Jôsue 4:19 - Sră Goh 2018

¹⁹ Tòm ngai jơt kơnhai dùl, làng bol guh bơh hiòng Jordan mơ bol khai bơtào sàl tòm Gilgal di nhàr đah mattơngai lik ƀòn Jerikô dê.

Jôsue 4:19 Mawu Ofanana

II Ală Bơtau 2:1

Tòm tŭ Yàng Jehôwa mòr cèng Eli guh hơđang trồ tòm dô nơm càl wàl bong, Eli mơ Elise gam lòt gùng bơh Gilgal.

Amôs 4:4

“Lòt tus tĕ hơ Betel mơ tìs glài; lòt tus tĕ hơ Gilgal mơ bơtơl oă tai bơta tìs glài; cèng tĕ ală phan ơn pơdơng bol ai dê tòm kòp àng drim, cèng ơn tĕ ală pơnah jơt bol ai dê tòm kòp pe ngai.

Amôs 5:5

bañ jòi jat Betel, mơ bañ lòt mut tòm Gilgal; hala bañ lòt gan tòm Beerseba. Bơh Gilgal ngan rơp kong kup cèng pơrdô, Betel rơp gơlik gơs tiah srau gòi.”

Mice 6:5

Ơ làng bol Añ jê, kah wơl tĕ ală bơta Balak bơtau Môap bơtào kai gơrmơ̆i; mơ ñchi jơnau Balaam kòn klau Beô neh ho wơl khai, mơ ñchi bơta neh gơlik gơs tòm gùng bơh Sitim tus hơ Gilgal, tồ bol mê in git broă lơh dong klàs Yàng Jehôwa dê.”

Yal Wơl 1:3

Tòm nam dơ̆ poan jơt, tòm ngai dùl kơnhai jơt dùl, Môise bơto yal ală cau Israel in jơh ală jơnau mơ Yàng Jehôwa neh sồr khai yal wơl tòm bol khai.

Yal Wơl 11:30

Be bol mê git, ală mơnơm do ơm đah ne Jordan, đah mattơngai mut gùng lòt, rềp di tòm chi dờng Môre, tòm lơgar cau Kanaan ơm tòm Arabah tòm toh mơ Gilgal.

Jôsue 10:43

Gen Jôsue bal mơ jơh Israel rê wơl hơ tiah lơh sàl tòm Gilgal.

Jôsue 10:6

Cau Gabaôn sồr cau lòt yal mơ Jôsue ơm tòm tiah sàl tòm Gilgal mơ đơs lah: “Dan bañ sang ală cau duh broă ồng dê, mhar guh tus hơ bol hi mơ dong tă bol hi, tài bơh jơh ală bơtau làng bol Amôr bơh di lơgar kơh mơnơm neh pơjum bal tòmsò mơ bol hi.”

Jôsue 15:7

mơ nhàr gơguh tus hơ Debir bơh Thòng Akôr mơ rê wơl đah đang tus hơ Gilgal, tòm toh di kơh Adummim ơm đah đơm thòng. Mơ nhàr gơ lòt tơn rò gah dà En Semes mơ lồi di En Rôgel.

Jôsue 24:11

Lồc behơ̆ bol mê neh tiă hiòng Jordan mơ tus hơ Jerikô. Làng bol Jerikô tòmlơh mơ bol mê, kung be ală làng bol Amôrit, Pherijit, Kanaan, Hetit, Girgasit, Hebit mơ Jebusit, mơ Añ neh jào bol khai tòm tê bol mê dê.

Jôsue 4:18

Gen ală cau gơnoar ơn phan duh khoai tùng Đài Bơta Ho Bal Yàng Jehôwa dê guh bơh hiòng. Tòm tŭ mpàng jơng bol khai dê jă hơđang ù rañ rsơh, gen dà hiòng Jordan gơhòr rê wơl hơ tiah yau gơ dê mơ hòr bam ngơr wơl jơh ală đah be lài.

Jôsue 5:10

Làng bol Israel neh bơtào sàl tòm Gilgal, bol khai prap gàr bơta pơjum sa lòt gan tòm ƀlàng ring Jerikô, tòm mho ngai jơt poan kơnhai hơ̆.

Jôsue 5:9

Tŭ hơ̆ Yàng Jehôwa đơs mơ Jôsue lah: “Ngai do Añ neh tă tơlik bơh di bol mê bơta ƀàssìl lơgar Ejiptơ dê.” Gen tàng cau sơnđan tiah hơ̆ la Gilgal jơl tus di ngai do.

Jôsue 9:6

Bol khai lòt tus hơ Jôsue di tiah lơh sàl tòm Gilgal mơ đơs mơ khai mơ jơh ală cau Israel lah: “Bol hi neh tus bơh dô nơm lơgar ngài, dan lơh tĕ dô bơta tòmho bal mơ bol hi.”

I Samuel 10:8

Mơ mê mù tĕ hơ Gilgal lài mơ añ; gen añ rơp mù tus mơ mê nàng ơn ală phan ơn chu pơrguc bal mơ ală phan ơn duh khoai ring lơngai, mơya mê pal gơn tòm poh ngai, jơl tus di tŭ añ tus hơ mê mơ sơnio mê in bơta mê pal lơh.”

I Samuel 15:33

Mơya Samuel đơs lah: “Kung be đào mê dê neh lơh ală cau ùr ò gam kòn, Behơ̆, mè mê kung rơp ò gam kòn digùl ală cau ùr sơl.” Gen Samuel tơnchơt Agak di đap Yàng Jehôwa tòm Gilgal.