Jôsue 24:6 - Sră Goh 2018

⁶ Tòm tŭ Añ neh lam ală ồng pàng bol mê dê lik bơh Ejiptơ, bol mê neh tus hơ dàlềng pơrhê, mơ ală cau Ejiptơ neh ting jat ồng pàng bol mê dê mơ rơndeh lòs tòmlơh mơ ală cau ling hào ơseh tus hơ Dàlềng Pơrhê.

Jôsue 24:6 Mawu Ofanana

Nehemi 9:11

Kơnràñ neh cah dàlềng di đap mò pàng bol hi, lòi bol hi tiă dàlềng hơđang ù rañ rsơh. Mơya Kơnràñ neh sơrbì ală cau ting jat bol khai tòm cìr jrô, kung be sơrbì dô nơm lŭ tòm dà dờng.

Đơs Crih 78:13

Kơnràñ cah is dàlềng, lòi bol khai in lòt gan, mơ lơh dà ơm wơl be dô nơm dà bơt.

Lik Ejiptơ 12:37

Làng bol Israel lòt bơh Ramse tus Sukôt. Gơs pơgap prau rhiang rbô nă cau klau lòt jơng, ò kòp cau ùr mơ cau kơnòm.

Lik Ejiptơ 12:51

Mơ tòm ngai hơ̆, Yàng Jehôwa tă mpồl làng bol Israel dê lik bơh Ejiptơ.

Mice 6:4

Añ neh cèng bol mê lik bơh lơgar Ejiptơ, mơ neh tơwài bol mê bơh di hìu ơm lơh dĭ; mơ Añ neh sồr Môise, Arôn mơ Miriam lòt di đap bol mê.

Broă 7:36

Khai la cau neh lam bol khai lik bơh lơgar Ejiptơ mơ lơh ală bơta krơi tềl is tòm lơgar Ejiptơ, tòm Dàlềng Pơrhê, mơ tòm ƀlàng bràs ngềt ngơt tòm poan jơt nam.

Hebrơ 11:29

Bơh bơta dòn làng bol tiă Dàlềng Pơrhê be lòt hơđang tiah rañ rsơh, ai ală cau Ejiptơ tòm tŭ lòng lòt tiă gen kòl dà bŭ chơt jơh.