Jôsue 22:18 - Sră Goh 2018

¹⁸ mơ ngai do bol mê pal sang lòi ò lòt jat Yàng Jehôwa! Dilah ngai do bol mê tòmdră mơ Yàng Jehôwa, gen Kơnràñ rơp gơhào gơjrañ di jơh mpồl jơnum Israel tòm ngai hìng.

Jôsue 22:18 Mawu Ofanana

II Samuel 24:1

Dô dơ̆ tai, bơta gơjrañ Yàng Jehôwa dê hìt tòmdră mơ Israel. Kơnràñ chồl nùs Dabit tòmdră mơ bol khai, mơ đơs lah: “Lòt tĕ kòp khà làng bol Israel mơ Juda.”

I Ală Bơtau 9:6

Mơya dilah mê mơ kòn sau bol mê wơlke bơh Añ, ò prap gàr ală bơta sồr lam mơ bơta boh lam mơ Añ neh ơn di đap mê; mơya lòt duh broă ală yàng ndai mơ duh khoai bol gơ,

II Ală Bơtau 17:21

Tòm tŭ Yàng crè Israel bơh hìu Dabit gen bol khai bơtào Jerôbôam kòn klau Nebat, lơh gơs bơtau; Jerôbôam lam Israel ò lòt jat Yàng Jehôwa, mơ chồl bol khai gơtơmut tòm glài dờng.

I Yal Yau 21:1

Satan ntào tòmdră mơ Israel, mơ chồl nùs Dabit kòp khà làng bol Israel.

I Yal Yau 21:14

Behơ̆ Yàng Jehôwa đùh bơta pluh plàng hơđang Israel, mơ poh jơt rbô nă cau klau Israel gơpừ chơt.

II Yal Yau 25:27

Bơh di tŭ Amajiah pơrlac sang ò lòt jat Yàng Jehôwa, gơs ală cau bơyai bơtào tòmdră mơ khai tòm Jerusalem mơ khai ntoat dô hơ Lakis, mơya bol khai sồr cau ting jat khai tòm Lakis mơ tơnchơt khai tềng hơ̆.

II Yal Yau 34:33

Jôsia tă sang jơh ală rùp ràk cù kìr bơh tòm làm jơh ù tiah gơrê bal mơ Israel, mơ khai sồr jơh ală cau gơs mat tòm Israel duh broă Jehôwa Yàng Tom Trồ bol khai dê. Jơh rài kis bol khai dê ò sang lòi mơ kư̆ lòt jat Jehôwa la Yàng Tom Trồ ală ồng pàng bol khai dê.

Lebi 10:6

Gen Môise đơs mơ Arôn bal mơ ală kòn klau khai dê la Eleajar mơ Ithamar lah: “Bañ lòi sŏ bol mê dê ò kèr, mơ bañ crè ồi ào bol mê dê, rngòt bol mê rơp chơt mơ Yàng Jehôwa rơp gơjrañ di jơh mpồl làng bol mòn. Mơya jơh gơp bơtiàn bol mê dê, jơh ală hìu nhă Israel dê rgơi ñìm rac bơh ală cau mơ Yàng Jehôwa neh tơnroh tòm ồs.

Khà Làng Bol 16:22

Mơya Môise mơ Arôn tơmbic să blup mat di ù mơ rac dan lah: “Ơ Yàng Tom Trồ la Yàng Tom Trồ ală hwềng jơh kòn mơnus dê, Kơnràñ rơp gơhào gơjrañ mơ jơh mpồl jơnum tòm tŭ gơs mìng dô nă tìs glài sơl ơ?”

Khà Làng Bol 32:15

Dilah bol mê wơlke ò lòt jat Kơnràñ tai, Kơnràñ kung rơp sang lòi jơh làng bol do, mơ bol mê la kai lơh bol khai in kong chơt roh.”

Yal Wơl 7:4

bơh bol khai rơp pơrlac ngài ală kòn sau bol mê dê ò lòt jat Añ tai; mơ rơp duh khoai ală yàng ndai, mơ bơta gơjrañ Yàng Jehôwa dê rơp gơhào khuh tòmdră mơ bol mê mơ rơp tơnroh bol mê mhar ngan.

Jôsue 22:15

Tòm tŭ bol khai tus hơ cau Ruben, cau Gat, mơ nggùl jơi bơtiàn cau Manase tòm ù tiah Galaat, gen đơs mơ bol hơ̆ lah:

Jôsue 22:16

“Jơh mpồl jơnum Yàng Jehôwa dê đơs lah: ‘Ñchi bơta bol mê ò dòn song do mơ bol mê neh tòmdră mơ Yàng Tom Trồ Israel dê, sang lòi ò lòt jat Yàng Jehôwa tòm ngai do, mơ bơt bơtào bol mê in dô nơm cơnòng duh khoai ndai ngai do nàng tòmdră mơ Yàng Jehôwa taih?

Jôsue 22:20

Ò di Akan kòn klau Jerah neh ò dòn song gơwèt mơ phan pal phi ơn, mơ bơta gơjrañ dờng Yàng Jehôwa dê neh dùh hơđang mpồl jơnum Israel dê ò ơ? Mơ ò di mìng dô nă khai neh kong chơt tài bơh tồi glài khai dê ò!’”

Jôsue 7:1

Mơya làng bol Israel neh tìs glài ò dòn song gơwèt mơ ală phan kòl tơnroh; Akan kòn klau Karmi, sau Japdi, se Jerah, gơrê bal mơ jơi bơtiàn Juda, neh ai dô êt phan tơnroh hơ̆; mơ bơta gơjrañ Yàng Jehôwa dê gơhào tòmdră mơ làng bol Israel.

Jôsue 7:11

Israel neh tìs glài; bol khai neh lơh tìs mơ bơta ho bal Añ jê mơ Añ neh sồr bol khai pal prap. Bol khai neh ai phan pal phi ơn; bol khai neh kơñau, neh lơh bơta blac pơrlồm mơ neh ơn ală phan hơ̆ bal mơ ală phan tòm bol khai dê.

Jôsue 7:21

Tòm tŭ añ gŏ tòm phan phà kup gơs dô nơm ào jrùh hàng mơnĕ bơh Sinar, bàr rhiang sieklơ priă, mơ dô pơnai màh kơnjơ̆ pram jơt sieklơ, añ neh hàm kòñ ală phan hơ̆ mơ neh ai gơ. Tŭ do ală phan hơ̆ neh pồn tòm ù tòm dơlam sàl añ jê, bal mơ priă ơm hơđơm.”

I Samuel 12:14

Dilah bol mê duh rngòt di Yàng Jehôwa, duh broă Kơnràñ, dòn bơr Kơnràñ, mơ ò tòmdră mơ ală jơnau sồr Kơnràñ dê, mơ dilah bol mê bal mơ cau bơtau at bồ hơđang bol mê lòt jat Jehôwa Yàng Tom Trồ bol mê dê hơ̆ rơp la niam.

I Samuel 12:20

Behơ̆, Samuel ho wơl mơ làng bol lah: “Bañ rngòt, bol mê neh lơh jơh ală bơta iơh bơsak do, bulah behơ̆ bañ wèt sang Yàng Jehôwa, mơya jơh tĕ nùs duh broă Yàng Jehôwa.