Jôsue 24:10 - Sră Goh 2018

¹⁰ Mơya Añ ò bài iat Balaam; gen tàng khai neh ai lơngai bol mê in oă dơ̆, mơ Añ neh dong tă bol mê klàs bơh di tê khai.

Jôsue 24:10 Mawu Ofanana

Esai 54:17

Ò gơs phan tòmlơh lơi neh tiar rgơi tòmdră pha rlau mơ ai, mơ ai rơp pơndang sang kòp nơm lơmpiat yă ai tòm tiah cahrña. Hơ̆ la pơnah sre brê ală cau duh broă Yàng Jehôwa dê, mơ bơta tò să bol khai dê tus bơh di Añ.” Yàng Jehôwa đơs behơ̆.

Mice 6:5

Ơ làng bol Añ jê, kah wơl tĕ ală bơta Balak bơtau Môap bơtào kai gơrmơ̆i; mơ ñchi jơnau Balaam kòn klau Beô neh ho wơl khai, mơ ñchi bơta neh gơlik gơs tòm gùng bơh Sitim tus hơ Gilgal, tồ bol mê in git broă lơh dong klàs Yàng Jehôwa dê.”

Khà Làng Bol 22:35

Cau gơnrơh Yàng Jehôwa dê đơs mơ Balaam lah: “Lòt tĕ mơ ală cau do, mơya mìng đơs jơnau lơi Añ sồr mê lơm.” Behơ̆ Balaam lòt bal mơ ală cau kwang dờng Balak dê.

Yal Wơl 23:5

Bulah behơ̆, Jehôwa Yàng Tom Trồ bol mê dê ò bài iat Balaam mơya Kơnràñ pơrlac bơta srat sơntơm gơlik gơs bơta ai lơngai bol mê in, tài bơh Jehôwa Yàng Tom Trồ bol mê dê kòñ gơboh di bol mê.

Jôsue 24:11

Lồc behơ̆ bol mê neh tiă hiòng Jordan mơ tus hơ Jerikô. Làng bol Jerikô tòmlơh mơ bol mê, kung be ală làng bol Amôrit, Pherijit, Kanaan, Hetit, Girgasit, Hebit mơ Jebusit, mơ Añ neh jào bol khai tòm tê bol mê dê.