Jôsue 22:5 - Sră Goh 2018

⁵ Mơya kơrhia tĕ prap gàr bơta sồr lam mơ bơta boh lam mơ Môise, cau duh broă Yàng Jehôwa dê, neh ai bol mê in, kòñ gơboh Jehôwa Yàng Tom Trồ bol mê dê, lòt tòm jơh ală gùng dà Kơnràñ dê, dòn bơr lơh jat jơh ală jơnau gơnoar sồr Kơnràñ dê, đềt mềr mơ Kơnràñ mơ jơh nùs jơh hwềng soàn duh broă Kơnràñ.”

Jôsue 22:5 Mawu Ofanana

Đơs Crih 106:3

Lơngai cau lơi in prap gàr bơta song ngan, Mơ lơh jat bơta song ring sùm sùm!

Đơs Crih 78:7

Nàng bol khai in gơn kơnòm di Yàng Tom Trồ, Ò hŭi ală broă Yàng Tom Trồ dê, Mơya kơrmap gàr ală bơta sồr lam Kơnràñ dê.

Lik Ejiptơ 15:26

Kơnràñ đơs lah: “Dilah bol mê iat nền nền jơnau đơs Jehôwa Yàng Tom Trồ bol mê dê, mơ lơh bơta di ngan di đap Kơnràñ, dilah bol mê ơn nùs tồr di ală jơnau sồr Kơnràñ dê mơ prap gàr jơh ală bơta sồr lam Kơnràñ dê, gen Añ rơp ò đùh hơđang bol mê dô bơta kòp jê lơi tòm ală bơta kòp jê mơ Añ neh đùh hơđang cau Ejiptơ, bơh Añ la Yàng Jehôwa, Bơtau sơmbòi kòp jê bol mê in.”

Lik Ejiptơ 20:6

mơya rơp yal tơlik bơta kòñ gơboh jơl tus rbô rài gơwèt hơ ală cau kòñ gơboh di Añ mơ prap gàr ală bơta sồr lam Añ jê.

Lik Ejiptơ 23:13

Kơrhia tĕ lơh jat jơh ală bơta Añ neh đơs mơ mê. Bañ hòi dan mơ ală yàng ndai; bañ ai cau kơno ală sơnđan hơ̆ bơh di bơr bol mê dê.

Lik Ejiptơ 23:25

Duh khoai tĕ Jehôwa Yàng Tom Trồ bol mê dê; Kơnràñ rơp ai lơngai ală phan sa phan ñô bol mê dê. Añ rơp tă tơlik jơh ală bơta kòp jê bơh digùl bol mê,

Jơnau Pơnđik 4:23

Prap gàr tĕ nùs kòn dê dô bă kơrhia rlau jơh, Bơh ală croh dà bơta kis gơlik bơh di gơ.

Esai 55:2

Ñchi bơh tài bol mê tơm jền nàng blơi phan ò di la piang lă, mơ kong bòl glar lơh broă nàng geh phan ò lơh hòm klung taih? Kơrhia tĕ, Iat tĕ Añ! Mơ sa tĕ phan niam, mơ lơh să tòm bol mê hòn chò bơh phan bơkah rlau jơh.

Jeremi 12:16

Dilah bol khai ngac ngar bơtê gùng dà làng bol Añ jê, ai sơnđan Añ mơ srat să lah: ‘Ngan kung be Yàng Jehôwa kis gam sùm sùm!’ Kung be bol khai neh bơto làng bol Añ sơnio Baal mơ srat să, gen bol khai rơp geh bơt bơtào digùl làng bol Añ.

Mathiơ 22:37

Yàng Jesu ho lah: “‘Mê jơh tĕ nùs, jơh hwềng soàn, jơh dơngoh jak mơ kòñ gơboh di Yàng la Yàng Tom Trồ mê dê.’

Mathiơ 4:10

Gen Yàng Jesu đơs mơ gơ lah: “Ơ cà Satan, ruc tĕ. Bơh gơs jơnau cih lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Mathiơ 6:24

“Ò gơs cau lơi rgơi duh broă bàr nă cau tòm, bơh rơp gơjrañ kơuềng di cau do mơ kòñ gơboh di cau ne, hala sền dờng màng di cau do mơ sền òsơp di cau ne. Ală bol mê ò rgơi duh broă Yàng Tom Trồ ndang mơ duh broă jền priă ndang.

Luka 1:74

Tơnơ̆ mơ tŭ neh geh dong klàs bơh di tê ală cau sò tơm rau, Ai bol he in geh duh broă Kơnràñ dô bă ò rngòt,

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 14:15

“Dilah bol mê kòñ gơboh di Añ, gen rơp prap gàr ală bơta sồr lam Añ jê.

Broă 11:23

Tòm tŭ tus tềng hơ̆ mơ gŏ bơta nđàc Yàng Tom Trồ dê gen khai hòn chò, mơ bơto tơngkah jơh tơl nă cau hơ̆ kư̆ kơ̆ nùs dòn song mơ Yàng;

Broă 27:23

Bơh tòm mang do Yàng Tom Trồ la Bơtau mơ añ gơrê bal mơ duh broă, neh ai cau gơnrơh Kơnràñ dê ntào di gah añ,

Rôma 1:9

Yàng Tom Trồ la Bơtau mơ añ jơh nùs nàng duh broă tòm bơta bơto yal Jơnau Niam bơh Kòn Kơnràñ dê, lơh cơng añ in lah añ kah sùm oh mi tòm kòp dơ̆ añ hòi dan.

