Jôsue 3:16 - Sră Goh 2018

¹⁶ gen dà bơh tồ gơ ơm dơh wơl ò hòr tai; gơlơh gơs kung be dô nơm gơnru ngài tus di Adam la ƀòn dờng ơm di gah Jarethan; tòm tŭ dà hòr hơ dàlềng Arabah la Dàlềng Chơt, gen gơkòl soat jơh. Behơ̆ gen làng bol lòt gan tòm toh di đap ƀòn Jerikô.

Jôsue 3:16 Mawu Ofanana

Sơnròp Gơlik Gơs 14:3

Ală bơtau do pơjum bal tòm thòng Sidim, tŭ do la Dàlềng Chơt.

I Ală Bơtau 4:12

Baana kòn klau Ahilut, tòm Thaanak, Megidô, mơ tòm jơh Betsean, bơdìh Jarethan, hơđơm Jejreel, bơh Betsan jơl tus Abel Mehôla lòt gan rlau mơ Jôkmeam;

I Ală Bơtau 7:46

Bơtau sồr tŏ ală phan hơ̆ tòm ƀlàng ring Jordan dê, di tiah ù kơnàng, digùl Sukôt mơ Jarthan.

Đơs Crih 114:3

Dàlềng sền gŏ mơ dô, Hiòng Jordan ruc wơl.

Đơs Crih 114:5

Ơ dàlềng, ñchi bơh tài mê dô taih? Ơ hiòng Jordan, ñchi bơh tài mê ruc wơl taih?

Đơs Crih 29:10

Yàng Jehôwa ơm di sơbàn hơđang dà kŏ; Ngan Yàng Jehôwa ơm di sơbàn bơtau jơl sùm sùm.

Đơs Crih 33:7

Kơnràñ pơjum ală dà tòm dàlềng kung be ơn tòm khàr; Kơnràñ prap ală dà jrô tòm tiah prap lòi.

Đơs Crih 66:6

Yàng tòmgơl dàlềng gơlik ù rañ rsơh; Cau lòt jơng gan hiòng. Tềng hơ̆ bol hi chò hòp tòm Kơnràñ.

Đơs Crih 74:15

Kơnràñ lơh dà cat mơ dà croh in gơ nsoac dà, Mơ lơh ală hiòng dà dờng in gơlik rañ rsơh.

Đơs Crih 77:19

Gùng Yàng dê gan tòm dàlềng, Ală gùng lòt Yàng dê gan tòm ală dà har, Ai ală tềl jơng Yàng lòt gen ò gơs cau lơi gŏ.

Đơs Crih 78:13

Kơnràñ cah is dàlềng, lòi bol khai in lòt gan, mơ lơh dà ơm wơl be dô nơm dà bơt.

Lik Ejiptơ 14:21

Gen Môise pò tê hơđang dàlềng, mơ tòm mang hơ̆ Yàng Jehôwa sồr dô ròs càl đah mattơngai lik khồm pràn chồl dàlềng ruc wơl, dà tòmcah is mơ gơs ù rañ rsơh.

Lik Ejiptơ 14:22

Cau Israel lòt gan dàlềng hơđang ù rañ rsơh, gơs dô nơm dơrñang dà đah ma mơ dô nơm đah kiau.

Lik Ejiptơ 14:29

Mơya cau Israel lòt gan dàlềng hơđang ù rañ rsơh, gơs dô nơm dơrñang dà đah ma mơ dô nơm đah kiau bol khai dê.

Lik Ejiptơ 15:8

Bơh nhơm lik bơh di trồm muh Kơnràñ dê gen dà gơs gơnru. Ală ryà dà ơm kơ̆ wơl kung be dô nơm dơrñang; Dà jrô khơt wơl di klŏ dàlềng.

Esai 50:2

Ñchi bơh tài tòm tŭ Añ tus, ò gơs dô nă cau lơi taih? Ñchi bơh tài tòm tŭ Añ hòi, ò gơs dô nă cau lơi ho wơl taih? Tơwòr tê Añ la liah ngan tian gơs ò rgơi tơwài bol mê sơl ơ? Añ ò tơl pràn nàng dong tă bol mê sơl ơ? Mìng bơh dô jơnau lah pơrhơng mơ Añ neh lơh soat dàlềng, Añ lơh ală hiòng dà gơlik gơs ƀlàng bràs; ka tòm dà gơ dê chơt ồm bơh siơ̆u dà, mơ chơt tơhìr dà.

