Jôsue 20:4 - Sră Goh 2018

⁴ Tòm tŭ khai ntoat dô tus hơ dô nơm tòm ală ƀòn hơ̆, khai ntào di mpồng ƀòn mơ yal wơl bơta neh gơlik gơs hơ̆ ală cau kwang kra at bồ ƀòn hơ̆ in. Gen ală cau kwang kra hơ̆ rơp cèng khai mut tòm ƀòn, mơ rơp ai khai in dô bă tiah nàng kis digùl bol khai.

Jôsue 20:4 Mawu Ofanana

Sră Jop 29:7

Tòm tŭ añ lik lòt tus hơ mpồng ƀòn dờng dê, tòm tŭ añ nggui tòm hìu pơjum mpồl jơnum dê,

Sră Jop 5:4

Kòn sau bol khai dê ngài bơh bơta lơngap lơngai, bol khai gơkòl tơnlề di mpồng ƀòn, mơ ò gơs cau lơi dong tă bol khai;

Đơs Crih 26:9

Dan bañ pơs sang hwềng soàn añ bal mơ ală cau glài, Kung bañ tơnlồi bơta kis añ bal mơ ală cau lơh gơhòr mhàm.

Jơnau Pơnđik 31:23

Ơm di mpồng ƀòn bau klau khai geh oă cau git, tŭ nggui bal mơ ală cau kwang kra tòm lơgar.

Jeremi 38:7

Ebetmelet, cau Ethiôpi, lơh kwang kơndời tòm gơlang bơtau, kơno cau sơrbì Jeremi tòm trồm jrô. Mơ tai tŭ hơ̆, bơtau ơm nggui di mpồng Benjamin.

Hebrơ 6:18

tồ kơnòm di bàr bơta ò tòmgơl hơ̆, la bàr bơta Yàng Tom Trồ ò rgơi đơs blac, mơ bol he la ală cau neh kìng crŭ tòm Kơnràñ, gen gơchồl pràn kơldang nàng sơmbat kơ̆ di bơta gơn kơnòm neh ơn di đap bol he.

Jôsue 20:3

nàng dilah gơs cau lơi gơtup gơtơl tơnchơt cau ò di bơh nùs khai kòñ, gen cau hơ̆ rgơi ntoat dô ơm tềng hơ̆ mơ geh sền gàr klàs bơh di cau sal tê mhàm dê.