Rôma 12:9

Nùs kòñ gơboh pal song ngan. Cù kìr tĕ di bơta iơh bơsak, mơ đềt mềr tĕ di bơta lơbơn niam.

Rôma 8:28

Bol he git lah tòm jơh ală bơta, Yàng Tom Trồ lơh tồ gơs kwơ cau lơi in kòñ gơboh di Kơnràñ, hơ̆ la cau neh geh hòi sac jat bơta lơh nền Kơnràñ dê.

Yal Wơl 10:20

Duh rngòt tĕ Jehôwa Yàng Tom Trồ bol mê dê mơ duh broă Kơnràñ. Đềt mềr tĕ mơ Kơnràñ mơ srat să tòm sơnđan Kơnràñ dê.

Yal Wơl 11:1

Kòñ gơboh tĕ Jehôwa Yàng Tom Trồ bol mê dê mơ prap gàr ală gơnoar broă Kơnràñ jào, ală bơta lơh nền Kơnràñ dê, ală bơta boh lam Kơnràñ dê mơ ală jơnau sồr Kơnràñ dê.

Yal Wơl 11:13

Behơ̆ dilah bol mê dòn song lơh jat ală jơnau sồr mơ añ ai bol mê in ngai do, hơ̆ la kòñ gơboh di Jehôwa Yàng Tom Trồ bol mê dê mơ jơh nùs jơh hwềng soàn duh broă Kơnràñ,

Yal Wơl 11:22

Dilah bol mê kơrhia prap gàr jơh ală jơnau gơnoar sồr do mơ añ ai bol mê in nàng lơh jat, hơ̆ la kòñ gơboh di Jehôwa Yàng Tom Trồ bol mê dê, lòt jat jơh ală gùng dà Kơnràñ dê mơ đềt mềr mơ Kơnràñ,

Yal Wơl 13:4

Jehôwa Yàng Tom Trồ la Bơtau bol mê pal lòt jat, mìng Kơnràñ bol mê pal rngòt, gơnoar sồr Kơnràñ dê bol mê pal prap, jơnau đơs Kơnràñ dê bol mê pal dòn bơr, bol mê rơp duh broă Kơnràñ, mơ ơm kơ̆ mơ Kơnràñ.

Yal Wơl 4:29

Mơya bơh tềng hơ̆ bol mê rơp jòi jat Jehôwa Yàng Tom Trồ bol mê dê, bol mê rơp jòi bàn Kơnràñ dilah bol mê jơh nùs jơh hwềng soàn jòi jat Kơnràñ.

Yal Wơl 4:4

mơya ală bol mê la cau dòn song mơ Jehôwa Yàng Tom Trồ bol mê dê gen gam kis tus di ngai do.

Yal Wơl 4:6

Kơrhia tĕ prap gàr ală bơta hơ̆, bơh ală bơta hơ̆ rơp sơnio bơta jak chài mơ git wă bol mê dê ală làng bol in, bol khai rơp kơno bơh jơh ală bơta lơh nền do mơ đơs lah: “Di ngan làng bol dờng do la dô nơm làng bol jak chài mơ git wă.”

Yal Wơl 4:9

Mìng pal kơrhia mơ sền gàr nền cê să tòm bol mê dê tồ bol mê ò hŭi ală bơta mơ mat bol mê neh sền gŏ, hala sang lòi ală bơta hơ̆ bơh di nùs tồr bol mê tòm jơh rài kis bol mê dê. Bơto ală bơta hơ̆ ală kòn sau bol mê in, mơ ală kòn sau tơnơ̆ mơ bol khai tai.

Yal Wơl 5:10

mơya ràng tơlik bơta kòñ gơboh rbô rài ală cau in kòñ gơboh di Añ mơ prap gàr ală bơta sồr lam Añ jê.

Yal Wơl 6:17

Lơh nền tĕ prap gàr ală jơnau sồr Jehôwa Yàng Tom Trồ bol mê dê mơ ală sơnoa rnoas mơ jơnau lơh nền mơ Kơnràñ neh ai bol mê in.

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

Jakơ 1:12

Lơngai cau in kong jai bơta gơlòng bòl glar, bơh tòm tŭ neh kong jai bơta lòng rau gen rơp dòp geh sơgơn bơtau bơta kis mơ Yàng neh ho pơgon ai cau in kòñ gơboh di Kơnràñ.

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

Jôsue 23:8

mơya bol mê pal đềt mềr mơ Jehôwa Yàng Tom Trồ bol mê dê kung be bol mê neh lơh tus di ngai do.

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!

I Samuel 12:20

Behơ̆, Samuel ho wơl mơ làng bol lah: “Bañ rngòt, bol mê neh lơh jơh ală bơta iơh bơsak do, bulah behơ̆ bañ wèt sang Yàng Jehôwa, mơya jơh tĕ nùs duh broă Yàng Jehôwa.

I Samuel 12:24

Mìng duh rngòt tĕ Yàng Jehôwa mơ jơh nùs dòn song duh broă Kơnràñ dê; sền sơwì tĕ bơh ală broă dờng mơ Kơnràñ neh lơh bol mê in.

I Samuel 7:3

Samuel đơs mơ jơh hìu Israel lah: “Dilah ală bol mê jơh nùs rê wơl hơ Yàng Jehôwa, gen sang tĕ ală yàng lơgar bơdìh mơ Astarte bơh digùl bol mê, ơn tĕ song nùs bol mê dê Yàng Jehôwa in, mơ mìng duh broă Kơnràñ lơm, gen Kơnràñ rơp dong tă bol mê bơh di tê cau Philistin.”