Jôsue 24:2 - Sră Goh 2018

² Jôsue đơs mơ jơh làng bol lah: “Jehôwa Yàng Tom Trồ Israel dê đơs be do lah: ‘Neh jŏ jòng ngan, ồng pàng bol mê dê la Terah bèp Abraham mơ Nahôr dê, bol khai ơm kis đah ne hiòng Ơphrat, mơ duh khoai ală yàng ndai.

Jôsue 24:2 Mawu Ofanana

Sơnròp Gơlik Gơs 11:22

Seruk neh pe jơt nam tơnggơs Nakôr.

Sơnròp Gơlik Gơs 11:24

Nakôr neh tơl bàr jơt sin nam tơnggơs Terah.

Sơnròp Gơlik Gơs 11:26

Terah neh poh jơt nam tơnggơs Abram, Nakôr mơ Haran.

Sơnròp Gơlik Gơs 11:27

Do la jơi bơtiàn Terah dê: Terah tơnggơs Abram, Nakôr mơ Haran; Haran tơnggơs Lot.

Sơnròp Gơlik Gơs 31:19

Tòm tŭ Laban neh lòt siat sơnò ală belàt khai dê, gen Racel kơñau rùp duh khoai bơh tòm hìu bèp khai.

Sơnròp Gơlik Gơs 31:30

Tŭ do, bơh nùs mê kòñ ngan rê hìu bèp mê gen tàng mê lòt, mơ tài bơh ñchi mê neh kơñau ală yàng añ jê taih?”

Sơnròp Gơlik Gơs 31:32

Mơya di cau lơi kồñ jòi gŏ ală yàng kồñ dê gen cau hơ̆ rơp kong chơt! Di đap ală oh mi hi kồñ sền sơwì tĕ ală phan hi dê mơ ai tĕ ală phan lơi kồñ dê.” Jakôp ò git Racel neh kơñau ală rùp duh khoai hơ̆.

Sơnròp Gơlik Gơs 31:53

Dan Yàng Tom Trồ Abraham dê, Yàng Tom Trồ Nakôr dê, Yàng Tom Trồ bèp bol hơ̆ dê cahrña he in!” Jakôp ai sơnđan Bơtau Isak bèp khai duh rngòt mơ tòmho bal.

Sơnròp Gơlik Gơs 35:4

Gen bol khai ai Jakôp in ală rùp ràk yàng làng bol bơdìh mơ bol khai gam gơs mơ ală bơno di tồr, gen khai tơp ală phan hơ̆ di tòm cha rềp Sicem.

I Yal Yau 1:27

Abram, hơ̆ la Abraham.

Esai 51:2

Sền tĕ di Abraham ồng pàng bol mê dê, mơ Sara la cau neh tơnggơs bol mê. Tòm tŭ Añ neh hòi khai gen khai gơs mìng dô nă lơm, Añ neh ai lơngai khai in mơ lơh khai in gơlik gơs oă.

Ejekiel 16:3

mơ đơs tĕ lah: ‘Jehôwa Yàng Tom Trồ đơs mơ Jerusalem be do: “Tòm ryas ai dê mơ tiah ai geh deh la tòm lơgar cau Kanaan; bèp ai la dô nă cau Amôrit, mè ai la dô nă cau Hetit.

Luka 3:34

Juda kòn Jakôp, Jakôp kòn Isak, Isak kòn Abraham, Abraham kòn Thare, Thare kòn Nakôr,

Yal Wơl 26:5

Lồc behơ̆, bol mê rơp yal tơlik di đap Jehôwa Yàng Tom Trồ bol mê dê lah: “Ồng pàng bol hi dê la dô nă cau Aram lòt bơh tiah do tus tiah ne, mơ khai neh mù hơ Ejiptơ bal mơ dô êt nă cau ơm tềng hơ̆ mơ neh gơlik gơs dô nơm làng bol dờng, gơs gơnoar pràn mơ gơs oă cau.

Jôsue 24:15

Dilah bol mê ò bài duh broă Yàng Jehôwa, gen bol mê sac rwah tĕ tòm ngai do yàng lơi mơ bol mê rơp duh broă, ală yàng ală ồng pàng bol mê dê neh duh broă đah ne hiòng Ơphrat, hala ală yàng làng bol Amôrit dê tòm lơgar bol mê ơm. Mơya añ mơ hìu nhă añ jê, bol hi rơp duh broă Yàng Jehôwa.”