Jôsue 18:16 - Sră Goh 2018

¹⁶ Gen nhàr gơ mù tus hơ jơng mơnơm di đap thòng Ben Hinnôm ơm đah đang thòng Rephaim dê. Gơ lòt pơnjat tai mơ mù tus hơ thòng kòn klau Hinôm, jat rò gah đah đơm kơh mơnơm ƀòn dờng cau Jebusit dê mơ mù tus hơ En Rôgel.

Jôsue 18:16 Mawu Ofanana

II Samuel 17:17

Jônathan mơ Ahimas neh ơm tòm En Rôgel. Dô nă cau ùr duh broă lòt tus yal tơnggit bol khai in, mơ bol khai lòt yal wơl bơtau Dabit in, bơh bol khai ò khin mut tòm ƀòn dờng.

II Samuel 5:18

Cau Philistin neh tus mơ ơm làm tòm thòng Rephaim.

I Ală Bơtau 1:9

Gen Adônija ơn ală belàt, kơnrồ, mơ kơnrồ dam lơmă lơh gơs phan ơn hơđang Pơnai lŭ Jôhelet, rềp di hiòng En Rôgel. Khai jà jơh ală oh mi khai, la ală kòn klau bơtau dê, mơ jơh ală cau Juda duh broă bơtau.

II Ală Bơtau 23:10

Khai kung lơh ƀơ̆ ƀơl Tôphet tòm thòng Ben Hinôm, nàng ò gơs cau lơi chu kòn klau hala kòn ùr he tòm ồs, be dô nơm phan ơn rùp ràk Molok in tai.

I Yal Yau 14:9

Tŭ hơ̆ cau Philistin neh phà tòmpìt thòng Rephaim.

II Yal Yau 28:3

mơ khai chu ală phan ơn tòm thòng kòn klau Hinôm dê, mơ sang ală kòn klau khai dê tòm ồs, jat ală bơta ngkòr ngkàc be ală lơgar mơ Yàng Jehôwa neh ting bơtrơh bơh di đap làng bol Israel.

II Yal Yau 33:6

Khai ơn ală kòn klau khai dê lơh gơs phan ơn duh khoai tòm ồs tòm Thòng Ben Hinôm, juh proh, sền dà, mơ hòi lùp ală cau gru cau bơjơu. Khai lơh oă bơta iơh bơsak di đap mat Yàng Jehôwa, bơrcek Kơnràñ gơjrañ.

Esai 30:33

Bơh Tôphet neh rcang bơh jŏ rau; gơ geh rcang sir cau bơtau in. Brong ồs gơ dê jrô mơ ơnàng, gơs ồs mơ lòng oă ngan; nhơm tă Yàng Jehôwa dê kung be dô nơm croh siau sa hơng gơ.

Jeremi 19:11

mơ đơs mơ bol khai lah: Yàng Jehôwa Gơnap Gơnoar đơs be do: ‘Añ rơp pòng bơcah làng bol do mơ ƀòn dờng do kung be pòng bơcah gri mơ ù, ò rgơi lơh niam wơl; cau rơp tơp ƀồc tòm tiah Tôphet, tian gơs ò tơl tiah nàng tơp.’

Jeremi 19:2

mơ lòt tus tòm thòng kòn klau Hinôm, rềp gùng mut tòm Mpồng Ù Glah; tềng hơ̆, yal tĕ ală jơnau Añ rơp đơs mơ mê.

Jeremi 19:6

Behơ̆ gen, Yàng Jehôwa đơs: ‘Ne, ngai tus, tŭ hơ̆ tiah do rơp ò sơnđan la Tôphet, kung ò sơnđan la thòng kòn klau Hinôm tai, mơya la Thòng Bơta Tơnchơt.

Jeremi 32:35

Bol khai neh bơt ală tiah jơnhoa Baal in tòm thòng kòn klau Hinôm, chu kòn klau kòn ùr he tòm ồs, ơn Molok in, la bơta Añ ò tŭ lơi ai gơnoar sồr; Añ ò tŭ lơi kơlôi sơnơng lah bol khai rgơi lơh dô bơta cù kìr behơ̆ mơ lơh Juda in tìs glài.

Jôsue 15:63

Làng bol Juda ò rgơi ting bơtrơh làng bol Jebusit ơm tòm Jerusalem, gen tàng làng bol Jebusit gam ơm tềng hơ̆ mơ làng bol Juda jơl tus di ngai do.

Jôsue 18:28

Jelah, Haelep, ƀòn dờng cau Jebusit dê (hơ̆ la Jerusalem), Gibeah, mơ Kiriat Jearim jơt poan nơm ƀòn dờng bal mơ ală ƀòn dềt bol gơ dê. Hơ̆ la ù tiah sre brê jơi bơtiàn Benjamin dê jat ală mpồl hìu nhă bol khai dê.

Ală Kwang Cahrña 1:21

Mơya, cau Benjamin ò rgơi ting bơtrơh cau Jebusit ơm tòm Jerusalem; gen tàng cau Jebusit gam ơm tềng hơ̆ bal mơ cau Benjamin jơl tus di ngai do.

Ală Kwang Cahrña 1:8

Gen cau Juda brồ lơh Jerusalem mơ ai gơ, tơnchơt làng bol mơ đào mơ chu ƀòn mơ ồs.

Ală Kwang Cahrña 19:10

Mơya cau klau hơ̆ ò bài ơm wơl dô mang tai, khai ñă lòt hơ đah Jebus (hơ̆ la Jerusalem), bal mơ bàr nơm alàng neh kơt ừn mơ bau cồng khai dê.