Jôsue 16:2 - Sră Goh 2018

² Bơh Betel lòt hơ Lus, lòt tơn hơ Atarôt ù tiah làng bol Arkit dê;

Jôsue 16:2 Mawu Ofanana

Sơnròp Gơlik Gơs 28:19

gen khai sơnđan tiah hơ̆ la Betel, ai bơh lài sơnđan ƀòn hơ̆ la Lus.

II Samuel 15:32

Tòm tŭ Dabit neh tus hơđang bồ mơnơm, di tiah cau òs pơjum duh khoai Yàng Tom Trồ, gen Husai cau Arkit gơs tềng hơ̆ nàng tìp mat mơ bơtau, ào khai neh gơcrè sèt mơ bồ khai bềng thul ơmul.

II Samuel 15:37

Behơ̆, Husai cau bơyô Dabit dê rê wơl hơ Jerusalem tòm tŭ Apsalôm mut tòm ƀòn dờng.

II Samuel 16:16

Gen Husai cau Arkit, la cau bơyô Dabit dê, tus hơ Apsalôm mơ đơs lah: “Dan bơtau in kis jŏ! Dan bơtau in kis jŏ!”

I Yal Yau 27:33

Ahitôphel la cau cri bơyai broă bơtau dê. Husai cau Arkit la bơyô bơtau dê.

I Yal Yau 7:28

Ù tiah mơ tiah jơnum ƀòn bol khai dê tơrgòm bal Betel mơ ală ƀòn gùt dar, Naaran Đah mattơngai lik, Gejer mơ ală ƀòn gơ dê đah mattơngai mut, mơ Sikem mơ ală ƀòn gơ dê lòt tus di Aiya mơ ală ƀòn gơ dê.

Jôsue 18:13

Bơh tềng hơ̆ nhàr gơ lòt gan đah đơm kơh mơnơm Lus dê (hơ̆ la Betel), mơ mù tus hơ Atarôt Adar hơđang mơnơm đah đơm tiah liah Bet Hôrôn.