Jôsue 17:1 - Sră Goh 2018

¹ Do la sre brê tòmpà jơi bơtiàn Manase in, bơh khai la kòn tơnhoa Jôsep dê, ai Makir kòn tơnhoa Manase dê, la bèp Galaat dê, la cau neh dòp geh Galaat mơ Basan; tài bơh cau Makir la ală cau ling jak tòmlơh.

Jôsue 17:1 Mawu Ofanana

Sơnròp Gơlik Gơs 41:51

Jôsep sơnđan kòn tơnhoa khai dê la Manase bơh khai đơs lah: “Yàng Tom Trồ neh lơh añ in hŭi bơta bòl glar, mơ jơh hìu nhă bèp añ jê.”

Sơnròp Gơlik Gơs 41:52

Khai sơnđan kòn dơ̆ bàr la Epraim, bơh khai đơs lah: “Yàng Tom Trồ lơh añ in gơlik gơs pas sơm tòm lơgar añ kong bòl glar.”

Sơnròp Gơlik Gơs 46:20

Jôsep neh gơs kòn klau tòm Ejiptơ la Manase mơ Epraim, mơ Asenat, kòn ùr Pôtiphera, cau gơnoar ơn phan duh khoai ƀòn Ôn dê, neh deh khai in.

Sơnròp Gơlik Gơs 48:17

Mơya Jôsep gŏ bèp khai ƀư tê ma hơđang bồ Epraim gen khai ò niam nùs, mơ khai tă tê bèp neh ƀư bồ Epraim nàng ơn wơl di bồ Manase.

Sơnròp Gơlik Gơs 48:18

Gen Jôsep đơs mơ bèp lah: “Ò di behơ̆, ơ bèp, oh do la kòn tơnhoa, ƀư tê ma bèp hơđang bồ khai dê.”

Sơnròp Gơlik Gơs 50:23

Khai gŏ kòn sau Epraim dê tus di rài dơ̆ pe, mơ khai kung neh kơnđơt kơnđu ală kòn Makir, hơ̆ la kòn klau Manase dê.

II Samuel 2:9

Apner bơtào khai lơh gơs bơtau at bồ Galaat, Asuri, mơ Jejreel, bal mơ Epraim, Benjamin mơ jơh Israel.

I Yal Yau 2:23

Mơya Gesur mơ Aram tòmpìt ai Habôt Jair, Kenat mơ ală ƀòn gơ dê, jơh mơ jơh la prau jơt nơm ƀòn dờng. Jơh ală cau do la kòn sau Makir dê, bèp Galaat.

Ejekiel 47:13

Do la jơnau đơs Jehôwa Yàng Tom Trồ dê: Do la nhàr tòm tŭ mê tòmpà lơgar lơh gơs phan jơtài jơt bàr jơi bơtiàn Israel in, gơs bàr pơnah hìu Jôsep in.

Ejekiel 48:4

Manase rơp gơs dô pơnah; gơ rơp lòt jat nhàr ù tiah Neptali dê bơh đah mattơngai lik tus hơ đah mattơngai mut.

Khà Làng Bol 26:29

Ală kòn sau Manase bơh di Makir gơs mpồl hìu nhă Makir (Makir la bèp Galaat); bơh di Galaat gơs mpồl hìu nhă Galaat.

Khà Làng Bol 27:1

Ală kòn ùr Selôphehat kòn klau Hepher, sau Galaat, se Makir, set Manase dê, gơrê bal mơ mpồl hìu nhă Manase kòn klau Jôsep. Sơnđan mat ală kòn ùr hơ̆ la Mahlah, Nôah, Hôglah, Milkah mơ Tirjah.

Khà Làng Bol 32:33

Gen Môise ai ală cau Gat, ală cau Ruben, mơ nggùl jơi bơtiàn Manase kòn klau Jôsep in lơgar bơtau Sihôn dê at bồ cau Amôr, mơ lơgar bơtau Ok dê la cau at bồ cau Basan, jơh dô nơm lơgar bal mơ ală ƀòn dờng mơ ù tiah gùt dar.

Yal Wơl 21:17

Khai pal dòp kòn klau bau ùr khai ò kòñ gơboh la kòn klau tơnhoa mơ ai khai in bàr pơnah tòm jơh ală phan mơna khai gơs. Kòn klau hơ̆ la tềl sơnròp bơh bơta pràn kơldang bèp khai dê. Gơnoar kòn tơnhoa gơrê bal mơ khai.”

Jôsue 17:2

Behơ̆ bơta tòmpà do ai cau gam wơl tòm jơi bơtiàn Manase, jat ală mpồl hìu nhă bol khai dê la Abiejer, Helek, Ariel, Sicem, Hepher mơ Semida; hơ̆ la ală cau klau tòm jơi bơtiàn Manase kòn Jôsep dê, jat ală mpồl hìu nhă bol khai dê.

Jôsue 22:7

Tŭ hơ̆ Môise neh ai nggùl jơi bơtiàn Manase in dô pơnah sre brê tòm Basan; mơya nggùl jơi bơtiàn ne Jôsue neh ai dô pơnah sre brê di gah oh mi Israel bol khai tòm ù tiah đah mattơngai mut hiòng Jordan. Mơ tòm tŭ Jôsue sồr bol khai rê hơ sàl bol khai dê, gen ai lơngai bol khai in,

Ală Kwang Cahrña 5:14

Bơh Epraim gơs ală cau tòm ryas bol khai bơh Amalek, Benjamin lòt jat mê bal mơ oh mi mê. Ală kwang at bồ ling mù tus bơh Makir, ală cau at gai gơnoar at bồ tus bơh Jebulun.