Jôsue 4:14 - Sră Goh 2018

¹⁴ Tòm ngai hơ̆ Yàng Jehôwa yò tơngguh Jôsue di đap jơh làng bol Israel mơ bol khai ki ngàm di Jôsue, be bol khai neh ki ngàm di Môise tòm jơh rài kis khai dê.

Jôsue 4:14 Mawu Ofanana

I Ală Bơtau 3:28

Tòm tŭ jơh ală cau Israel kơno bơta cahrña bơtau dê, gen bol khai duh rngòt ngan di bơtau, tài bơh bol khai dòp git cau bơtau gơs bơta jak chài Yàng Tom Trồ dê nàng lơh jat bơta song ring.

II Ală Bơtau 2:15

Tòm tŭ ală cau gơnoar hwơr ơm tòm Jerikô, gŏ Elise bơh ngài gen đơs lah: “Hwềng Eli dê ơm hơđang Elise.” Bol khai tus rò Elise, tơmbic să di đap khai.

I Yal Yau 29:25

Yàng Jehôwa yò tơngguh Salômôn jơnhoa ngan di đap jơh Israel mơ ai khai in bơta ryŭ ryơm cau bơtau dê, mơ òhềt gơs bơtau lơi lài mơ khai tòm Israel neh geh behơ̆.

II Yal Yau 30:12

Tòm Juda, tê Yàng Jehôwa kung ơm hơđang làng bol mơ ai bol khai in bơta lơh gơs dô bă bal nàng lơh gơlik gơs jat be cau bơtau mơ ală cau kwang bơtau dê neh sồr jat be jơnau Yàng Jehôwa dê.

Lik Ejiptơ 11:3

Yàng Jehôwa lơh làng bol in geh bơta nđàc di đap cau Ejiptơ, mơ să tòm Môise geh ală cau kwang duh broă Pharaôn mơ làng bol tòm Ejiptơ sền dờng màng.

Lik Ejiptơ 14:31

Mơ tòm tŭ cau Israel neh gŏ gơnap gơnoar dờng Yàng Jehôwa dê tòmdră mơ cau Ejiptơ, gen làng bol rngòt di Yàng Jehôwa, dòn kơnòm di Kơnràñ mơ di Môise la cau duh broă Kơnràñ dê.

Jơnau Pơnđik 24:21

Ơ kòn, duh rngòt tĕ Yàng Jehôwa mơ ki ngàm cau bơtau; bañ tòmklac bal mơ cau pơrlơ̆ dră;

Rôma 13:4

bơh bol khai la cau duh broă Yàng Tom Trồ dê, nàng lơh gơs kwơ mê in. Mơya dilah mê lơh iơh gen rngòt tĕ, bơh khai at đào ò di la ò kwơ ò; khai la cau duh broă Yàng Tom Trồ dê, hơ̆ la cau sal wơl bơta gơjrañ dờng di cau lơh bơta iơh bơsak.

I Kôrintô 10:2

jơh tơl nă bol khai gơs ƀaptem hơđơm mhwal mơ tòm dàlềng nàng jat Môise.

Jôsue 3:7

Mơ Yàng Jehôwa đơs mơ Jôsue lah: “Ngai do Añ rơp sơntòm lơh mê in geh sền dờng màng di đap jơh Israel, nàng bol khai in git lah Añ ơm bal mơ mê kung be Añ neh ơm bal mơ Môise sơl.

Jôsue 4:13

Gơs pơgap poan jơt rbô nă cau at phan tòmlơh tiă hiòng di đap Yàng Jehôwa tus hơ ƀlàng ring Jerikô nàng tòmlơh.

Jôsue 4:15

Gen Yàng Jehôwa đơs mơ Jôsue lah:

I Samuel 12:18

Gen Samuel hòi dan mơ Yàng Jehôwa, mơ tòm ngai hơ̆ Yàng Jehôwa neh lơh nggồr ntơr kơnàs mơ dùh mìu. Behơ̆ jơh làng bol nsràng rngòt di Yàng Jehôwa mơ di Samuel.