Jôsue 2:18 - Sră Goh 2018

¹⁸ Dilah tòm tŭ bol hi mut tòmpìt lơgar mơ ai ò kơt che pơrhê do di mpồng dềt ai neh tơmù bol hi, mơ ai ò pơjum tơrgòm tòm hìu ai dê mè bèp ruh lŏ mơ jơh ală cau tòm hìu nhă ai dê.

Jôsue 2:18 Mawu Ofanana

Sơnròp Gơlik Gơs 12:2

Añ rơp lơh mê in gơlik gơs dô làng bol dờng, Añ rơp ai lơngai mê in mơ lơh tiơng pơnro sơnđan mê, mơ mê rơp gơlik gơs dô nơm cat lơngai.

Sơnròp Gơlik Gơs 7:1

Yàng Jehôwa đơs mơ Nôe lah: “Mê mơ jơh hìu nhă mê mut tĕ tòm ơhò, bơh tòm rài do Añ gŏ mê la song ring di đap Añ.

Este 8:6

Bơh mbe añ rgơi kong jai tòm tŭ sền gŏ bơta rung rài gơtơntus hơđang làng bol añ jê taih? Mbe añ rgơi kong jai tòm tŭ sền gŏ bơta tơnroh hìu nhă añ jê taih?”

Lik Ejiptơ 12:13

Mhàm bong di ală hìu bol mê ơm rơp ngui lơh tềl bol mê in; mơ tòm tŭ Añ gŏ mhàm gen rơp lòt gan di bol mê. Rơp ò gơs pluh plàng tơnroh tus di bol mê tòm tŭ Añ lơh glài Ejiptơ.

Đơs Chò 4:3

Sơndồi ai tòm toh be dô dang che pơrhê, bơr ai niam mơnĕ ngan; tơrmồ ai gòm chèo be nggùl nai plai lừu. Dum bơh dơlam chèo cang.

Lebi 14:4

gen cau gơnoar ơn phan duh khoai pal ai jơnau sồr cèng tus cau hơ̆ in bàr nơm sềm goh mơ dô gơl chi nho rề bò, brài dà gur, mơ ntê nha biap ƀô.

Khà Làng Bol 19:6

Cau gơnoar ơn phan duh khoai rơp ai dô êt chi mpàn nho rề, nha biap ƀô, mơ brài sơnò belàt dà gur mơ sơrbì hơđang kơnrồ dra ồs sa.

Khà Làng Bol 4:8

Gen bol khai pal lă hơđang ală phan hơ̆ mơ dô blah bài dà gur, jơm gơ mơ gơltau ka sur mơ srò ală gai tùng di tiah gơ dê.

Luka 19:9

Yàng Jesu đơs mơ khai lah: “Ngai do bơta dong klàs neh tus tòm hìu do, bơh cau do kung la kòn sau Abraham dê.

Broă 10:27

Tơnơ̆ mơ tŭ Pier tòmbơhbơr mơ Kornai, mut tòm hìu gŏ oă cau ơm pơjum bal.

Broă 10:33

gen añ sồr mo cau lòt jà ồng, mơ ồng neh niam nùs lòt tus hơ do. Behơ̆ tŭ do jơh ală bol hi ơm di đap Yàng Tom Trồ, nàng iat jơh ală bơta Yàng neh nting mơ ồng.”

Broă 11:14

Khai rơp yal mê in ală jơnau nàng kơnòm tềng hơ̆ mê mơ jơh hìu nhă mê rơp geh dong klàs.’

II Timôthe 1:16

Dan Yàng ai bơta kòñ nđàc hìu Ônesiphôr in, bơh khai oă dơ̆ lơh nùs añ in rài bòl, ò ƀàssìl bơh añ kòl kơt mơ che sreng,

Hebrơ 9:19

Bơh tòm tŭ Môise yal tơnggit ală bơta sồr lam bơta boh lam dê jơh làng bol in rau, gen khai ai mhàm kơnrồ kòn mơ be dam, mơ dà, ngui che phồng mơ sơnò belàt, mơ ntê chi nha gơ be nsồm, mơ rsìh hơđang dap sră mơ hơđang jơh làng bol,

Jôsue 2:21

Gen Rahap đơs lah: “Lơh jat tĕ tòm toh be jơnau ală ồng neh đơs hơ̆.” Gen khai lòi bàr nă bol hơ̆ in lòt, mơ bol khai lik lòt. Gen cau ùr kơt che pơrhê di mpồng dềt.

Jôsue 6:23

Behơ̆ bàr nă cau pơnu neh lòt sền òm lơgar mut tòm hìu mơ lam Rahap lik bal mơ mè bèp oh mi mơ jơh ală cau bal mơ khai. Bol khai lam jơh ală cau tòm hìu nhă Rahap mơ ơn bol khai hơ bơdìh sàl Israel dê.

Jôsue 6:25

Mơya Rahap la cau ùr dri bal mơ hìu nhă khai dê, mơ jơh ală cau bal mơ khai, gen Jôsue lòi kis, hìu nhă khai dê gam ơm digùl Israel jơl tus ngai do; tài bơh khai neh pồn ală cau geh sồr lòt mơ Jôsue neh sồr lòt sền òm ƀòn Jerikô.