Jôsue 13:7 - Sră Goh 2018

⁷ Behơ̆ tŭ do tòmpà tĕ ù tiah do sin jơi bơtiàn in mơ nggùl jơi bơtiàn Manase in nàng lơh gơs sre brê.”

Jôsue 13:7 Mawu Ofanana

Đơs Crih 105:44

Kơnràñ ai gòi bol khai in ù tiah ală làng bol dê, Bol khai dòp geh cồng nha tơngai broă ală làng bol hơ̆ dê,

Đơs Crih 78:55

Kơnràñ bơtrơh tơlik ală làng bol di đap bol khai; Kơnràñ tòmpà lơgar lơh gơs sre brê bol khai in, Mơ ai ală jơi bơtiàn cau Israel in ơm tòm sàl ală làng bol hơ̆ dê.

Ejekiel 45:1

“Tòm tŭ bol mê tòmpà lơgar lơh gơs sre brê, bol mê pal ơn Yàng Jehôwa in dô pơnah ù tiah lơh gơs dô kơnhwàl ơn is sàng goh, jòng ròt bàr jơt pram rbô tal, ơnàng bàr jơt rbô tal; jơh dô kơnhwàl do rơp la tiah sàng goh.

Khà Làng Bol 33:54

Tă khà tòmpà tĕ lơgar jat ală mpồl hìu nhă. Ai tĕ sre brê dờng ală mpồl dờng in, mơ ai tĕ ală mpồl dềt in sre brê dềt. Pơnah lơi dờng bol khai tă khà mơ geh gen gơrê bal mơ bol khai. Tòmpà tĕ lơgar jat ală jơi bơtiàn ồng pàng bol khai dê.

Khà Làng Bol 34:13

Môise ai jơnau gơnoar sồr ală cau Israel in mơ đơs lah: “Tă khà tòmpà tĕ lơgar lơh gơs sre brê. Yàng Jehôwa neh ai jơnau gơnoar sồr lah gơ rơp geh ai sin jơi bơtiàn mơ nggùl in,

Jôsue 13:6

jơh ală làng bol ơm tòm tiah lơgar kơh mơnơm bơh Liban tus hơ Misrephôt Maim, bal mơ jơh làng bol Sidôn. Să tòm Añ rơp ting bơtrơh bol khai bơh di đap làng bol Israel; mơ mê tòmpà tĕ ù tiah do làng bol Israel in lơh gơs sre brê jat be Añ neh sồr mê.

Jôsue 13:8

Cau Ruben, cau Gat mơ nggùl jơi bơtiàn Manase dê neh dòp sre brê mơ Môise tòmpà đah mattơngai lik hiòng Jordan jat be Môise cau duh broă Yàng Jehôwa dê neh ai bol khai in.

Jôsue 14:2

Sre brê bol khai dê neh geh tă khà jat be Yàng Jehôwa neh sồr Môise ai sin jơi bơtiàn mơ nggùl in.