơ la brê dơr, bol mê mus wàs tĕ mơ lơh tĕ jơh ù tiah hơ̆ gơlik gơs phan tòm bol mê dê, bulah cau Kanaan gơs rơndeh lòs tòmlơh mơ bulah bol khai gơs pràn, bol mê rơp ting bơtrơh bol khai bơh hơ̆ sơl.”

Jôsue 24:15

Dilah bol mê ò bài duh broă Yàng Jehôwa, gen bol mê sac rwah tĕ tòm ngai do yàng lơi mơ bol mê rơp duh broă, ală yàng ală ồng pàng bol mê dê neh duh broă đah ne hiòng Ơphrat, hala ală yàng làng bol Amôrit dê tòm lơgar bol mê ơm. Mơya añ mơ hìu nhă añ jê, bol hi rơp duh broă Yàng Jehôwa.”

Jôsue 3:16

gen dà bơh tồ gơ ơm dơh wơl ò hòr tai; gơlơh gơs kung be dô nơm gơnru ngài tus di Adam la ƀòn dờng ơm di gah Jarethan; tòm tŭ dà hòr hơ dàlềng Arabah la Dàlềng Chơt, gen gơkòl soat jơh. Behơ̆ gen làng bol lòt gan tòm toh di đap ƀòn Jerikô.

Jôsue 3:17

Ală cau gơnoar ơn phan duh khoai tùng Đài Bơta Ho Bal Yàng Jehôwa dê ntào kơ̆ hơđang ù rañ rsơh digùl hiòng Jordan, jơl tus tŭ jơh làng bol Israel lòt gan hơđang ù rañ rsơh jơl tus di tŭ jơh làng bol neh tiă hiòng Jordan sir rau.

Yal Tơlik 18:10

Mơ bơh rngòt di bơta jê sồt bol glar khai dê, gen bol khai rơp ơm ngài mơ đơs lah: “Nđàc sơngit ngan, pơlai soh ngan, ƀòn dờng Babilôn la ƀòn kơ̆ cê ne! Tòm dô jơ bơta lơh glài ai neh tus rau!”

Ală Kwang Cahrña 1:1

Tơnơ̆ mơ tŭ Jôsue chơt, làng bol Israel lùp Yàng Jehôwa lah: “Ñcau tòm bol hi rơp guh lài nàng tòmlơh mơ làng bol Kanaan taih?”

Ală Kwang Cahrña 11:23

Behơ̆ tŭ do Jehôwa Yàng Tom Trồ Israel dê neh lơh ơlah làng bol Amôrit bơh di ù bol khai dê di đap Israel la làng bol Kơnràñ dê, bol mê kòñ tòmpìt ù tiah bol khai dê ngan sơl?

Ală Kwang Cahrña 3:3

Pram nă cau kwang at bồ cau Philistin, mơ jơh ală cau Kanaan, ală cau Sidôn, mơ làng bol Hebit ơm tòm mơnơm Liban, bơh mơnơm Baal Hermôn tus hơ Lebô Hamat.

Ală Kwang Cahrña 4:2

Behơ̆ Yàng Jehôwa tac bol khai tòm tê Jabin bơtau Kanaan at bồ tòm Hajor. Cau kwang at bồ mpồl ling khai dê la Sisera ơm tòm Harôset Hagôim.

I Samuel 25:37

Gen tòm àng drim hìng, tòm tŭ Nabal neh rài bơñul, bau ùr khai yal wơl khai in jơh ală bơta hơ̆, gen Nabal chơt kơng tòm nùs mơ khai gơlik gơs kung be lŭ.