Jôsue 4:18 - Sră Goh 2018

¹⁸ Gen ală cau gơnoar ơn phan duh khoai tùng Đài Bơta Ho Bal Yàng Jehôwa dê guh bơh hiòng. Tòm tŭ mpàng jơng bol khai dê jă hơđang ù rañ rsơh, gen dà hiòng Jordan gơhòr rê wơl hơ tiah yau gơ dê mơ hòr bam ngơr wơl jơh ală đah be lài.

Jôsue 4:18 Mawu Ofanana

I Yal Yau 12:15

Bol khai la ală cau neh tiă hiòng Jordan tòm kơnhai dùl tòm tŭ dà guh bam jơh bàr gah, mơ bol khai ting bơtrơh jơh ală cau ơm tòm ală thòng, tus hơ đah mattơngai lik mơ tus hơ đah mattơngai mut.

Esai 8:8

gơ rơp hòr mut tòm Juda, gơ cèng pơrdô jơh, gơ lòt gan mơ bam ndơp tus di ngko; Ơ Emmanuel, gơ pò đar jơm gòm jơh đah ơnàng lơgar mê dê.”

Jôsue 3:13

Tòm tŭ ală cau gơnoar ơn phan duh khoai tùng Đài Bơta Ho bal Yàng Jehôwa dê la Yàng jơh dunnia dê, ơn mpàng jơng bol khai dê tòm dà hiòng Jordan gen dà tòm hiòng hòr bơh tồ rơp kòl cah bàr đah, mơ gơ ơm dơh wơl lơh gơs kung be dô nơm gơnru.”

Jôsue 3:15

Tŭ hơ̆, dà Jordan tih dờng bam jơh bàr gah hiòng jơh tòm kơnhai toès. Mơya tòm tŭ ală cau gơnoar ơn phan duh khoai tùng Đài Bơta Ho Bal tus di hiòng Jordan mơ tòm tŭ mpàng jơng bol khai dê jă di gah dà,

Jôsue 4:11

Tòm tŭ jơh làng bol neh tiă gan hiòng rau, gen Đài Bơta Ho Bal Yàng Jehôwa dê mơ ală cau gơnoar ơn phan duh khoai kung lòt gan di đap làng bol.

Jôsue 4:17

Behơ̆ Jôsue sồr ală cau gơnoar ơn phan duh khoai lah: “Guh tĕ bơh di hiòng Jordan.”

Jôsue 4:19

Tòm ngai jơt kơnhai dùl, làng bol guh bơh hiòng Jordan mơ bol khai bơtào sàl tòm Gilgal di nhàr đah mattơngai lik ƀòn Jerikô dê.