Jôsue 4:6 - Sră Goh 2018

⁶ nàng lơh dô nơm tềl digùl bol mê. Tòm ngai tơnơ̆, tòm tŭ kòn sau bol mê dê lùp bol mê lah: ‘Ală pơnai lŭ do gơs jơnau gơtha lơi taih?’

Jôsue 4:6 Mawu Ofanana

Đơs Crih 44:1

Ơ Yàng Tom Trồ, tồr bol hi neh kơno, Ồng pàng bol hi neh yal wơl Ală broă Kơnràñ neh lơh tòm rài bol khai dê, tòm ală ngai yau òr;

Đơs Crih 71:18

Ơ Yàng Tom Trồ, bulah di tŭ añ neh kra bồ kò sŏ rau, Dan bañ sang lòi añ, Jơl tus di tŭ añ yal tơlik jơh ală kòn sau rài tơnơ̆ in bơh gơnoar pràn Kơnràñ dê.

Lik Ejiptơ 12:14

Hơ̆ la ngai bol mê pal kah prap; tòm ală rài tơnơ̆ bol mê rơp pơjum hòn chò tòm ngai hơ̆ lơh gơs dô bơta pơjum sa dờng Yàng Jehôwa in, hơ̆ la dô bơta sồr lam gam sùm sùm.

Lik Ejiptơ 13:14

Tòm ală ngai rơp tus, tòm tŭ kòn klau bol mê dê lùp lah: ‘Bơta do gơs jơnau gơtha lơi taih?’ gen ho tĕ lah: ‘Hơ̆ la tài bơh Yàng Jehôwa neh ngui tê gơnoar pràn tă cèng bol he lik klàs bơh di Ejiptơ, bơh di lơgar ơm dĭ.

Lik Ejiptơ 13:9

Bơta kah prap do rơp lơh gơs dô nơm tềl sơnio di tê mê, lơh gơs dô bơta tơngkah wơl di bìng liang mê dê la bơta boh lam Yàng Jehôwa di ơm di bơr bol mê, bơh Yàng Jehôwa neh ngui tê gơnoar pràn tă tơlik bol mê klàs bơh Ejiptơ.

Lik Ejiptơ 31:13

“Đơs tĕ mơ làng bol Israel: ‘Bol mê pal prap gàr ală ngai Saƀat Añ jê. Bơta hơ̆ rơp la dô nơm tềl digùl Añ mơ bol mê jơl tus di ală rài tơnơ̆, nàng bol mê rơp git lah Añ la Yàng Jehôwa, la Bơtau lơh bol mê in gơlik gơs sàng goh.

Esai 38:19

Ală cau kis, mìng cau kis; bol khai jòng ro Kơnràñ kung be añ lơh ngai do; cau bèp rơp yal kòn sau khai in git bơta dòn song Kơnràñ dê.

Esai 55:13

Chi nho rề rơp hòn ala rlau lò, mơ chi bơñàng rơp hòn ala ală lò. Bơta hơ̆ rơp lơh pơnro sơnđan Yàng Jehôwa, lơh gơs dô nơm tềl gam sùm sùm ò tŭ lơi kòl tơnroh.”

Ejekiel 20:12

Añ kung neh ai bol khai in ală ngai Saƀat Añ jê be dô nơm tềl digùl Añ mơ bol khai, nàng bol khai in git lah Añ la Yàng Jehôwa neh lơh bol khai in gơlik gơs sàng goh.

Ejekiel 20:20

Prap gàr tĕ sàng goh ală ngai Saƀat Añ jê nàng lơh gơs dô nơm tềl digùl Añ mơ bol mê. Gen bol mê rơp git Añ la Jehôwa Yàng Tom Trồ bol mê dê.’

Khà Làng Bol 16:38

ală gri ơn kơlhô ală cau neh tìs glài mơ roh bơta kis bol khai dê. Klơn ală gri ơn kơlhô lơh gơs ală pang lơho nàng ƀềp cơnòng ơn phan duh khoai, bơh gơ neh geh ơn Yàng Jehôwa in mơ neh gơlik gơs goh. Lòi tĕ gơlơh gơs dô nơm tềl cau Israel in.”

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

Yal Wơl 11:19

Bơto ală jơnau hơ̆ ală kòn sau bol mê in, đơs tĕ bơh ală jơnau hơ̆ tòm tŭ bol mê nggui tòm hìu mơ tòm tŭ bol mê lòt rò gùng, tòm tŭ bol mê bic rlô mơ tòm tŭ bol mê guh.

Jôsue 22:27

Mơya, hơ̆ la nàng lơh cơng digùl bol hi mơ oh mi, digùl ală kòn sau tòm ală rài tơnơ̆ lah bol hi rơp duh khoai Yàng Jehôwa mơ ơn phan duh khoai chu pơrguc, phan ơn duh khoai mơ phan ơn duh khoai ring lơngai tòm hìu duh khoai Kơnràñ dê. Gen tòm ngai tơnơ̆ ală kòn sau oh mi dê rơp ò tŭ lơi đơs mơ ală kòn sau bol hi dê lah: ‘Bol mê ò gơs pơnah lơi tòm Yàng Jehôwa.’

Jôsue 4:21

Khai đơs mơ làng bol Israel lah: “Tòm ngai rơp tus, tŭ kòn sau bol mê lùp bèp bol khai lah: ‘Ală lŭ do gơs jơnau gơtha lơi taih?’

Jôsue 4:5

mơ đơs mơ bol khai lah: “Lòt gan tĕ di đap Đài Bơta Ho Bal Jehôwa Yàng Tom Trồ bol mê dê digùl hiòng Jordan. Kòp nă bol mê tui tĕ dô pơnai lŭ hơđang pơnì, dô pơnai lŭ kòp jơi bơtiàn làng bol Israel dê,