Jôsue 22:9 - Sră Goh 2018

⁹ Behơ̆, cau Ruben, cau Gat bal mơ nggùl jơi bơtiàn cau Manase rê wơl hơ hìu bol khai dê, cah is bơh cau Israel tòm Silô, hơ̆ la tòm lơgar Kanaan, nàng rê hơ ù tiah Galaat la lơgar tòm bol khai dê mơ bol khai neh dòp sre brê jat jơnau gơnoar sồr Yàng Jehôwa dê neh sồr Môise.

Jôsue 22:9 Mawu Ofanana

II Samuel 2:9

Apner bơtào khai lơh gơs bơtau at bồ Galaat, Asuri, mơ Jejreel, bal mơ Epraim, Benjamin mơ jơh Israel.

I Yal Yau 5:9

Khai kung ơm đah mattơngai lik, ngài tus di nhàr ƀlàng ngềt ngơt đah do hiòng Ơphrat, tài bơh mpồl phan poan jơng bol khai dê neh gơbơtơl oă tòm lơgar Galaat.

Đơs Crih 60:7

Galaat la bal mơ Añ, Manase kung bal mơ Añ; Epraim kung be la sơgơn lòs Añ jê. Juda be la gai gơnoar at bồ Añ jê.

Khà Làng Bol 32:1

Ală cau Ruben mơ ală cau Gat gơs oă ngan mpồl phan poan jơng. Tòm tŭ bol khai neh sền gŏ ù tiah Jajer mơ Galaat dê la niam nàng ròng ală phan poan jơng.

Khà Làng Bol 32:20

Gen Môise đơs mơ bol khai lah: “Dilah bol mê rơp lơh behơ̆, dilah bol mê rơp at phan tòmlơh bol mê dê di đap Yàng Jehôwa nàng tòmlơh,

Khà Làng Bol 32:22

Mơ tòm tŭ neh geh lơgar di đap Yàng Jehôwa, gen bol mê rgơi rê wơl mơ geh khat gơboh bơh di broă pal lơh bol mê dê gơwèt hơ Yàng Jehôwa mơ gơwèt hơ Israel. Mơ lơgar hơ̆ rơp la sre brê bol mê dê di đap Yàng Jehôwa.

Khà Làng Bol 32:26

Ală kòn sau mơ ală bau ùr bol hi dê, ală mpồl kơnrồ mơ belàt bol hi dê rơp ơm wơl tềng do tòm ală ƀòn dờng Galaat dê.

Khà Làng Bol 32:29

Khai đơs mơ bol khai lah: “Dilah ală cau Gat mơ ală cau Ruben, kòp nă cau klau neh àñ ală phan tòmlơh mơ tiă hiòng Jordan bal mơ bol mê di đap Yàng Jehôwa, gen tòm tŭ neh tòmpìt ai lơgar di đap bol mê rau gen ai tĕ bol khai ù tiah Galaat lơh gơs sre brê bol khai dê.

Yal Wơl 3:18

Tòm tŭ hơ̆ añ ai jơnau sồr bol mê lah: “Jehôwa Yàng Tom Trồ bol mê dê neh ai bol mê in lơgar do lơh gơs sre brê. Mơya jơh ală cau klau rgơi lòt tòmlơh pal mă àñ phan tòmlơh mơ tiă hiòng Jordan lài mơ ală oh mi Israel bol mê dê.

Yal Wơl 3:20

jơl tus di tŭ Yàng Jehôwa neh ai bơta rlô lơngai ală oh mi bol mê in kung be Kơnràñ neh ai bol mê in, mơ bol khai kung pal dòp geh lơgar mơ Jehôwa Yàng Tom Trồ bol mê dê ai bol khai in, đah ne Jordan. Tơnơ̆ mơ hơ̆, kòp nă bol mê rgơi rê wơl hơ sre brê mơ añ neh ai bol mê in.”

Yal Wơl 34:1

Lồc behơ̆ Môise guh hơđang mơnơm Nebô bơh di ƀlàng ring Môap tus hơđang bồ Phisga, đah ne Jerikô. Tềng hơ̆ Yàng Jehôwa sơnio khai in sền gŏ jơh dô nơm lơgar, bơh di Galaat tus hơ Dan,

Jôsue 13:11

mơ Galaat, mơ kơnhwàl làng bol Gesur, mơ làng bol Maakat dê, mơ jơh mơnơm Hermôn, mơ jơh Basan jơl tus hơ Salekah;

Jôsue 13:25

Ù tiah bol khai dê la Jajer, mơ jơh ală ƀòn dờng Galaat, mơ nggùl lơgar làng bol Ammôn jơl tus hơ Arôer hơ đah mattơngai Rabah,

Jôsue 13:31

nggùl tiah Galaat mơ Astarôt, mơ Edrei, la ƀòn bơtau Ok tòm Basan. Hơ̆ la ù tiah neh jào cau Makir la kòn klau Manase dê jat kòp mpồl hìu nhă bol khai dê, mơ nggùl cau Makir dê.

Jôsue 22:10

Tòm tŭ bol khai tus hơ Gêlilôt rềp hiòng Jordan tòm lơgar Kanaan gen cau Ruben, cau Gat, mơ nggùl jơi bơtiàn cau Manase bơt bơtào dô nơm cơnòng duh khoai dờng ngan di gah hiòng Jordan.

Ală Kwang Cahrña 20:1

Gen jơh làng bol Israel lik lòt bơh Dan tus hơ Beerseba, bal mơ ù tiah Galaat, mpồl làng bol pơjum bal be dô nă di đap Yàng Jehôwa tòm Mispa.

Ală Kwang Cahrña 5:17

Galaat ơm đah ne hiòng Jordan; mơ Dan, ñchi bơh tài khai ơm wơl bal mơ ală ơhò? Aser ơm nggui wơl di gah dàlềng, ơm tòm ală ù tiah khai dê.