Jôsue 2:15 - Sră Goh 2018

¹⁵ Behơ̆ Rahap ai dô dang che mơ tơmù bol khai bơh di mpồng dềt, bơh hìu khai ơm rềp di dơrñang ƀòn mơ khai ơm đah dơlam gơ.

Jôsue 2:15 Mawu Ofanana

Broă 9:25

Mơya tòm trồ mang, ală cau bơtê ai bài dờng tơmù khai đah bơdìh dơrñang ƀòn dờng.

II Kôrintô 11:33

mơya bơh mpồng dềt di gah dơrñang ƀòn gơs cau tơmù añ tòm dô nơm bài, behơ̆ añ lik klàs bơh di tê khai.

Jôsue 2:14

Bàr nă bol hơ̆ ho khai lah: “Bơta kis bol hi dê rơp ala bơta kis ai dê; dilah ai ò yal tơlik broă bol hi dê, gen bol hi rơp gơwèt niam mơ dòn song mơ ai tòm tŭ Yàng Jehôwa ai bol hi in lơgar.”

Jôsue 2:16

Khai đơs mơ bol khai lah: “Lòt tĕ hơ lơgar kơh mơnơm tồ ală cau ting jat ò bàn ală ồng, ơm pồn tĕ tềng hơ̆ pe ngai jơl tus di tŭ ală cau ting jat neh rê wơl, tơnơ̆ hơ̆ ală ồng lòt tĕ gùng ală ồng dê.”

Jôsue 6:20

Behơ̆, làng bol driau dờng, mơ ntas sap ală kơlwòk neh uh; Tòm tŭ làng bol kơno ntas kơlwòk gen bol khai driau dô sap dờng ngan, mơ dơrñang ƀòn tơrlah lề jơh; behơ̆ kòp nă brồ mut song di đap mơ tòmpìt ai ƀòn.