Jôsue 18:1 - Sră Goh 2018

¹ Gen jơh mpồl jơnum làng bol Israel pơjum bal tòm Silô mơ bơtào Sàl Tòm Mat tềng hơ̆. Jơh lơgar neh ơm hơđơm gơnoar at bồ bol khai dê.

Jôsue 18:1 Mawu Ofanana

II Samuel 7:6

Añ neh ò ơm tòm dô nơm hìu lơi bơh ngai Añ cèng làng bol Israel lik bơh di lơgar Ejiptơ jơl tus di ngai do, mơya Añ neh lòt bơh tiah do tus hơ tiah ne tòm dô nơm sàl mơ Sàl Ing Duh Khoai.

I Ală Bơtau 14:2

Jerôbôam đơs mơ bau ùr khai lah: “Lòt tĕ lơh să ai be cau ndai, nàng cau ò đal git ai la bau ùr Jerôbôam. Ai lòt tĕ hơ Silô, bơh gơs cau gơnoar hwơr Ahijah ơm tềng hơ̆, la cau neh yal lài bơh añ lah añ rơp lơh gơs bơtau hơđang làng bol do.

I Ală Bơtau 14:4

Bau ùr Jerôbôam lơh jat behơ̆, khai lik lòt tus hơ Silô, mơ tus hơ hìu Ahijah dê. Tŭ hơ̆ Ahijah ò rgơi sền gŏ, bơh mat khai neh jơngo tài bơh neh kra ngan.

I Ală Bơtau 2:27

Behơ̆, Salômôn tă gơnoar cau ơn phan duh khoai Yàng Jehôwa dê bơh di Abiatha, lơh gơlik di ngan be jơnau Yàng Jehôwa neh đơs bơh hìu Heli tòm Silô.

Nehemi 9:24

Behơ̆ gen, kòn sau bol khai neh mut mơ dòp geh lơgar, mơ Kơnràñ neh lơh alah ală cau Kanaan di đap bol khai, neh jào bol khai in ală cau hơ̆ bal mơ ală cau bơtau bol khai dê, mơ ală làng bol bol khai dê nàng bol khai lơh ală làng bol hơ̆ in jat be nùs kòñ.

Đơs Crih 78:60

Kơnràñ sang lòi hìu ơm Kơnràñ dê tòm Silô, Hơ̆ la sàl Kơnràñ neh ơm digùl jơi kòn mơnus.

Đơs Crih 78:66

Kơnràñ lơh gơprah ală cau sò tơm di Kơnràñ, Lơh bol khai in kong ƀàssìl sùm sùm.

Jeremi 26:6

gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

Jeremi 26:9

Ñchi bơh tài mê ai sơnđan Yàng Jehôwa mơ đơs hwơr lah: ‘Hìu do rơp gơlik gơs kung be Silô, ƀòn dờng do rơp lòi srau mơ ò gơs cau ơm taih’?” Tŭ hơ̆ jơh làng bol gơrwàng gùt dar Jeremi tòm hìu Yàng Jehôwa.

Jeremi 41:5

gen gơs phàm jơt nă koah sơnò tềp, soh ào sèt, reh să he, bơh Sicem, Silô, Samari tus, at ală phan ơn mơ kòi mbo mơ sơnơm kơlhô tòm tê bol khai nàng cèng tus hơ hìu Yàng Jehôwa.

Khà Làng Bol 32:22

Mơ tòm tŭ neh geh lơgar di đap Yàng Jehôwa, gen bol mê rgơi rê wơl mơ geh khat gơboh bơh di broă pal lơh bol mê dê gơwèt hơ Yàng Jehôwa mơ gơwèt hơ Israel. Mơ lơgar hơ̆ rơp la sre brê bol mê dê di đap Yàng Jehôwa.

Broă 7:45

Ồng pàng bol he dê neh dòp Hìu Ing Duh Khoai hơ̆, lồc behơ̆ lòt bal mơ Jôsue cèng tus hơ lơgar bol khai neh tòmpìt bơh di ală làng bol bơdìh mơ Yàng Tom Trồ neh bơtrơh tơlik bơh di đap bol khai; Hìu Ing Duh Khoai hơ̆ kư̆ gam gơs sùm jơl tus di rài Dabit,

Jôsue 18:2

Mơya gam poh jơi bơtiàn digùl Israel òhềt dòp geh pơnah sre brê bol khai dê.

