Jôsue 2:10 - Sră Goh 2018

¹⁰ Bol hi neh kơno Yàng Jehôwa neh lơh Dàlềng Pơrhê gơlik rañ rsơh di đap ală ồng tòm tŭ ală ồng lik bơh lơgar Ejiptơ, mơ mbe ală ồng neh lơh mơ bàr nă bơtau làng bol Amôr ơm đah mattơngai lik hiòng Jordan la Sihôn mơ Ok, mơ ală ồng neh tơnroh jơh bol khai.

Jôsue 2:10 Mawu Ofanana

Đơs Crih 74:15

Kơnràñ lơh dà cat mơ dà croh in gơ nsoac dà, Mơ lơh ală hiòng dà dờng in gơlik rañ rsơh.

Khà Làng Bol 20:14

Môise sồr ală cau kong sồr lòt bơh di Kades tus hơ bơtau Edôm mơ đơs lah: “Israel oh bơtau dê đơs be do: Bơtau git jơh ală bơta bòl glar kalke neh gơtơntus hơđang bol hi.

Khà Làng Bol 23:22

Yàng Tom Trồ neh cèng bol khai lik klàs bơh di Ejiptơ; bol khai gơs bơta pràn kơldang kơnrồ brê dê.

Khà Làng Bol 24:8

Yàng Tom Trồ neh cèng bol khai lik klàs bơh di Ejiptơ; Bol khai gơs bơta pràn kơldang kung be dô nơm kơnrồ brê. Bol khai sa loan ală làng bol, dơrkă rpot rpet ală ntìng ală làng bol dê.

Yal Wơl 2:30

Mơya Sihôn bơtau Hesbôn ò bài lòi bol hi lòt gan lơgar khai dê. Bơh Jehôwa Yàng Tom Trồ bol mê dê neh lơh hwềng khai tòmdră mơ nùs khai kră kơldang tồ jào khai tòm tê bol mê dê tòm toh jat be Kơnràñ neh lơh rau.

Jôsue 24:12

Añ neh sồr òng lòt lài mơ bol mê nàng ting bơtrơh bol khai bơh di đap bol mê, bal mơ bàr nă cau bơtau Amôrit dê; hơ̆ ò di bơh đào bol mê dê hala àtak bol mê dê.

Jôsue 4:24

Behơ̆ tồ jơh ală làng bol tòm dunnia in git lah tê Yàng Jehôwa dê gơs gơnoar dờng, mơ tồ bol mê in duh rngòt di Jehôwa Yàng Tom Trồ bol mê dê sùm sùm.”

Jôsue 5:1

Tòm tŭ jơh ală bơtau làng bol Amôr ơm đah mattơngai mut hiòng Jordan dê, bal mơ jơh ală bơtau cau Kanaan ơm rò gah dàlềng, kơno bơh bơta Yàng Jehôwa neh lơh rañ rsơh dà hiòng Jordan di đap làng bol Israel jơl tus di tŭ bol khai neh tiă hiòng, gen ală cau bơtau hơ̆ gơdô nùs jơh, mơ hwềng nùs tòm bol khai ò gam tai, tài bơh làng bol Israel.

Jôsue 9:10

mơ jơh ală bơta Kơnràñ neh lơh di bàr nă cau bơtau Amôrit ơm đah mattơngai lik hiòng Jordan dê, hơ̆ la Sihôn bơtau Hesbôn mơ Ok bơtau Basan at bồ tòm Astarôt.