Jôsue 17:11 - Sră Goh 2018

¹¹ Tòm ù tiah Isakar mơ Aser, Manase kung gơs ƀòn dờng Bet San, Ipleam mơ ală làng bol Dôr, Endôr, Thaanat mơ Megidô bal mơ ală tiah jơnum làng bol gùt dar bol gơ dê (ƀòn dờng dơ̆ pe la Naphôt).

Jôsue 17:11 Mawu Ofanana

II Samuel 21:12

gen khai lòt tus hơ làng bol Jabe tòm Galaat, ai ntìng ƀồc Sol mơ Jônathan, kòn klau Sol dê. (Bol hơ̆ neh cèng òm bol khai bơh Betsan, la tiah cau Philistin yồng bol khai tơnơ̆ mơ tŭ bol khai neh tơnchơt Sol hơđang Gilbôa.)

I Ală Bơtau 9:15

Do la bơta cih wơl ală cau lơh broă bòl glar mơ Salômôn neh kup nàng bơt bơtào hìu duh khoai Yàng Jehôwa mơ gơlang khai dê, Silô mơ dơrñang Jerusalem, Hajor, Megidô mơ Gejer.

II Ală Bơtau 9:27

Tòm tŭ Acasia bơtau Juda gŏ bơta hơ̆, gen ntoat dô song hơ Bethagan; mơya Jehu ting jat khai, mơ sồr lah: “Kung pañ tĕ khai sơl.” Gen bol khai pañ di khai hơđang rơndeh di kơh tus hơ Gur, rềp Gipleam. Gen, Acasia dô tus hơ Megidô mơ chơt tềng hơ̆.

I Yal Yau 6:70

mơ bơh di nggùl jơi bơtiàn Manase cau Israel neh ai Aner mơ Bileam bal mơ ală ƀlàng ñhơt gơ dê ală mpồl hìu nhă gam wơl Kôhat dê.

I Yal Yau 7:29

Rò gah nhàr ù tiah Manase la Bet San, Taanak, Megidô mơ Dôr, bal mơ ală ƀòn gơ dê. Ală kòn sau Jôsep kòn klau Israel dê ơm tòm ală ƀòn hơ̆.

II Yal Yau 35:22

Mơya Jôsia ò bài pleh ngài bơh khai, soh mơ ồi ào lơh be cau ndai nàng tòmlơh mơ Nekô. Khai ò bài iat jơnau Nekô neh tus bơh di bơr Yàng Tom Trồ dê, mơya mut tòm bơta tòmlơh mơ khai tòm ƀlàng ring Megidô dê.

Đơs Crih 83:10

La cau kong tơnroh tòm Endôr, gơlik gơs phan pơnđồm ù.

Jeremi 49:2

Yàng Jehôwa đơs: “Gen tàng, ală ngai rơp tus nền cê ngan, Tòm tŭ Añ rơp yal jơnau tơnggit bơh kơlìn gơtoă Tòmdră mơ Rapbah cau Ammôn dê, Gơ rơp gơlik gơs dô gơnru tơrlah tơrling; ală ƀòn gùt dar rơp kong chu mơ ồs, Tŭ hơ̆ Israel rơp tòmpìt ai sre brê ală cau neh tòmpìt sre brê khai.” Yàng Jehôwa đơs behơ̆.

Sacari 12:11

Tòm ngai hơ̆, rơp gơs bơta ñìm ngkè dờng tòm Jerusalem, kung be bơta ñìm ngkè Hadat Rimmôn dê tòm ƀlàng ring Megidô.

Jôsue 11:2

mơ tus hơ ală bơtau ơm đah đang lơgar kơh mơnơm, tòm Arabah đah đơm Kineret, ơm di jơng mơnơm đah mattơngai mut mơ ơm tòm Naphôt Dôr đah mattơngai mut,

Jôsue 12:21

bơtau Thaanak, bơtau Megidô,

Jôsue 12:23

bơtau Dor tòm Naphôt Dor, bơtau Gôim tòm Gilgal,

Jôsue 16:9

Bal mơ ală ƀòn dờng la pơnah neh lòi is jơi bơtiàn Epraim in ơm digùl sre brê jơi bơtiàn Manase dê, jơh ală ƀòn dờng bal mơ ală ƀòn dềt gơ dê.

Jôsue 17:10

Ù tiah đah đơm gơrê bal mơ Epraim mơ ù đah đang gơrê bal mơ Manase. Ù tiah Manase dê gơ lòt tus hơ gah dàlềng mơ rò gah đah đang ù tiah Aser dê, mơ đah mattơngai lik ù tiah Isakar dê.

Jôsue 17:16

Kòn sau Jôsep ho lah: “Tiah mơnơm la ò tơl bol hi in, tài bơh jơh ală cau Kanaan ơm tòm ƀlàng gơs ală rơndeh tòmlơh mơ lòs, jơh mơ cau ơm tòm Betsean mơ ală ƀòn dềt gơ dê, bal mơ ală cau ơm tòm thòng Jejreel.”

Ală Kwang Cahrña 1:27

Mơya cau Manase ò ting bơtrơh làng bol ơm tòm Bet San, Thaanak, Dor, Ipleam, Megidô bal mơ ală tiah jơnum làng bol gùt dar ală ƀòn dờng hơ̆, bơh cau Kanaan kư̆ kis tòm lơgar.

Ală Kwang Cahrña 5:19

Ală cau bơtau neh tus, bol khai neh tòmlơh; gen ală cau bơtau Kanaan dê tòmlơh tòm Thaanak di gah dà Megidô; bol khai ò tòmpìt geh priă hala phan ndai.

I Samuel 28:7

Gen Sol đơs mơ ală cau duh broă khai dê lah: “Jòi tĕ añ in dô nă cau ùr bơjơu nàng añ rgơi lòt tus lùp khai.” Ală cau duh broă khai dê đơs mơ khai lah: “Ne, gơs dô nă cau bơjơu tòm Endôr.”

I Samuel 31:10

Bol khai ơn ală phan tòmlơh Sol dê tòm hìu duh khoai Astarte dê, mơ yồng ƀồc khai di dơrñang Betsan dê.

I Samuel 31:12

gen jơh ală cau khin cha bol khai dê ñă lòt mang àng tus hơ Betsan. Bol khai tơmù ƀồc Sol mơ ƀồc ală kòn klau khai dê bơh di dơrñang Betsan; gen bol khai rê hơ Jabes mơ chu ală ƀồc hơ̆ tềng hơ̆.