Jôsue 18:8

Behơ̆ ală cau klau hơ̆ sơntòm lòt gùng, gen Jôsue ai gơnoar sồr bol khai la cau lik lòt nàng cih rùp ù tiah, mơ đơs lah: “Lòt tĕ sền sơwì làm lơgar mơ cih rùp gơ, gen rê wơl hơ añ; añ rơp tă khà bol mê in di đap Yàng Jehôwa tềng do tòm Silô.”

Jôsue 19:51

Hơ̆ la ală pơnah ù tiah mơ Eleajar cau gơnoar ơn phan duh khoai, Jôsue kòn klau Nun mơ ală cau kwang at bồ ală mpồl Israel dê neh tă khà mơ tòmpà di Sàl Tòm Mat di đap Yàng Jehôwa tòm Silô. Behơ̆ bol khai lơh sir bơta tòmpà lơgar.

Jôsue 21:2

bol khai tus hơ Silô tòm Kanaan mơ đơs mơ bol khai lah: “Yàng Jehôwa neh ai gơnoar sồr Môise hơ̆ la ai bol hi in ală ƀòn dờng nàng ơm, bal mơ ală ƀlàng ñhơt nàng ròng siam phan poan jơng bol hi dê.”

Jôsue 22:12

Tòm tŭ làng bol Israel kơno bơta hơ̆, gen pơjum bal jơh Israel tòm Silô, nàng lòt tòmlơh mơ bol hơ̆.

Jôsue 22:19

Mơya tŭ do, dilah ù tiah bol mê dòp geh neh gơlik gơs ƀơ̆ ƀơl, gen tiă tĕ tus hơ ù tiah Yàng Jehôwa dê, la tiah gơs Hìu Ing Duh Khoai Yàng Jehôwa dê, mơ dòp dô pơnah sre brê bol mê dê digùl bol hi. Mơya bañ tòmdră mơ Yàng Jehôwa, hala tòmdră mơ bol hi mơ bơt bơtào bol mê in dô nơm cơnòng duh khoai ndai rlau mơ cơnòng duh khoai Jehôwa Yàng Tom Trồ bol he dê.

Jôsue 22:9

Behơ̆, cau Ruben, cau Gat bal mơ nggùl jơi bơtiàn cau Manase rê wơl hơ hìu bol khai dê, cah is bơh cau Israel tòm Silô, hơ̆ la tòm lơgar Kanaan, nàng rê hơ ù tiah Galaat la lơgar tòm bol khai dê mơ bol khai neh dòp sre brê jat jơnau gơnoar sồr Yàng Jehôwa dê neh sồr Môise.

Ală Kwang Cahrña 18:31

Bol khai kư̆ pơnjat ngui rùp ràk mơ Mika neh lơh tòm jơh ală ngai hìu duh khoai Yàng Tom Trồ dê ơm tòm Silô.

Ală Kwang Cahrña 21:12

Mơ bol khai jòi bàn digùl làng bol tòm Jabes Galaat poan rhiang nă cau ơruh òhềt tŭ lơi bic mơ cau klau lơi, mơ lam bol khai tus hơ tiah lơh sàl tòm Silô, lơgar Kanaan.

Ală Kwang Cahrña 21:19

Behơ̆ bol khai đơs lah: “Sền tĕ, gơs dô bơta pơjum sa kòp nam Yàng Jehôwa in tòm Silô đah hơđang Betel, đah mattơngai lik gùng lòt bơh Betel tus hơ Sicem, mơ đah hơđơm Lebôna.”

I Samuel 1:24

Tòm tŭ khai neh sang pô rau, gen Anne cèng kòn klau hơ̆ guh bal mơ khai tus hơ hìu Yàng Jehôwa dê tòm Silô. Khai cèng bal dô nơm kơnrồ dam pe nam, dô thùng kơmbuh phe, mơ dô nhồng gơltau tơrnòm. Khai lam kòn dềt hơ̆ tus hơ hìu Yàng Jehôwa, mơ kòn hơ̆ gam dềt ngan.

I Samuel 1:3

Kòp nam khai òs guh bơh di ƀòn khai dê nàng duh khoai mơ ơn phan duh khoai Yàng Jehôwa Gơnap Gơnoar Dờng Làm Jơh in tòm Silô, tềng hơ̆ gơs bàr nă kòn klau Heli dê la Hôpni mơ Phineas, la ală cau gơnoar ơn phan duh khoai Yàng Jehôwa dê.