Ejekiel 47:8

Khai đơs mơ añ lah: “Dà do gơhòr tus di kơnhwàl đah mattơngai lik, mơ hòr mù tus di Arabah lồc behơ̆ gơ mut tòm dàlềng. Tòm tŭ gơ neh mut tòm dàlềng gen dà tòm dàlềng gơlik dà bơkah niam.

Nahum 1:4

Kơnràñ lah pơrhơng dàlềng mơ lơh gơ in ro rañ; Kơnràñ lơh jơh ală hiòng soat dà. Basan mơ Karmel ñòp ro, mơ bơkào Liban dê ro jrùh.

Habakuk 3:8

Ơ Yàng Jehôwa, Kơnràñ neh gơhào gơjrañ di ală hiòng dà sơl ơ? Bơta gơjrañ dờng Kơnràñ dê tòmdră di ală hiòng dà sơl ơ? Kơnràñ neh gơhào gơjrañ di ală dàlềng. Tòm tŭ Kơnràñ hào ală ơseh mơ rơndeh lòs tòmlơh pha lin rlau sơl ơ?

Khà Làng Bol 34:3

Đah đơm lơgar bol mê dê rơp tơrgòm bal dô pơnah ƀlàng ngềt ngơt Jin rò gah nhàr lơgar Edôm. Đah mattơngai lik, nhàr đah đơm lơgar bol mê dê rơp sơntòm bơh di tiah lồi dut Dàlềng Boh,

Yal Wơl 1:1

Do la ală jơnau Môise neh đơs mơ jơh ală cau Israel tòm ƀlàng ngềt ngơt đah ne hiòng Jordan dê, tòm ƀlàng ring tòm toh di đap Sup, digùl Pharan mơ Tôphel, Laban Hajerôt mơ Dijahap.

Yal Wơl 3:17

Nhàr đah mattơngai mut gơ dê la ƀlàng ring Jordan, bơh di Kinneret tus hơ Dàlềng Arabah, la Dàlềng Chơt, hơđơm gah mơnơm Pisga.

Jôsue 12:3

Mơ bơh Arabah tus hơ dàlềng đah mattơngai lik Kineret dê, mơ song di tiah Bet Jesimôt tus hơ Dàlềng Arabah dê, Dàlềng Chơt, đah đơm di jơng tiah mù kơh Pisgah dê.

Jôsue 15:2

Nhàr đah đơm bol khai dê bơh tiah lồi Dàlềng Chơt dê, bơh ù tiah rềp di gah kwil dàlềng wèt hơ đah đơm;

Jôsue 16:7

Gen gơ mù bơh Janôah tus hơ Atarôt mơ Naarah, tìp Jerikô mơ lồi di hiòng Jordan.

Jôsue 3:13

Tòm tŭ ală cau gơnoar ơn phan duh khoai tùng Đài Bơta Ho bal Yàng Jehôwa dê la Yàng jơh dunnia dê, ơn mpàng jơng bol khai dê tòm dà hiòng Jordan gen dà tòm hiòng hòr bơh tồ rơp kòl cah bàr đah, mơ gơ ơm dơh wơl lơh gơs kung be dô nơm gơnru.”

Jôsue 4:22

Gen bol mê yal tĕ bol khai in lah: ‘Làng bol Israel neh tiă hiòng Jordan hơđang ù rañ rsơh.’

Jôsue 5:1

Tòm tŭ jơh ală bơtau làng bol Amôr ơm đah mattơngai mut hiòng Jordan dê, bal mơ jơh ală bơtau cau Kanaan ơm rò gah dàlềng, kơno bơh bơta Yàng Jehôwa neh lơh rañ rsơh dà hiòng Jordan di đap làng bol Israel jơl tus di tŭ bol khai neh tiă hiòng, gen ală cau bơtau hơ̆ gơdô nùs jơh, mơ hwềng nùs tòm bol khai ò gam tai, tài bơh làng bol Israel.

Ală Kwang Cahrña 7:22

Tòm tŭ bol khai neh uh pe rhiang nơm kơlwòk, gen Yàng Jehôwa lơh kòp nă tòm mpồl ling Midian dê ai đào tơnchơt gơp he mơ tòmdră wơl mơ jơh mpồl ling. Mpồl ling bol khai dê dô tus hơ Betsita đah Jerera jơl tus hơ nhàr Abel Mehôla di gah Tabat.