Jôsue 18:10 - Sră Goh 2018

¹⁰ gen Jôsue tă khà bol khai in tòm Silô di đap Yàng Jehôwa, mơ tềng hơ̆ khai tòmpà ù tiah làng bol Israel in jat kòp jơi bơtiàn bol khai dê.

Jôsue 18:10 Mawu Ofanana

I Yal Yau 24:5

Bol khai bơtào bol hơ̆ bơh bơta tă khà, bơh gơs ală cau kwang duh broă tòm tiah sàng goh mơ ală cau kwang duh broă Yàng Tom Trồ dê digùl bàr đah kòn sau Eleajar mơ Ithamar dê.

Nehemi 11:1

Ală kwang at bồ làng bol Israel dê ơm tòm Jerusalem; mơ làng bol gam wơl gen tĕ khà nàng sac rwah dô nă tòm kòp jơt nă bol khai nàng tus ơm tòm Jerusalem, la ƀòn sàng goh, tòm tŭ sin nă cau gam wơl gen ơm tòm ală ƀòn ndai.

Đơs Crih 47:4

Kơnràñ sac rwah phan jơtài bol hi in, Gơ la bơta jòng să Jakôp dê cau Kơnràñ kòñ gơboh. (Selah)

Đơs Crih 61:5

Ơ Yàng Tom Trồ, bơh Kơnràñ neh kơno jơnau ho pơgon añ jê, Kơnràñ neh ai añ in phan jơtài ală cau duh rngòt di sơnđan Kơnràñ dê.

Jơnau Pơnđik 18:18

Bơta tă khà tơnroh tòm pơndang bal, Pơnring digùl ală cau gơs gơnoar pràn.

Jeremi 7:12

‘Behơ̆ tŭ do, lòt tus tĕ hơ tiah ơm yau Añ jê tòm Silô, tềng hơ̆ Añ neh ơn sơnđan Añ dơ̆ sơnròp, mơ sền gŏ ñchi Añ neh lơh gơ in, tài bơh bơta iơh bơsak làng bol Israel Añ jê.’

Ejekiel 47:22

Mê rơp tă khà tòmpà lơgar lơh gơs phan jơtài bol mê in mơ ală cau lơgar ndai ơm sùm digùl bol mê mơ neh gơs kòn sau. Mê pal kòp bol khai kung be cau làng tòm Israel deh tòm lơgar; bol khai rơp tă khà kung be bol mê mơ dòp leng phan jơtài digùl ală jơi bơtiàn Israel dê.

Ejekiel 48:29

Hơ̆ la lơgar mơ mê pal tă khà ai ală jơi bơtiàn Israel in lơh gơs sre brê, mơ hơ̆ la ală pơnah bol khai gơs,” Jehôwa Yàng Tom Trồ đơs behơ̆.

Mice 2:5

Gen tàng tòm mpồl jơnum Yàng Jehôwa dê, bol mê rơp ò gơs dô nă cau lơi nàng tă khà tòmpà ù tiah.

Khà Làng Bol 34:16

Yàng Jehôwa đơs mơ Môise lah:

Mathiơ 27:35

Tŭ neh pơng Kơnràñ di chi pơng rau, bol khai tă khà mơ tòmpà ào Kơnràñ dê;

Jang 17:2

Bơh Bèp neh ai Kòn in gơnoar hơđang jơh ală poac să, nàng ai bơta kis gam sùm sùm ală cau mơ Bèp neh ai Kòn in.

Broă 13:19

Tòm tŭ neh tơnroh poh làng bol tòm lơgar Kanaan rau, gen Kơnràñ ai bol khai in lơh gơs cau tòm ù tiah hơ̆,

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Kôlôse 1:12

mơ ưnngài Yàng Bèp la Bơtau neh lơh bol he in gơlik gơs di pal nàng dòp pơnah tòm sre brê ală cau sàng goh dê ơm tòm lơgar bơta àng.

Jôsue 14:2

Sre brê bol khai dê neh geh tă khà jat be Yàng Jehôwa neh sồr Môise ai sin jơi bơtiàn mơ nggùl in.

Jôsue 14:5

Behơ̆ làng bol Israel tòmpà lơgar jat be jơnau Yàng Jehôwa neh sồr Môise.

Jôsue 18:11

Pơnah tă khà di dê jơi bơtiàn Benjamin jat kòp mpồl bol khai dê neh guh, mơ ù tiah jào bol khai in gơ ơm digùl jơi bơtiàn Juda mơ jơi bơtiàn Jôsep.

Jôsue 18:6

Tơnơ̆ mơ tŭ bol mê neh cih rùp yal loh bơh poh pơnah lơgar rau, gen cèng tĕ añ in tềng do; añ rơp tă khà bol mê in di đap Jehôwa Yàng Tom Trồ bol mê dê tềng do.

Jôsue 18:8

Behơ̆ ală cau klau hơ̆ sơntòm lòt gùng, gen Jôsue ai gơnoar sồr bol khai la cau lik lòt nàng cih rùp ù tiah, mơ đơs lah: “Lòt tĕ sền sơwì làm lơgar mơ cih rùp gơ, gen rê wơl hơ añ; añ rơp tă khà bol mê in di đap Yàng Jehôwa tềng do tòm Silô.”

Jôsue 18:9

Behơ̆ ală cau hơ̆ ñă lòt làm lơgar mơ cih rùp gơtòm dô pồt sră, cih bơh kòp ƀòn tòm poh pơnah; gen bol khai rê wơl hơ Jôsue tòm sàl ơm tòm Silô,

Jôsue 19:51

Hơ̆ la ală pơnah ù tiah mơ Eleajar cau gơnoar ơn phan duh khoai, Jôsue kòn klau Nun mơ ală cau kwang at bồ ală mpồl Israel dê neh tă khà mơ tòmpà di Sàl Tòm Mat di đap Yàng Jehôwa tòm Silô. Behơ̆ bol khai lơh sir bơta tòmpà lơgar.

Jôsue 23:4

Añ neh jào bol mê in pơnah sre brê jơi bơtiàn bol mê in jơh ală lơgar gam wơl, bal mơ ală lơgar añ neh tòmpìt ai bơh di hiòng Jordan tus hơ Dàlềng Dờng đah mattơngai mut.