Jôsue 22:34 - Sră Goh 2018

³⁴ Behơ̆ cau Ruben mơ cau Gat sơnđan cơnòng duh khoai hơ̆ la: “Dô bơta Lơh Cơng digùl bol hi mơ Jehôwa la Yàng Tom Trồ.”

Jôsue 22:34 Mawu Ofanana

Sơnròp Gơlik Gơs 31:47

Laban tơmoh sơnđan gơ la Jegar Sahadutha, mơ Jakôp tơmoh sơnđan la Galet.

Sơnròp Gơlik Gơs 31:48

Laban đơs lah: “Ngai do bơrtul lŭ do lơh cơng digùl añ mơ mê.” Gen bol khai sơnđan gơ la Galet.

I Ală Bơtau 18:39

Gŏ behơ̆, jơh làng bol tơmbic să tòm ù, mơ driau lah: “Jehôwa ngan la Yàng Tom Trồ! Jehôwa ngan la Yàng Tom Trồ!”

Esai 19:19

Tòm ngai hơ̆ rơp gơs dô nơm cơnòng duh khoai Yàng Jehôwa in digùl lơgar Ejiptơ, mơ dô nơm jrong Yàng Jehôwa in di nhàr lơgar.

Esai 43:10

Yàng Jehôwa đơs lah: “Bol mê la ală cau lơh cơng Añ jê, mơ la cau duh broă mơ Añ neh sac rwah, nàng mê in git mơ dòn Añ, mơ git wă lah Añ la Bơtau hơ̆. Ò gơs yàng lơi neh geh crơng mòn lài mơ Añ, tơnơ̆ mơ Añ kung rơp ò gơs.

Mathiơ 4:10

Gen Yàng Jesu đơs mơ gơ lah: “Ơ cà Satan, ruc tĕ. Bơh gơs jơnau cih lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Jôsue 22:27

Mơya, hơ̆ la nàng lơh cơng digùl bol hi mơ oh mi, digùl ală kòn sau tòm ală rài tơnơ̆ lah bol hi rơp duh khoai Yàng Jehôwa mơ ơn phan duh khoai chu pơrguc, phan ơn duh khoai mơ phan ơn duh khoai ring lơngai tòm hìu duh khoai Kơnràñ dê. Gen tòm ngai tơnơ̆ ală kòn sau oh mi dê rơp ò tŭ lơi đơs mơ ală kòn sau bol hi dê lah: ‘Bol mê ò gơs pơnah lơi tòm Yàng Jehôwa.’

Jôsue 24:27

Gen Jôsue đơs mơ làng bol lah: “Sền tĕ, pơnai lŭ do rơp lơh cơng bol he in. Gơ neh kơno jơh ală jơnau Yàng Jehôwa neh đơs mơ bol he. Gơ rơp lơh cơng tòmdră di bol mê dilah bol mê ò ơm song mơ Yàng Tom Trồ bol mê dê.”