Jôsue 23:2 - Sră Goh 2018

² gen Jôsue hòi pơjum jơh Israel, jơh ală cau kwang kra mơ ală cau kwang at bồ, ală cau kwang cahrña mơ ală cau kwang ling bol khai dê mơ đơs mơ bol khai lah: “Tŭ do añ să neh kra sơnam neh jòng rau;

Jôsue 23:2 Mawu Ofanana

I Ală Bơtau 1:1

Tòm tŭ bơtau Dabit neh kra să mơ sơnam jòng; gen bulah cau tơntơ̆ oă ồi khai in, khai kung ò rgơi gơs ram.

I Ală Bơtau 8:1

Gen Salômôn pơjum ală cau kwang kra Israel, jơh ală cau at bồ jơi bơtiàn, mơ ală cau at bồ hìu nhă tòm Israel tus mơ khai, nàng cèng Đài Bơta Ho Bal Yàng Jehôwa dê bơh ƀòn Dabit, hơ̆ la Siôn.

I Yal Yau 23:2

Dabit hòi pơjum jơh ală cau kwang at bồ hơđang Israel dê bal mơ ală cau gơnoar ơn phan duh khoai mơ cau Lebi.

I Yal Yau 27:27

Simei cau Ramat gơs broă tòm gơwèt hơ ală suơn ño, Japdi cau Sip gơs broă tòm gơwèt hơ plai đo suơn ño dê nàng lơh gơs tơrnòm ño.

I Yal Yau 28:1

Dabit hòi pơjum jơh ală cau kwang at bồ Israel dê tòm Jerusalem: ală kwang at bồ ală jơi bơtiàn, ală cau kwang at bồ ală mpồl duh broă cau bơtau, ală cau kwang at bồ dô rbô nă mơ at bồ dô rhiang nă, mơ ală cau kwang sền gàr hơđang jơh ală phan mơna mơ phan poan jơng gơrê bal mơ cau bơtau mơ ală kòn klau bơtau dê, bal mơ ală cau kwang at bồ hìu gơlang, ală cau pràn kơldang mơ jơh ală cau ling tòmlơh khin cha.

Yal Wơl 31:28

Hòi pơjum tĕ di đap añ jơh ală cau kwang kra ală jơi bơtiàn bol mê dê mơ jơh ală cau kwang duh broă bol mê dê nàng añ rgơi đơs mơ bol khai tòm tồr bol khai dê, mơ hòi trồ mơ tiah lơh cơng tòmdră mơ bol khai.

Jôsue 13:1

Tòm tŭ Jôsue neh kra gen Yàng Jehôwa đơs mơ khai lah: “Mê neh să kra sơnam jòng mơ gam oă ù tiah pal tòmpìt lơh gơs sre brê.

Jôsue 23:3

mơ să tòm bol mê neh gŏ jơh ală bơta Jehôwa Yàng Tom Trồ bol mê dê neh lơh di ală làng bol do tài bơh bol mê; hơ̆ la Jehôwa Yàng Tom Trồ bol mê dê neh tòmlơh bol mê in.

Jôsue 24:1

Gen Jôsue pơjum bal jơh ală jơi bơtiàn Israel dê tòm Sicem. Khai hòi jơh ală cau kwang kra, ală cau kwang at bồ, ală cau kwang cahrña, mơ jơh ală cau kwang ling Israel dê, mơ bol khai tus pơjum bal di đap Yàng Tom Trồ.

I Samuel 12:2

Tŭ do bol mê gơs dô nă bơtau la cau lam bồ bol mê. Ai đah pơnah mơ añ gen să kra mơ kò sŏ, mơya ală kòn klau añ jê gam ơm mơ bol mê. Añ neh tề lam bol mê bơh tŭ añ gam pơnu jơl tus di ngai do.