Jôsue 23:3 - Sră Goh 2018

³ mơ să tòm bol mê neh gŏ jơh ală bơta Jehôwa Yàng Tom Trồ bol mê dê neh lơh di ală làng bol do tài bơh bol mê; hơ̆ la Jehôwa Yàng Tom Trồ bol mê dê neh tòmlơh bol mê in.

Jôsue 23:3 Mawu Ofanana

Lik Ejiptơ 14:14

Yàng Jehôwa rơp tòmlơh ala bol mê in; bol mê mìng ơm mŏ mŏ lơm.”

Lik Ejiptơ 19:4

‘Să tòm bol mê neh gŏ ală bơta Añ neh lơh di Ejiptơ, mbe Añ neh pơdiang bol mê hơđang pơnđar klàng bung, mơ cèng bol mê tus hơ Añ.

Ejekiel 20:28

Tòm tŭ Añ neh cèng bol khai mut tòm lơgar mơ Añ neh srat să ho ai bol khai in, mơ bol khai neh gŏ dòr lơi jơnhoa hala tòm chi dờng lơi gơs oă nha, gen tềng hơ̆ bol khai ơn phan ơn duh khoai bol khai dê, ơn ală phan ơn lơh Añ in gơjrañ mañ, chu kơlhô ƀô bơlhu, mơ tuh tơlik phan ơn pơdơng hùc bol khai dê.

Malaci 1:5

Mat bol mê rơp gŏ bơta hơ̆ mơ bol mê rơp đơs lah: “Dờng ngan la Yàng Jehôwa làm jơh đah ne ală nhàr Israel dê!”

Yal Wơl 1:30

Jehôwa Yàng Tom Trồ bol mê dê rơp lòt lài di đap bol mê, Kơnràñ rơp tòmlơh ala bol mê kung be Kơnràñ neh lơh bol mê in tòm Ejiptơ di đap gar mat bol mê dê,

Yal Wơl 20:4

Bơh Jehôwa Yàng Tom Trồ bol mê dê la Bơtau lòt bal mơ bol mê, nàng tòmlơh bol mê in tòmdră mơ ală cau sò tơm bol mê dê mơ ai bol mê in bơta pha lin rlau.’

Yal Wơl 4:9

Mìng pal kơrhia mơ sền gàr nền cê să tòm bol mê dê tồ bol mê ò hŭi ală bơta mơ mat bol mê neh sền gŏ, hala sang lòi ală bơta hơ̆ bơh di nùs tồr bol mê tòm jơh rài kis bol mê dê. Bơto ală bơta hơ̆ ală kòn sau bol mê in, mơ ală kòn sau tơnơ̆ mơ bol khai tai.

Yal Wơl 7:17

Bol mê digơlan rơp đơs is mơ să tòm he lah: “Ală làng bol do la pràn kơldang rlau mơ bol hi. Mbe bol hi rgơi ting bơtrơh bol khai taih?”

Yal Wơl 7:24

Kơnràñ rơp ơn ală cau bơtau bol khai dê tòm tê bol mê, mơ bol mê rơp jùt jơh ală sơnđan bol khai bơh di ù tiah hơđơm trồ. Ò gơs cau lơi rgơi ñă ntào tòmdră mơ bol mê, bol mê rơp tơnroh bol khai.

Jôsue 10:14

Bơh yau òr jơl tus di ngai do ò gŏ tŭ lơi gơs dô ngai lơi be ngai hơ̆, la ngai mơ Yàng Jehôwa neh dòp jơnau hòi dan dô nă kòn mơnus dê. Ngan la Yàng Jehôwa neh tòmlơh làng bol Israel in.

Jôsue 10:42

Jôsue tòmlơh pha rlau mơ jơh ală cau bơtau do mơ tòmpìt ai jơh ală lơgar bol khai dê tòm dô dơ̆ lòt tòmlơh, tài bơh Jehôwa Yàng Tom Trồ Israel dê neh tòmlơh Israel in.

Jôsue 23:10

Dô nă tòm bol mê ting bơtrơh dô rbô nă, tài bơh Jehôwa Yàng Tom Trồ bol mê dê tòmlơh bol mê in tòm toh be jơnau Kơnràñ neh ho pơgon mơ bol mê.