Jôsue 4:12 - Sră Goh 2018

¹² Cau Ruben, cau Gat mơ nggùl jơi bơtiàn cau Manase at phan tòmlơh mơ tiă hiòng di đap làng bol Israel, jat be Môise neh nting sồr bol khai.

Jôsue 4:12 Mawu Ofanana

Lik Ejiptơ 13:18

Behơ̆ Yàng Tom Trồ lam bol khai lòt pơdar jat gùng tòm ƀlàng ngềt ngơt, hơ đah Dàlềng Pơrhê. Làng bol Israel lik bơh di Ejiptơ, rcang sir kung be lòt tòmlơh.

Khà Làng Bol 1:24

Bơh di kòn sau Gat: Jơh ală cau klau bàr jơt nam hala dờng rlau la cau rgơi duh broă tòm mpồl ling neh geh cih sơnđan mat kòp nă, jat be sră cih sơnđan mpồl hìu nhă mơ hìu nhă bol khai dê.

Khà Làng Bol 32:17

Mơya bol hi neh rcang sir să tòm bol hi dê nàng at phan tòmlơh lòt di đap ală cau Israel jơl tus di tŭ bol hi neh cèng bol khai tus di tiah bol khai dê. Kung tòm tŭ hơ̆ ală cau ùr mơ ală kòn sau bol hi dê rơp ơm tòm ală ƀòn dờng kơ̆ cê nàng geh sền gàr klàs bơh di ală cau ơm tòm lơgar do.

Yal Wơl 3:18

Tòm tŭ hơ̆ añ ai jơnau sồr bol mê lah: “Jehôwa Yàng Tom Trồ bol mê dê neh ai bol mê in lơgar do lơh gơs sre brê. Mơya jơh ală cau klau rgơi lòt tòmlơh pal mă àñ phan tòmlơh mơ tiă hiòng Jordan lài mơ ală oh mi Israel bol mê dê.

Yal Wơl 33:21

Khai neh sac rwah ù tiah niam rlau jơh să tòm khai in; pơnah ơn is ală cau kwang at bồ in neh geh prap lòi khai in. Tòm tŭ ală cau at bồ làng bol pơjum bal, khai lơh jat nùs kòñ song ring Yàng Jehôwa dê, mơ ală bơta cahrña Kơnràñ dê gơwèt mơ Israel.”

Jôsue 1:14

Ală bau ùr, ală kòn, bal mơ ală phan poan jơng bol mê dê rơp ơm wơl tòm lơgar mơ Môise neh ai bol mê in đah ne hiòng Jordan. Mơya jơh ală cau ling digùl bol mê pal tiă lài mơ ală oh mi bol mê dê nàng dong kòl bol khai,

Jôsue 4:11

Tòm tŭ jơh làng bol neh tiă gan hiòng rau, gen Đài Bơta Ho Bal Yàng Jehôwa dê mơ ală cau gơnoar ơn phan duh khoai kung lòt gan di đap làng bol.

Jôsue 4:13

Gơs pơgap poan jơt rbô nă cau at phan tòmlơh tiă hiòng di đap Yàng Jehôwa tus hơ ƀlàng ring Jerikô nàng tòmlơh.