Jôsue 2:5 - Sră Goh 2018

⁵ Tŭ trồ mho, tòm tŭ mòr til mpồng ƀòn, bol khai neh lik lòt mơ añ ò git ntềng đah bol khai lòt. Ting jat tĕ bol khai mhar, bơh bol mê rơp jat bàn bol khai.”

Jôsue 2:5 Mawu Ofanana

Nehemi 13:19

Tòm tŭ trồ mòr jơngo di ală mpồng Jerusalem lài mơ ngai Saƀat, añ sồr cau til ală mpồng mơ bañ pò jơl tus ngai Saƀat neh rlau. Añ neh ơn cau tòm mpồl ală cau duh broă añ jê nàng sền gàr ală mpồng tồ ò gơs cau lơi cèng phan tơmut tòm ngai Saƀat.

Esai 60:11

Ală mpồng dờng mê dê rơp pò sùm, ngai mơ mang bol gơ rơp ò tŭ lơi til, nàng ală lơgar rơp cèng tus hơ mê bơta pas gơs bol khai dê; mơ ală bơtau bol khai dê lam lòt tòm dô mpồl gơs oă cau lòt jat.

Jeremi 50:20

Yàng Jehôwa đơs: “Tòm ală ngai hơ̆ mơ tòm tŭ hơ̆, cau rơp jòi bơta iơh Israel dê, mơ rơp ò gơs dô nơm glài tai; jòi tồi glài Juda dê, mơ rơp ò gŏ dô nơm glài lơi tai ò; bơh Añ rơp toh glài ală cau tòm mpồl bol khai mơ Añ neh lòi wơl.”

Ejekiel 47:12

Tơl ală jơi chi gơs plai di sa rơp hòn di bàr gah hiòng dà. Nha gơ rơp ò ro jrùh, plai gơ kung ò tŭ lơi jơh. Kòp kơnhai dô dơ̆ gơ gơs plai, tài bơh dà gơhòr bơh di tiah sàng goh tus di gơ. Plai gơ rơp ngui lơh gơs phan sa mơ nha gơ ngui nàng sơmbòi kòp jê.”

Jôsue 2:4

Mơya cau ùr hơ̆ neh cèng pồn bàr nă bol khai, mơ khai đơs lah: “Ngan, gơs ală cau klau neh tus mơ añ, mơya añ ò git bol khai neh tus bơh tiah lơi.

Jôsue 2:6

Mơya, Rahap neh lam bàr nă bol hơ̆ guh hơđang rkàng hìu, mơ neh pồn bol hơ̆ hơđơm gơnru che dơmài mơ khai neh pràng hơđang hơ̆.

Jôsue 2:7

Behơ̆ ală cau klau geh sồr ting jat bàr nă cau sền òm lơgar tòm gùng lòt hơ ală tiah thòl hiòng Jordan dê. Tòm tŭ ală cau ting jat neh lik bơh ƀòn gen mpồng ƀòn neh til.

Yal Tơlik 21:25

Ală mpồng dờng ƀòn dê ò gơs tŭ lơi til tòm trồ ngai, mơ tềng hơ̆ ò gơs trồ mang.

I Samuel 19:14

Tòm tŭ Sol sồr cau tus nàng kup Dabit, gen Mikal đơs lah: “Khai bic kòp.”